class="post-thumbnail open-lightbox" href>
စိတ်ကစားခြင်းနှင့် ချစ်ခြင်းမေတ္တာကွာခြားပုံ
သစ်ရွက်လှုပ်တောင် ရင်ခုန်တတ်တဲ့အရွယ်ဆိုတော့ ဒီအရွယ်ဖြတ်သန်းဖူးသူတိုင်း စိတ်ကစားဖူးတာမို့ စိတ်မကစားခဲ့ဖူးဘူးပြောတဲ့သူဟာ ညာပြောတာပါပဲ။ စိတ်ကစားခဲ့ဖူးပေမယ့် ဒီစိတ်ကို ထိန်းသိမ်းနိုင်ခဲ့တာနဲ့ လုံးဝ စိတ်မကစားဖူးတာ ကွဲပြားတယ်လေ။ စိတ်ကစားတယ်ဆိုတာဘာလဲ လွယ်လွယ်နဲ့ရှင်းရှင်းပြောရရင် တဘက်လိင်အပေါ် သဘောကျနှစ်ခြိုက်တဲ့စိတ် ၊ သူ့အပေါ် သာယာတဲ့စိတ်တွေ ဝင်လာတယ်လေ။ သူ့ကို သဘောကျစိတ်တွေဝင်နေတော့ သူ့ကိုမြင်ရင် ရင်ခုန်တာ ၊ သူ့ကိုပဲ မြင်ချင်နေတာ ၊ သူနဲ့ပတ်သက်တာတွေဆို (အချိန်ကာလတခုတိုင်) အမှတ်တရ သိမ်းထားမိနေတာ စသဖြင့်သော စိတ်ပိုင်းဆိုင်ရာ သာယာမှုတွေမှာ အရင်နဲ့မတူတဲ့ ခံစားချက် ၊ တခြားသူတွေနဲ့ မတူတဲ့ ခံစားချက်မျိုး ဖြစ်ပေါ်ခံစားလာတာမျိုးပေါ့။
စိတ်ကစားတဲ့အရွယ်ဟာ ဆယ်ကျော်သက်အရွယ်ပဲလို့ ထင်ရင်မှားပါတယ်။ မိမိစိတ်ကို မိမိမထိန်းသိမ်းနိုင်သေးတဲ့သူတွေဟာ ဘယ်အရွယ်ရောက်ရောက် ရင့်ကျက်တဲ့ခံစားမှုနဲ့ အတွေးအခေါ်မျိုး မကိန်းအောင်းသေးတာမို့ ဟိုလူ့မြင် စိတ်ဝင်စားလိုက် ၊ ဒီလူနဲ့အနေများရင် စိတ်ယိမ်းယိုင်လိုက်နဲ့ စိတ်ကစားတတ်ပါသေးတယ်။ ဒီတော့ စိတ်ကစားတယ်ဆိုတဲ့ စကားလုံးရဲ့နောက်မှာ မရင့်ကျက်မှုတွေက ပါဝင်နေသေးတာဖြစ်ပါတယ်။ စိတ်သာယာမှုနောက် တကောက်ကောက် လိုက်ပါတတ်သူတွေဟာ မကြာခဏဆိုသလို စိတ်မတည်မငြိမ်နဲ့ စိတ်နောက်ကိုယ်ပါ ခံစားတတ်ကြပါတယ်။
ဆယ်ကျော်သက်အရွယ်အများစုဟာ အတန်းထဲမှာသော်လည်းကောင်း ၊ ကျောင်းထဲမှာသော်လည်းကောင်း ၊ ရပ်ကွက်ထဲမှာသော်လည်းကောင်း မိမိကျင်လည်ရာ ပတ်ဝန်းကျင်က မိမိစိတ်ကို လှုပ်ရှားစေနိုင်တဲ့ တဘက်လိင်အပေါ် စိတ်ကစားတတ်ကြပါတယ်။ စိတ်ခံစားမှု မရင့်ကျက်သေးသူတွေမှ စိတ်ကစားတတ်ကြတာဆိုတော့ သူတို့စိတ်ကစားတဲ့သူတွေဟာ ပျိုပျို အိုအို အကုန်ပါဝင်နိုင်ပါတယ်။ ဒီလိုစိတ်ကစားတတ်တဲ့ မနူးမနပ်လေးတွေကို စားနေကျကြောင်ပါးတွေက တမင်စိတ်ကစားအောင်လုပ် ၊ ပြီးရင်သိမ်းသွင်းပြီး သူတို့လိုချင်ရာ အရယူတတ်ကြတယ်။ တဖက် မနူးမနပ်စိတ်ကလေးနဲ့ စိတ်လှုပ်ရှားမိသူက စိတ်နောက်ကိုယ်ပါခံစားရင် သူတို့လှည့်ကွက်ထဲ သက်ဆင်းရပြီပေါ့။
စိတ်ကစားတယ်ဆိုတာ တခါတလေကျတော့လည်း နီးစပ်မှုအရသော်လည်းကောင်း ၊ ပတ်ဝန်းကျင် အပြောင်းအလဲအရသော်လည်းကောင်း ၊ အားကိုးလိုတဲ့အချိန်မှာသော်လည်းကောင်း ၊ အထီးကျန်စိတ်အားငယ်နေချိန်မှာသော်လည်းကောင်း ဖြစ်ပေါ်လာတတ်ပါသေးတယ်။ ဥပမာ အနေနီးလို့စိတ်နီးပြီး တွဲဖြစ်သွားတာမျိုး ၊ ခရီးသွားလာရင်း အတွဲလေးတွေပါလာတာမျိုး ၊ သင်္ကြန်လေးငါးရက်အတွင်းမှာ ဇတ်လမ်းလေးတွေ ဖြစ်သွားတာမျိုး ၊ ကိုယ်လိုအပ်နေချိန်မှာ ပေါ်လာပြီး ကိုယ့်ကိုအဖော်လုပ်ပေးသူ ၊ ကူညီပေးတတ်တဲ့သူကိုလည်း အားကိုးစိတ်ကလေးနဲ့ တွယ်ငြိသွားပြန်ရော။ ဒီလိုငြိတွယ်လာတဲ့စိတ်တွေဟာ လတ်တလောဖြစ်ချိန်ကလေးမှာ အချစ်ဆိုတဲ့ ခံစားမှုနဲ့ ဆင်တူယိုးမှား တူနေတတ်တယ်။ ဒါပေမယ့် တကယ်ကွာခြားချက်ကြီးကတော့ အချိန်ခြားနားချက်ကြီးပါပဲ။
စိတ်ကစားရုံပဲ ငြိတွယ်မိသူတွေက ကွယ်တာနဲ့မေ့မေ့ပျောက်ပျောက် ၊ အနေဝေးရင်သွေးအေး ၊ ကွယ်တာနဲ့ဖောက်ဆိုတာမျိုးတွေ ရှိပါတယ်။ ဝေးသွားလို့ နေမထိထိုင်မသာ ခံစားရလှ အလွန်ဆုံး လပိုင်း ၊ နှစ်ပိုင်းလောက်ပါပဲ။ ပေါ့ပေါ့လေးခံစားလေ မြန်မြန်လေးမေ့ပျောက်လေ ၊ ခံစားချက်တွေတိမ်လေ လွယ်လွယ်လေးမေ့ပျောက်လေပါပဲ။ စိတ်ကစားရုံကစတဲ့ခံစားမှု နက်ရှိုင်းလာလေ အချစ်တစ်ခုလို ပုံစံပြောင်းသွားလေပါ။ ဒီလူနဲ့ပတ်သက်ပြီး လေးနက်တဲ့စိတ်ထား ၊ ရေရှည်အတူလက်တွဲလိုမှု ၊ နားလည်မှုပေးနိုင်ခြင်း ၊ သည်းညည်းခံနိုင်ခြင်းတွေဆိုတာ အချိန်ကြာလေ ထုတည်မြင့်မားလာလေ သံယောဇဉ်တွေ ရစ်ပတ်လာလေပဲပေါ့။
စိတ်ကစားရင်းချစ်ကြိုက်ရာက တအိုးတအိမ် ထူထောင်သွားကြတဲ့ စုံတွဲတွေရှိတယ်။ တကယ်အချစ်စစ်နဲ့ ချစ်ခဲ့ကြတဲ့သူတွေက ဘဝကိုရိုးမြေကျ ချစ်ခင်ကြင်နာစွာ မိသားစုပျော်ပျော်ပါးပါး ပေါင်းသင်းနေကြတာလည်း တွေ့ဖူးတယ်။ စိတ်ကစားရင်း ဆုံးဖြတ်ချက်မှားခဲ့လို့ ဘဝရေတိမ်နစ်သွားရသူတွေလည်း တွေ့ဖူးတယ်။ ကျွန်မ အတန်းဖော်တွေထဲက တချို့ဟာ (၁၀)တန်းမတိုင်မီ ခိုးရာလိုက်ပြေးခဲ့သူတွေလည်း တွေ့ဖူးတယ်။ (၁၀)နောက်ဆုံးနေ့ ခိုးရာလိုက်ပြေးသူနဲ့ တက္ကသိုလ်မတက်ခင် လိုက်ပြေးသွားသူ ၊ ဘွဲ့မရခင် အိမ်ထောင်ကျသွားသူတွေလည်း ရှိနေပါတယ်။
ဒီအရွယ်က ကျင်လည်ရာအသိုင်းအဝန်းကျဉ်းမြောင်းတော့ ရွယ်တူတွေ ၊ နီးစပ်ရာတွေနဲ့ ပါသွားခဲ့တာပါ။ သူတို့ထဲကမှ အိမ်ထောင်ပျော်ပျော်ရွှင်ရွှင်နဲ့ မြဲတဲ့သူဆိုလို့ နှစ်ဦးတည်း တွေ့ဖူးတယ်။ အတန်းဖော်နဲ့ လိုက်ပြေးသွားခဲ့တဲ့ သူငယ်ချင်းမနှစ်ဦးလေ။ သိပ်မရင်းခဲ့ပေမယ့် ဆရာကန်တော့ပွဲမှာ ပြန်ဆုံတော့ ဘဝအခြေအနေချင်း ကွာခြားသွားခဲ့ပြီဖြစ်တဲ့ ကျွန်မတို့တွေ အတွေ့အကြုံတွေ ဖလှယ်ဖြစ်ခဲ့တယ်။ ကျွန်မတို့တွေ မိဘရင်ခွင်မှာ အေးအေးလူလူ ပညာဆုံးခန်းတိုင် ဆက်သင်နေနိုင်တဲ့အရွယ်မှာ သူတို့ကတော့ အိမ်ထောင်ဘက်ရင်ခွင်မှာ မိဘအသိုင်းအဝန်း အငြိုအငြင်ခံပြိး ဘဝကို ခက်ခဲစွာ ရုန်းကန်ခဲ့ကြရတယ်။ အဲဒီမှာ အချစ်စစ်နဲ့ စိတ်ကစားတာ ကွာသွားတာပဲ။
တကယ်ချစ်တဲ့သူတွေကျတော့ ဆင်းရဲဒဏ် ၊ ချမ်းသာဒဏ်နဲ့ လောကဓံဆိုတာကို ခံနိုင်ကြတယ်။ အချစ်စစ်ဆိုတာ လောကဓံကြောင့် ပြောင်းလဲသွားတာမျိုးမှမဟုတ်တာ။ အစမ်းသပ်ခံနိုင်တယ်။ စိတ်ကစားခဲ့ပြီး အိမ်ထောင်ရေးခြေလှမ်းကျွံခဲ့သူတွေကျတော့ ဒီလိုမဟုတ်တော့ဘူး။ ဆင်းရဲဒဏ် ၊ ချမ်းသာဒဏ်နဲ့ လောကဓံဆိုတာကို မပြောနဲ့။ တစ်ဦးဒဏ်ကိုတောင် တစ်ဦးက သည်းမခံနိုင်ကြဘူး။ ခွင့်လွှတ်မယ်ဆိုတာလည်းမတွေး ၊ လောကဓံကို နှစ်ယောက်လက်တွဲလို့ ကြံ့ကြံ့ခံမယ်ဆိုတာလည်းမတွေးဘူး။ အိမ်ထောင်ဖက်ထက် သာသူတစ်ဦးဦးများ အနားမှာရှိကြည့် အနေနီးစပ်မှုနဲ့ ပါသွားရော။ ဒါတွေက စိတ်ကစားတဲ့ခံစားချက်ကို အချစ်လို့ထင်ခဲ့သူတွေ ဖြစ်တတ်တာတွေပေါ့။ နှစ်ယောက်စလုံးက အချစ်စစ်နဲ့ လက်တွဲခဲ့တာမျိုးမဟုတ်ရင် အကြောင်းကြောင်းနဲ့ ကွဲကြပြဲကြ ၊ စိတ်ဒဏ်ရာတွေရကြပေါ့။
ကျွန်မဟာ အမြင့်ဆုံးဆိုတဲ့နေရာမှာ ရပ်တည်နေတာမဟုတ်ပေမယ့် ကိုယ်ရပ်တည်နေတဲ့နေရာကို ကျေနပ်ပြီး အချိန်နဲ့အမျှ ဆက်လှမ်းနေသူပါ။ လှမ်းနေသမျှ ခရီးရောက်မယ်လို့လည်း ယုံကြည်တယ်လေ။ State ကျောင်းတုန်းက ကျွန်မသူငယ်ချင်းတွေနဲ့ ပြန်တွေ့တဲ့အခါ သူတို့နဲ့အခြေအနေတွေ ခြားနားသွားခဲ့ပြီဖြစ်တဲ့ ကျွန်မကို သူတို့က စိတ်ဝင်တစားမေးကြတယ်။ ဘယ်လိုကဘယ်လို ဒီလိုအခြေအနေတွေ ဖြစ်သွားတာလဲတဲ့။ ပြောရင်အရှည်ကြီးမို့ သူတို့နားလည်နိုင်မယ့်တခွန်းတည်း ပြောဖြစ်တယ်။ ငါက ငယ်ငယ်ရွယ်ရွယ်နဲ့ အိမ်ထောင်မပြုခဲ့လို့ ဒီလိုအခြေအနေမျိုး ရောက်နေတာပါလို့။ သူတို့တွေဟာ နုံချာတဲ့အခြေအနေလို့ ကျွန်မ မဆိုလိုဘူးနော်။ ပြည့်စုံသူတွေလည်းရှိကြတယ်။ ဒါပေမယ့် ရှင်းအောင်ပြောရရင် ရေအိုင်ထဲကငါးနဲ့ သမုဒ္ဒရာထဲကငါး ကျင်လည်ရာကွာသွားသလိုပေါ့။
ကျွန်မရေးတဲ့စာတွေ အထူးသဖြင့် အချစ်ရေး ၊ အိမ်ထောင်ရေးနဲ့ပတ်သက်တဲ့ (Relationship) ဆိုင်ရာ အကြောင်းအရာတွေကို ဖတ်တဲ့သူတွေထဲမှာ State ကျောင်းသား ၊ ကျောင်းသူအရွယ်တွေနဲ့ ဆယ်ကျော်သက်တွေ ၊ အပျို ၊ လူပျိုတွေပါမှာပါ။ သူတို့အတွက် ရည်ရွယ်ပြီး ဒီပို့စ်ရေးဖြစ်တာပဲလေ။ ဆယ်ကျော်သက်အသိုင်းအဝိုင်း ဝင်ဆန့်မှုဆိုတာဟာ သုံးဆယ်အရွယ် အသိုင်းအဝန်း ဝင်ဆန့်မှုနဲ့ ကွာခြားလှပါတယ်။ ဗဟုသုတ ၊ အတတ်ပညာ ၊ အပေါင်းအသင်း ၊ သတင်းအချက်အလက် ၊ အတွေ့အကြုံ ဆိုတာတွေဟာလည်း အရွယ်ရလာလေ တိုးတက်ပြည့်စုံလာလေပါ။ ဒါကြောင့် အိမ်ထောင်ပြုမယ်ဆိုရင် ငယ်ငယ်ရွယ်ရွယ်အချိန်မှာ စိတ်ကစားပြီး ကိုယ်ကျင်လည်ရာဝန်းကျင်က ကိုယ်အကောင်းဆုံးလို့ ထင်မြင်ရာနဲ့ ပေါင်းစပ်လိုက်မယ်ဆို မမြဲရင် တခုလပ် ၊ နှစ်ခုလပ် ဖြစ်မှာပေါ့။ မြဲရင်လည်း ဒီ့ထက်ပိုသာလွန်ကောင်းမွန်တဲ့ ယောက်ျားကောင်းနဲ့ ဖူးစာဆုံခွင့် ဒီဘဝမှာဝေးသွားပြီလေ။ ရရာနဲ့ ကျေနပ်လိုက်ရတဲ့သဘောပေါ့။
နှစ်ဦးနှစ်ဖက်သာ အချစ်စစ်ရင် ဘယ်ဘဝမှာပဲ ရပ်တည်ရ ၊ ရပ်တည်ရ ဒီအိမ်ထောင် ၊ ဒီမိသားစုလေးရရှိတာ ပျော်ရွှင်ကျေနပ်တယ်။ တကယ်မချစ်ခဲ့ဘဲ စိတ်ကစားတဲ့ကာလအတွင်း ယူခဲ့ရင်သာ ရနေတဲ့ဘဝကို မကျေနပ် ၊ သူများတွေဘဝကိုအားကျ ဒီ့ထက်တဆင့်တက်လာရင် သူများဘဝတွေလို ရလိုရငြား တအိမ်ထောင်ပြောင်းဖို့ စိတ်တွန်းအားတွေ ဖြစ်ပေါ်လာပါတယ်။ သူ့ကို ချစ်မိတယ်လို့ ထင်နေရင် သူ့ကိုချစ်ရေးမဆိုခင် ၊ သူ့အချစ်ကို လက်မခံခင် ငါဟာ စိတ်ကစားနေမိတာလားလို့ ပြန်သုံးသပ်ဖို့လိုတယ်။ ဘယ်လိုသိနိုင်မလဲ ဒီလူနဲ့ ဝေးဝေးခွါခွါနေကြည့် ၊ အဆက်အဆံကင်းကင်းနေကြည့် ၊ သူနဲ့ဝေးတဲ့နေရာ ခရီးထွက်ကြည့်။
လအနည်းငယ်ကနေ နှစ်ပိုင်းအတွင်း ခံစားချက်တွေပါးလျပြီး မေ့မေ့ပျောက်ပျောက် ရှိသွားပြီဆိုရင် မီးဝေးလို့ချိတ်အေး ၊ နီးစပ်လို့ စိတ်ကစားမိခဲ့တာပါလို့ အကြံပေးချင်တယ်။ ကျွန်မ စိတ်ကစားတဲ့ ငယ်နုစဉ်အရွယ်တွေတုန်းက ဒီလိုလုပ်ခဲ့ပြီး မိမိ စိတ်ကစားမှုမှန်သမျှ ပယ်ရှားနိုင်ခဲ့တယ်။ ဒီလူ့အကြောင်းတွေးမယ့်အစား ကိုယ်လေ့လာစရာရှိတာတွေ ၊ လုပ်ကိုင်စရာရှိတာတွေကိုပဲ အာရုံစိုက်တယ်။ တကယ်မချစ်ရင် ခံစားချက်တွေ ပါးသွားတာပဲ။ ဒီလိုကာလအတွင်းမှာ သူဟာ အတွဲတွေ့သွားတယ်ဆိုလည်း လွတ်တဲ့ငါးကြီးပြီး ဝမ်းမနည်းနေဘူး။ ဒီကာလအတွင်းမှာတောင် သူဟာ နီးစပ်ရာနဲ့ဖြစ်သွားတယ်ဆိုရင် သူလည်း ကိုယ့်ကိုစိတ်ကစားရုံရှိခဲ့လို့ပေါ့။ ဒီလိုလူနဲ့ ရည်းစားမဖြစ်ခင်ကွဲခဲ့တာ ဘယ်လောက်ကံကောင်းလိုက်သလဲ။ ယူပြီးမှ နီးစပ်ရာနဲ့ ဖောက်ပြန်နေရင် မခက်ပေဘူးလား။
တကယ်ချစ်တဲ့သူက လပိုင်း ၊ နှစ်ပိုင်းအတွင်း ကောက်ယူမှာလား။ ချစ်ခွင့်ရဖို့ ၊ လက်ထပ်ခွင့်ရဖို့ ကိုယ့်ကို စိတ်ရှည်လက်ရှည်စောင့်မျှော်နေမှာပေါ့။ သူ့အိမ်ထောင်ဖက်နေရာကို ကိုယ့်အတွက်လို့ စရံသတ်ထားမှာပေါ့။ ဟုတ်ဘူးလား။ ဒီတော့ သူကိုယ့်ကို တကယ်ချစ်မချစ်လည်း တကယ်သိရ ၊ ကိုယ်သူ့ကို ချစ်မချစ်တကယ်သိရ တခါစမ်းသပ်ကြည့်ရုံနဲ့ နှစ်ခုပွဲပြတ်ပြီး အချစ်စစ်ကိုရှာတွေ့မယ်လေ။ ဒါဟာ စိတ်ကစားတဲ့သူနဲ့ တကယ်ချစ်တဲ့သူတွေရဲ့ ခံစားချက်နဲ့အပြုအမူ ကွဲပြားချက်တွေပဲပေါ့။ အပျို ၊ လူပျိုတိုင်းလည်း စိတ်ကစားခြင်းနဲ့ အချစ်စစ် ကွဲကွဲပြားပြားနားလည်လို့ အချစ်စစ်နဲ့တွေ့ဆုံ ပေါင်းဖက်နိုင်ကြပါစေနော်။
ရတု (Burmesehearts.com)
