ကျန်ရစ်ခဲ့သူမဖြစ်လိုပါ

ချစ်တဲ့သူတိုင်းဟာ ပျော်ရွှင်စွာပေါင်းစပ်ခြင်းဆိုတဲ့ “Happy Ending” နဲ့ပဲ အဆုံးသတ်ချင်ကြတာပါ။ ချစ်တဲ့သူတိုင်းဟာ ကိုယ်ချစ်တဲ့သူနဲ့ ပေါင်းစပ်လိုကြပါတယ်။ ဒါဟာ သူတို့ရဲ့ အိမ်မက်လှလှလေးတခုပါ။ စိတ်ကူးထဲမှာ ချစ်တဲ့သူနဲ့ ဘဝကိုဘယ်လိုတည်ထောင်ပြီး ချစ်စရာကောင်းတဲ့ ကိုယ်တွေမျိုးဆက်လေးတွေနဲ့ ဘဝကို ဘယ်လိုဖြတ်သန်းသွားကြမယ်လို့ စိတ်ကူးလှလှလေး ယဉ်ထားကြတာ။ ဘယ်သူမှ ချစ်တဲ့သူနဲ့ မကွဲချင်သလို ကျန်ရစ်ခဲ့ရသူလည်း မဖြစ်လိုကြပါ။

ပေါ့ပေါ့တန်တန် ချစ်ကြတဲ့ ချစ်သူနှစ်ဦးကြားမှာ အနာဂါတ်တွေ ၊ ရည်ရွယ်ထားတာမျိုးတွေ မရှိကြတဲ့အတွက် သူဘာလုပ်လုပ် ၊ ကိုယ်ဘာလုပ်လုပ် ဘာမှ သိပ်အရေးမပါသလိုပဲ အရမ်းကြီးမခံစားကြဘူး။ အပျော်ပေါ့ပေါ့လေး တွဲနေတာလို့ ကိုယ့်ကိုယ်ကို သိနေတဲ့အတွက်ကြောင့်လည်း သူနဲ့တွေ့ချိန်တိုင်း ပျော်ပျော်လေး ၊ ပေါ့ပေါ့လေး ဖြတ်သန်းချင်ကြတယ်။ တွဲနေတဲ့အချိန် ပျော်စရာတွေကိုပဲ နှစ်ဦးအတူ ရွေးလုပ်ကိုင်ပြီး ပျော်စရာတွေရှာကြမယ်လို့ပဲ တွေးကြတယ်။ ရည်ရွယ်ချက်ကိုက ပျော်ရုံတွဲတာကိုး။

ပျော်ရုံတွဲတာမျိုးမဟုတ်တဲ့ စုံတွဲတွေမှာတော့ လေးနက်တဲ့ခံစားချက်တွေ ၊ တွယ်တာမှုတွေ ၊ ချစ်ခင်မှုတွေ တဘက်လူအပေါ် ပျော်ဝင်နေပါတယ်။ ဒါဟာဘာဖြစ်လို့လဲဆိုရင် ရေရှည်လက်တွဲသွားမယ်လို့ ရည်ရွယ်ထားလို့ပါ။ ရေရှည် ရည်ရွယ်ထားတဲ့အတွက်ကြောင့် ခဏတွေ့ရုံလေး သူတို့မစဉ်းစားတော့ဘူး။ ဒီလူနဲ့လက်တွဲရင် ရေရှည်မြဲအောင် ကိုယ်မကြိုက်တဲ့အချက်တွေထဲက သူ ဘာတွေ ပြင်သင့်သလဲ ၊ ကိုယ်ဘာတွေ ပြင်ရမလဲဆိုတာကို နှစ်ယောက်ညှိယူကြရပြီ။ တစိမ်းတွေကနေ ချစ်သူဖြစ်လာကြတဲ့ ဆက်ဆံရေးမို့ မတူတဲ့မိသားစုက ပေါက်ဖွားလာတဲ့ မတူညီတဲ့ ခံယူချက်တွေ ၊ စိတ်နေစိတ်ထားတွေ ၊ သဘာဝဓလေ့တွေဆိုတာကို နှစ်ဦးမြဲဖို့ ညှိယူကြရပါတယ်။

ဒီလိုညှိယူနေဆဲကာလမှာ နှစ်ယောက် ခဏ  ခဏ ငြိကြ ၊ စိတ်ဆိုးကြ ၊ စိတ်ကောက်ကြ ၊ ပြန်ချော့ကြနဲ့ တခါတခါ ပျော်စရာကောင်းသလိုလိုနဲ့ တခါတခါ စိတ်ညစ်စရာ ၊ စိတ်တိုစရာ ၊ စိတ်အနှောင့်အယှက်ဖြစ်စရာ ၊ လွမ်းဆွေးစရာလည်း ကောင်းပါတယ်။ ဒီလို ခဏ ခဏ ညှိရင်းငြိနေကြတဲ့ အချိန်တွေမှာ ခွင့်လွှတ်တတ်သူနဲ့ လိုက်လျောတတ်သူ ကာရံညီသွားတဲ့အခါ တစ်ယောက်မကြိုက်တာ တစ်ယောက်မလုပ်မိကြဖို့ ရေရှည်ဆက်ဆံရေးကို မျှော်တွေးပြီး အချစ်တွေနဲ့ လက်တွဲမြဲမြံသွားကြတယ်။ ဒါဟာ တစ်ဦးအပေါ် တစ်ဦးက တကယ်နှစ်နှစ်ကာကာ ချစ်မိကြတဲ့အတွက် သူမကြိုက်တာ ကိုယ်မလုပ်မိအောင် ဆင်ခြင်ရင်း ၊ ရှောင်ကြဉ်ရင်းက လက်တွဲမြဲလာကြတာပါ။

လက်တွဲမြဲအောင် ညှိယူကြတဲ့နေရာမှာ မာန်ကလေးတွေ ၊ မာနကလေးတွေ ၊ တကိုယ်ကောင်းဆန်မှုတွေ ၊ အတ္တတွေဆိုတာကို ကိုယ်စီ လျှော့ချသွားကြဖို့ လိုပါတယ်။ ကိုယ့်ပဲအမြဲလိုက်လျောရမယ်  သူ့တော့ လိုက်လျောစရာမလိုဘူးဆိုတာတွေ ၊ ကိုယ့်ဘက်ပဲ အမြဲကြည့်တတ်ပြီး သူ့ဘက်တွေးကြည့်ပေးဖို့ မေ့လျော့တတ်သူတွေ ၊ သူများအချိန်ပေးဖို့ တွန့်တိုပြီး အကျင့်ပါသွားလိမ့်မယ်ဆိုတဲ့ အတွေးတွေ ၊ နှစ်ဦးအကြားက မေတ္တာတရားခိုင်မာဖို့ထက် ကိုယ်စိတ်သန်ရာဘက် ဦးစားပေးနေသူတွေ ၊ သစ္စာမစောင့်သိတတ်သူတွေက ညှိယူနေတဲ့ကာလမှာတင် သူတင်း ၊ ကိုယ်တင်းနဲ့ ပြတ်သွားကြတာတွေလည်း ရှိပါတယ်။

မမြဲလို့ပြတ်မယ့်အတူတူ ငါကသူ့ကျောအောင် ဖြတ်မယ် ၊ မဖြတ်ခင် ငါစိတ်ဆင်းရဲသလို သူစိတ်ဆင်းရဲစေရမယ် ၊ သူဖောက်ပြန်သလို ငါလည်းတွဲပြမယ်စတဲ့ မခံချင်စိတ်တွေကို တလွဲရှေ့တန်းတင်လိုက်တဲ့အခါ မဖြစ်သင့်တာတွေ ဖြစ်သွားတတ်ပါတယ်။ ဘယ်သူမှ ကျန်ရစ်ခဲ့ရသူတော့ မဖြစ်လိုဘူး။ မမြဲလို့ကွဲကြေးဆို ကိုယ်က ချန်ထားရစ်တဲ့သူပဲ ဖြစ်လိုတယ်။ သူချန်ရစ်လို့ ကိုယ်ကျန်ရစ်ခဲ့ရတာထက် ကိုယ်ချန်ရစ်လို့ သူကျန်ရစ်ဖြစ်ရမှာကိုပဲ ပိုလိုလားတယ်။ အသည်းကွဲတာချင်းအတူတူ ကိုယ်ထားခဲ့လို့ ကွဲတဲ့အသဲက ပိုသာနေသလိုပဲ။ ဒါကြောင့် ကျန်ရစ်မဖြစ်ချင်ကြဘူးလို့ ကျွန်မဆိုလိုတာပါ။

သမီးရည်းစားဘဝမှာ လက်တွဲမြဲသွားလို့ ရှေ့တလှမ်းတိုးမယ်ဆို သူနဲ့တအိမ်ထောင် ထူထောင်မှာပေါ့။ သူနဲ့လက်ထပ်ပေါင်းသင်းလိုက်တယ်ဆိုတာ အချစ်ရဲ့ပန်းတိုင် ၊ ကိုယ်တွေချစ်သူနှစ်ဦးရဲ့ ချစ်ခရီးပန်းတိုင်လို့ ချစ်သူအများစုက ထင်ထားကြတယ်။ တကယ်တော့ မဟုတ်ဘူး။ လက်ထပ်ပေါင်းသင်းလိုက်တယ်ဆိုတာ အချစ်ခရီးအလယ် ဘဝခရီးအစပဲ။ လက်ထပ်ပေါင်းသင်းလိုက်ပါမှ တူနှစ်ကိုယ် ဘဝထဲကို လက်တွေ့ကျကျ တိုးဝင်လိုက်တာ။ အဲဒီမှ စတွေ့တာပဲလေ။ ချစ်လို့ ပေါင်းသင်းလိုက်တယ်ဆိုတဲ့အတွဲနဲ့ ကြိုပြင်ဆင်လေ့ကျင့်ထားခဲ့ကြတဲ့အတွဲ အဲဒီမှာ စတင်ပြီး ကွာခြားလာကြတယ်။

ချစ်လို့ပေါင်းသင်းလိုက်တယ်ဆိုတဲ့အတွဲက လက်ထပ်ပြီးရင် ဘာတွေ ရင်ဆိုင်ရလာနိုင်တယ် ၊ အဲဒီအတွက် ဘာတွေပြင်ဆင်ထားကြရမယ်ဆိုတာကို ကြိုမတွေးခဲ့ကြဘူး။ သူတို့အတွက် လက်ထပ်ပေါင်းသင်းတယ်ဆိုတာ ချိုမြတဲ့သစ်သီးတစ်လုံးကို နှစ်ယောက်အတူ တချိန်တည်း စားသုံးလိုက်ကြတာ ၊ လေထဲ အချစ်အိမ်အတူဆောက်လိုက်ကြတာဖြစ်တယ်။ တကယ့်ဘဝအရသာဆိုတာ အချိုတခုတည်းမှ မဟုတ်တာ။ အချိုရှိသလို အချဉ်လည်းရှိ ၊ အဆိမ့်လည်းရှိ ၊ ဖန်တန်တန်အရသာလည်းရှိ ၊ ခါးသီးတဲ့နေ့တွေလည်း ရှိတယ်လေ။ အချိုချည်းပဲ ခံစားရမယ်လို့ မျှော်ကိုးလက်ထပ်ပေါင်းသင်းခဲ့တာမျိုးဆို ဖန်လာတဲ့နေ့တွေ ၊ ချဉ်လာတဲ့နေ့တွေ ၊ အီဆိမ့်နေတဲ့နေ့တွေနဲ့ ခါးသီးတဲ့နေ့တွေကို နှစ်ယောက်အတူ ဘယ်လိုဖြတ်သန်းကြမလဲ။ ဘယ်လိုလက်တွဲမြဲနေနိုင်ပါ့မလဲ။

အိမ်ထောင်သက်တလျောက် အချစ်မပျက် သာယာပျော်ရွှင်တဲ့အိမ်ထောင်တခုကို တည်ထောင်လိုတယ်ဆို ချိုမြိန်တဲ့နေ့ရက်တွေကို ဘယ်လို ထိန်းသိမ်းသွားမလဲ ၊ ဖန်လာတဲ့နေ့တွေကို ဘယ်လိုအတူပြင်ဆင်ကြမလဲ ၊ ချဉ်လာတဲ့နေ့တွေကို ဘယ်လိုမေ့ဖျောက်ပြီး ပြန်ချိုလာအောင် လုပ်ယူမလဲ ၊ အီဆိမ့်နေတဲ့နေ့တွေမှာ အပြုံးမပျက် ခံနိုင်ရည်ရှိအောင် ဘယ်လို အတူကျင့်ယူသွားကြမလဲ ၊ ခါးသီးတဲ့နေ့တွေမှာလည်း နှစ်ယောက်လက်တွဲမပျက် ဘယ်လိုရင်ဆိုင်ကျော်လွှားသွားကြမလဲဆိုတာကို ကြိုတင်တွေးခေါ်လို့ အိမ်ထောင်တခုမထူထောင်မီကတည်းက လေ့ကျင့်ထားခဲ့ဖို့ လိုပါတယ်။ ကိုယ်တွေအမြင်မှာ နှစ်ဦးပေါင်းဖက်လိုက်တယ်ဆိုပေမယ့် တကယ်က နှစ်မိသားစုပေါင်းဖက်လိုက်တာ ၊ နှစ်ဘက်အသိုင်းအဝန်းပေါင်းဖက်လိုက်တာပါ။ မတူတဲ့ကွဲပြားမှုအသီးသီးတွေကို ဘယ်လို ချိန်ခွင်လျှာထိုး ညှိယူသွားကြမလဲဆိုတာ မယူခင်ကတည်းက ညှိထားခဲ့နိုင်ရင်အကောင်းဆုံးပါ။

အိမ်ထောင်ကျပြီးရင် ဘာတွေ ဖြစ်လာနိုင်တယ်ဆိုတာ ကြိုတင်တွေးခေါ်မျှော်မြင်ပြီး လေ့ကျင့်ယူလာခဲ့တဲ့ စုံတွဲတွေဟာ ယူပြီးလို့ သားတွေ ၊ သမီးတွေရလာတဲ့အချိန် အလှကိုယ်စီ ပျက်ပြယ်လို့ အိမ်ထောင်သက်တွေကြာလာတဲ့အချိန် အချစ်ဆိုတဲ့နေရာမှာ မေတ္တာတွေ ၊ သံယောဇဉ်တွေ ၊ စောင့်ထိန်းရမယ့် သစ္စာတွေ အစားထိုးနေရာယူပြီး အသိတရားနဲ့ ဒီအိမ်ထောင် ပျော်ရွှင်မြဲမြံအောင် ၊ ဒီသားသမီးတွေနဲ့ ဒီမိသားစု မတောင့်မတ ၊ မကြောင့်မကျ နေနိုင်အောင် ဘယ်နေရာမှာ ဘာတွေဖြည့်ဆည်းလို့ ထိန်းသိမ်းပဲ့ပြင်သွားမလဲဆိုတာ တကယ့်ကို အနုစိတ်ပြီး ရသမြောက်တဲ့ ဘဝအစိတ်အပိုင်းကို တွေ့ရမှာပါ။ ဒီခရီးကရှည်ပြီး မေတ္တာတရားနဲ့ တာဝန်ဝတ္တရားတွေ နက်နဲတယ်လေ။ သမီးရည်းစားတုန်းက ပြောခဲ့ဖူးတဲ့ ရိုးမြေကျ ပေါင်းဖက်သွားမယ်ဆိုတာ ဒါကိုပြောတာ။

တကယ်က ရိုးမြေကျ ပေါင်းဖက်သွားဖို့ဆိုတာ ဝေးသေးတယ်။ အိုတဲ့အထိ ၊ နာတဲ့အထိ မေတ္တာမပျက် ပေါင်းဖက်ချစ်သွားဖို့ဆိုတာ တော်ရုံချစ်ခင်ကြင်နာရုံနဲ့တော့ မရဘူး။ အရမ်းချစ်လို့ ပေါင်းသင်းခဲ့ကြပြီး သားသမီးတွေ ၊ မြေးတွေရနေတဲ့ မတောင့်မတအခြေအနေရှိ အဘိုးအဘွားတွေကို တွေ့ဖူးပါတယ်။ သူတို့တွေထဲက အများစုက သားသမီးမျက်နှာ ၊ အသိုင်းအဝန်းမျက်နှာတွေကြောင့် ဇနီးမောင်နှံဆိုတဲ့ခေါင်းစဉ်အောက်မှာ ဆက်လျှောက်နေကြတဲ့သူတွေ များပါတယ်။

ဒီလိုကာလကြာရှည် ပေါင်းသင်းနေတဲ့စုံတွဲတွေထဲက အချို့က တစ်ဦးနဲ့တစ်ဦး မျက်ကြောမတည့်တဲ့ ဘိုးဘွားစုံတွဲတွေလည်းရှိပါတယ်။ ဒီထဲကမှ ရယ်စရာ နဲ့ အံ့သြစရာ စကားပြောခဲ့တဲ့ အဘွားအိုတစ်ယောက်ကို ကျွန်မကြုံဖူးတယ်။ သူမခင်ပွန်းနဲ့အတူ ကန်တော့ခံရင်း ကျွန်မကို ဒီလင် ဒီမယား အိုအောင်မင်းအောင် ပေါင်းရပါစေဆိုတဲ့ဆု သူမပေးချင်ပါဘူးတဲ့။ သူတောင် ခုအရွယ်အထိ ပေါင်းသင်းဆက်ဆံသွားရတာကို စိတ်ပျက်လှပြီမို့ တပါးသူကိုလည်း သူ့လိုမသေမချင်း ပေါင်းနေရတာမျိုး မဖြစ်စေချင်လို့ပါတဲ့။ သူတို့စုံတွဲကြည့်တော့ စကားများရန်ဖြစ်တာမျိုးမရှိတဲ့ အေးဆေးတဲ့ဘိုးဘွားစုံတွဲပါ။ ဒါပေမယ့် မေတ္တာတရားတွေ ဆက်လက်မရှင်သန်နေရင် မသေမချင်း ပေါင်းဖက်နေရတာကို ဝဋ်တစ်မျိုးလို့ မှတ်ယူလိုက်ကြတာမျိုးလေ။

တချို့တွေကျတော့ ချစ်လို့ ပေါင်းသင်းပြီးကာမှ မအိုခင် ၊ မနာခင်မှာတင် စိတ်သဘောချင်းမတိုက်ဆိုင်လို့ ၊ ရှေ့ဆက်ဖို့ မဖြစ်နိုင်လို့စတဲ့ ခေါင်းစဉ်တွေအောက်မှာ ကိုယ့်လမ်းကိုယ် ဆက်လျှောက်သွားတဲ့သူတွေလည်းရှိတယ်။ မူလပကတိအတိုင်း အပျို ၊ လူပျိုပြန်မဖြစ်သော်ငြား သားသမီးတွေမရှိရင် လူလွတ်တစ်ယောက်လို ဘာမှမဖြစ်သလို ပြန်နေကောင်း နေလို့ရပေမယ့် စိတ်ဒဏ်ရာရသွားသူတွေလည်းရှိတယ်။ သားသမီးတွေရှိရင် သားသမီးတွေပါ စိတ်ဒဏ်ရာတွေ ရကုန်ကြတယ်။

စိတ်ဒဏ်ရာတွေပေးပြီး ချန်ရစ်သွားခဲ့တဲ့ အိမ်ထောင်ဘက်ကြောင့် စိတ်ဒဏ်ရာတွေ တပွေ့တပိုက်နဲ့ ဘဝခရီးဆက်နေကြရတဲ့ ဇနီးတွေ ၊ ခင်ပွန်းတွေလည်း ရှိပါတယ်။ မိဘတွေကြောင့် တဘဝစာ စိတ်ဒဏ်ရာတွေနဲ့ ကြီးပြင်းလာခဲ့ရတဲ့သူတွေလည်းရှိတယ်။ ဒီလူတွေလည်း ကျန်ရစ်ခဲ့ရသူတွေ ဘယ်ဖြစ်ချင်ပါ့မလဲ။ မဖြစ်လို့သာ ကျန်ရစ်ခဲ့ရတာပါ။ ဘယ်သူမှတော့ တည်ထောင်ပြီးသားအိမ်ထောင် မပြိုပျက်ချင်ကြဘူး။ ဒါဆိုဘာကြောင့် ကျန်ရစ်ဖြစ်ကြရသလဲ လေ့လာကြည့်ရအောင်နော်။

ကိုယ်ကသူ့ကို ဂရုစိုက်ဖို့ မလိုပါဘူး သူ့ဘာသာဂရုစိုက်နိုင်တယ်လို့ သဘောထားခဲ့လေသလား ။

ချစ်ခဲ့ ၊ ကြင်နာခဲ့ဖူးတာပဲ။ ချစ်ပြ ၊ ကြင်နာနေပြဖို့ မလိုပါလို့ လတွေ ၊ နှစ်တွေ ကြာရှည် နေမိခဲ့လေသလား။

သူ့ထက် ပိုစွဲဆောင်နိုင်တဲ့သူ ကိုယ့်မှာရှိနေပြီမို့ သူ့အပေါ် စိတ်ဝင်စားမှုတွေ လျော့ကျလာပြီလား။

အိမ်ထောင့်တာဝန်ကျေရင် ၊ မိဘတာဝန်ကျေရင် ဒီအိမ်ထောင်မြဲမြံသင့်တယ်လို့ မှတ်ယူပြီး မပြင်မဆင် သူ့အပေါ် ပေါ့လျော့နေမိခဲ့လေသလား။

သူ့ခံစားချက်တွေ နားလည်အောင် ကြည့်ပေးဖို့ထက် ကိုယ့်ခံစားချက်ချည်း ရှေ့တန်းတင်နေမိလေသလား။

ဖြစ်သင့်တာကို နှစ်ဦးသဘောတူ ညှိနှိုင်းယူဖို့ထက် ကိုယ်ဖြစ်ချင်တာကိုချည်း လုပ်ယူနေမိပါသလား။

ကိုယ်တွေနှစ်ဦးအကြားမှာ တပါးသူတွေ ၊ တခြားအခြင်းအရာတွေကြောင့် နှစ်ဦးအကြားသွေးကွဲပြီး စိတ်တွေနာကျင်နေကြရပါသလား။

သူဟာ ကိုယ့်ကိုနားမလည်ဘူးဆိုတဲ့ စိတ်ခံစားချက်တွေနဲ့ သူ့ကြောင့် ကိုယ့်စိတ်တွေ ၊ ခံစားချက်တွေ နာကျင်နေရပါသလား။

နှစ်ဦးဆုံရင် ကြည်နူးရတဲ့အချိန်တွေ မရှိသလောက် ရှားပါးလာပြီး ဂျင်းစိမ်းနဲ့မိတ်သလင် သူကြင်မှ ကိုယ်ကြင်လို့ ခံယူထားပါသလား။

မခံချင်စိတ်တွေနဲ့ အငြှိုးတွေ ၊ အမုန်းတွေ ကိုယ်တွေနှစ်ဦးကြား ဝင်လာခဲ့ပြီလား။

ဒီလိုတွေ ခံစားနေကြရပြီဆိုရင်ဖြင့် တဘက်လူက ကိုယ့်ကို ချန်ရစ်သွားနိုင်သလို ကိုယ်ကလည်း သူ့ကို ချန်ထားရစ်ချင်နေပြီလေ။ သေချာတာကတော့ ကိုယ်တွေနှစ်ဦးဆက်ဆံရေးဟာ သာယာနာပျော်ဖွယ်အချိန်တွေ ရှားပါးလာတာပါပဲ။ အချိန်ကိုက်ဗုံးတစ်ခုလို ဘယ်အချိန်ထပေါက်ကွဲမလဲသာမသိတာ …. တချိန်ချိန် ထပေါက်ကွဲပြီး ကိုယ်တွေနှစ်ဦးဆက်ဆံရေး ပြိုကွဲသွားနိုင်တာ သူလည်းသိ … ကိုယ်လည်း သိနေပြီဆို ကိုယ်ကကျန်ရစ်ခဲ့သူ မဖြစ်လိုပါပေါ့။

ရတု (Burmesehearts.com)