မိတ်ကပ်အလှပြင်ပစ္စည်း ရွေးချယ်သုံးစွဲနည်း

သဘာဝအတိုင်းလှဖို့ဆိုရင် သဘာဝအတိုင်းလှအောင်ပြင်ရမှာပေါ့နော်။ ဒီလို သဘာဝကျကျ လှအောင်ပြင်ဖို့ဆိုရင် မိမိရွေးချယ်တဲ့ မိတ်ကပ်ဟာ အရမ်းအရေးကြီးပါတယ်။ မိမိသုံးတဲ့မိတ်ကပ်အရေးကြီးတယ်ဆိုတာက ဈေးအနည်း ၊ အများကို ဆိုလိုခြင်းထက် မိတ်ကပ်အရောင်ကို အဓိက ဆိုလိုတာဖြစ်ပါတယ်။ ပြီးတော့ မိတ်ကပ်အမျိုးအစား ဖြစ်ပါတယ်။ မိတ်ကပ်အမျိုးအစားဟာ ကိုယ့်အသားအရည်နဲ့ အဆင်မပြေတာမျိုး ၊ မသုံးဖူးတာမျိုး ၊ မယုံကြည်ရတဲ့ အမျိုးအစားမျိုးတွေ ဖြစ်နေမယ်ဆိုရင်လည်း ကိုယ့်ရဲ့ မျက်နှာအသားအရည် ပျက်စီးနိုင်တယ်လေ။ အချင်းချင်း မျက်နှာစုံညီ ဆက်ဆံပြောဆိုတော့မယ်ဆို မျက်နှာဟာ လူတစ်ကိုယ်လုံးမှာ ပထမဆုံး သတိထားကြည့်တဲ့နေရာပါပဲ။ ဒီတော့ မျက်နှာအသားအရည် ပျက်စီးတာဟာ ခြေ ၊ လက် ၊ ကိုယ်ပေါ်က အသားအရည် ပျက်စီးသွားတာထက် ပိုသိသာသလို ပိုကြည့်ရဆိုးစေတယ်။ ဒါကြောင့်ကိုယ်မျက်နှာဆိုတာ အထူးဂရုစိုက်ရမယ့် အရေပြားဖြစ်နေတယ်လေ။

မျက်နှာကို အလှဆင်ဖို့ မိတ်ကပ်ရွေးမယ်ဆိုရင် ဘာတွေ သတိထားရမလဲလို့ အောက်မှာ အချက်အလက်တွေနဲ့ ဖော်ပြပေးလိုက်တယ်နော်။

၁။ မိတ်ကပ်အရည်ပဲဝယ်ဝယ် ၊ ပေါင်ဒါပဲဝယ်ဝယ် ၊ ကိုယ့်မျက်နှာပေါ်တင်မယ့် အလှပြင်ပစ္စည်းတွေကို အွန်လိုင်းပေါ်က ဝယ်တာမျိုးကို ရှောင်ပါ။ ဘာဖြစ်လို့လဲဆိုတော့ အွန်လိုင်ပေါ်မှာက အတုအပတွေတအားများတာမို့ ကိုယ်ဝယ်လိုက်တာ တံဆိပ်အတုလား ၊ အစစ်လား ဘယ်လိုစစ်ဆေးလို့ သိနိုင်ပါ့မလဲ။ ကိုယ်မသုံးဖူးတဲ့တံဆိပ်ဝယ်သုံးမိရင် ပိုပြီး အန္တရာယ်များတယ်။ ကိုယ်သုံးဖူးတဲ့ တံဆိပ်ဖြစ်တဲ့တိုင်အောင် အွန်လိုင်းပေါ်က အခုကိုယ်ဝယ်လိုက်တာက အစစ်လား ၊ အတုလား ဘယ်လိုခွဲခြားနိုင်ပါ့မလဲ။ ဒီတော့ ကိုယ်ဝယ်ချင်တဲ့ ပစ္စည်းတံဆိပ်ကို စတိုးဆိုင်ကြီးတွေ ၊ စူပါးမားကက်တွေလို စိတ်ချရတဲ့နေရာတွေမှာ သွားဝယ်ပါ။ ရပ်ကွက်ဈေးမှာရောင်းတာထက် ဈေးနည်းနည်း ကြီးချင်ကြီးနေနိုင်ပါတယ်။ ဒါပေမယ့် ပင်ရင်းဆိုင်တွေက ပို့ထားတဲ့ပစ္စည်းတွေကိုပဲ စတိုးဆိုင်ကြီးတွေ ၊ စူပါးမားကက်တွေက တင်ရောင်းတာမို့ အတုအတွက် စိတ်အေးရပါတယ်။ ဒီ့ထက်ပိုစိတ်အေးချင်တယ်ဆို ပင်ရင်းစတိုးဆိုင်တွေမှာ အားပေးပါ။ ဥပမာ – l’oreal ၊ maybelline စသဖြင့် သူတို့ပစ္စည်းတွေပဲ သီးသန့်ရောင်းတဲ့ ပင်ရင်းအရောင်းဆိုင်ငယ်တွေမှာ အားပေးပါ။

၂။ တချို့ အလှပြင်ပစ္စည်းတွေက Expire Date ပါတာတွေရှိတယ်။ ဒီလိုမျိုးတွေရှိတယ်ဆို ငွေမချေခင် ဗူးခွံဖုံးက ရက်လွန်မယ့်နေ့စွဲကို ရှာကြည့်ပြီးမှ ငွေချေပါ။ ဆိုလိုတာက ရက်လွန်ပစ္စည်းတွေ သုံးတဲ့အခါ ကိုယ့်မှာ အန္တရာယ်ဖြစ်နိုင်တယ်လေ။ မိတ်ကပ် ၊ ပေါင်ဒါ စသဖြင့် အသားမှာတင်ရတာတွေဆို အသားအရေမှာ မှဲ့ခြောက် ၊ တင်းတိတ်တွေ ပေါ်လာတာမျိုး ၊ ဝက်ခြံတွေ ပေါက်လာတာမျိုး ၊ အသားမညီတာမျိုးတွေ ဖြစ်လာတတ်ပါတယ်။ မျက်လုံးတို့ နှုတ်ခမ်းတို့လိုမျိုးနေရာတွေမှာ သုံးတဲ့ပစ္စည်းတွေ ဒိတ်လွန်နေတယ်ဆိုရင်လည်း ကိုယ့်မျက်လုံးနဲ့ နှုတ်ခမ်းကို ဒုက္ခပေးလာမှာပဲပေါ့။ ဒါကြောင့် ရေရှည်ကြည့်တဲ့အနေနဲ့ အတုအပပစ္စည်းတွေ မသုံးမိအောင် ၊ ရက်လွန်ပစ္စည်းတွေ မသုံးမိအောင် သူတို့တံဆိပ်တွေ သီးသန့်ရောင်းတဲ့ အရောင်းဆိုင်တွေမှာ  (ဒါမှမဟုတ်) စိတ်ချရတဲ့ ကုန်တိုက်က စတိုးဆိုင်ကြီးတွေမှာ ဝယ်ပါလို့ဆိုတာဖြစ်ပါတယ်။ ကိုယ်ပိုပေးလိုက်ရတဲ့ ပိုက်ဆံနဲ့ တကူးတကသွားရတဲ့ အချိန်ကုန် ၊ လူပန်း ဖြစ်မှာကို မြင်မနေဘဲ တကယ်လို့များ နီးရာက ဈေးတော်ရာ ဝယ်သုံးလိုက်လို့ ၊ အိမ်အရောက်ပို့ပေးတဲ့ အွန်လိုင်းပေါ်က ပစ္စည်းဝယ်သုံးလိုက်လို့ ကိုယ့်အသားအရည်နဲ့ အလှအပ ပျက်စီးသွားမယ်ဆိုရင်လို့ တွေးပြီးတော့ ရေရှည်အတွက် စိတ်ချရတဲ့နေရာကပဲ အလှပြင်ပစ္စည်းတွေ ဝယ်သုံးပါနော်။

၃။ ဟုတ်ပါပြီ။ မိတ်ကပ် ၊ ပေါင်ဒါ စသဖြင့်သော မျက်နှာကို အခြေခံလိမ်းမယ့် အရာတွေ ဝယ်တော့မယ်ဆိုပါတော့။ ရောင်းတဲ့သူကတော့ ပစ္စည်းခပ်များများရောင်းရအောင် ဟိုဟာသုံးပါ။ ဒီဟာသုံးပါ ပြောမှာပါ။ ကိုယ့်အတွက် မလိုအပ်တဲ့ပစ္စည်းကို မဝယ်ဖြစ်အောင် မိမိ တကယ်ဘာသုံးဖို့လိုတယ်ဆိုတာကို သတိထားရပါမယ်။ သူများပြောတိုင်း နားမယောင်နဲ့ပေါ့။ ငွေပေါတဲ့သူဆို ရောင်းတဲ့သူအပြောကြောင့် သဘောကျပြီးဝယ်လိုက်လို့ ငွေကုန်သွားတာထားပါဦး ။ ကိုယ့်အသားအရည်နဲ့ မတည့်တာသုံးမိတယ်ဆိုရင်လည်း ကိုယ့်အသားအရည်ဟာ ပျက်စီးနိုင်တယ်နော်။ ဒီတော့ ကိုယ်ဘာလိုအပ်တယ်ဆိုတာကို ကိုယ့်ဘာသာကိုယ် ပြန်ဆန်းစစ်ပြီးမှ ဝယ်ယူသုံးစွဲပါ။

၎။ ကိုယ်ဟာ မျက်နှာ အဆီပျံတတ်သူလား သိနိုင်ဖို့ နေ့လည်နေ့ခင်း အိမ်ထဲနေချိန်မှာ မျက်နှာပြောင်နေတတ်သူက နှာဖူးပေါ် ၊ နှာခေါင်းပေါ် လက်ဖျံလေးနဲ့ သုတ်ကြည့်ပါ။ အဆီတွေကပ်ပါလာတယ်ဆို မိမိဟာ အဆီပျံတတ်သူပါ။ သနပ်ခါးလိမ်းထားပြီး သိပ်မကြာခင်မှာ ပါးကွက်က ဆီကွက်တွေလို ဖြစ်လာတယ်။ နဖူးပေါ်က သနပ်ခါးဟာလည်း မူရင်းသနပ်ခါးအရောင်ကနေ ဆီကွက်သလို ဝါကျင့်ကျင့်တွေ ဖြစ်လာတယ်ဆို ကိုယ်ဟာ မျက်နှာအဆီပျံတတ်သူပါ။ ဒီလိုလူမျိုးတွေရဲ့ အသားအရည်ကို (Oily Skin)လို့ ခေါ်ပါတယ်။ အဆီပျံတတ်သူတွေပေါ့။ အဆီပျံတတ်သူတွေက မျက်နှာအဆီပျံတာကို ထိန်းသိမ်းကာကွယ်ဖို့ (Oil Control) ပစ္စည်းတွေကို အသုံးပြုသင့်ပါတယ်။ ကိုယ်ဝယ်တဲ့အခါမှာ ဒီလိုပစ္စည်းတွေကို အဓိက ဦးစားပေးဝယ်ရမှာပေါ့။ ဒီလူတွေက မျက်နှာသီးသန့်သုံး အရည်ဓါတ်များများပါတဲ့ Lotion ကို ဝယ်သုံးချင်သုံးနိုင်ပေမယ့် Moisture လို့ခေါ်တဲ့ မိတ်ကပ်မသုံးမီ အသားအရည်မခြောက်အောင် သုံးတဲ့ဟာကို သုံးစရာမလိုပါဘူး။ သူများသုံးလို့ ကိုယ်ကလိုက်ဝယ်သုံးရင် ကိုယ့်မျက်နှာက ပိုအဆီပျံပြီး လိမ်းထားတဲ့မိတ်ကပ်တွေ လွယ်လွယ်ပျက်တော့ ကြာကြာမခံဘူးပေါ့။ ပြီးတော့ မျက်နှာပိုအဆီပျံလာတော့ ဘယ်လိုလို့ သဘာဝအတိုင်း လှနိုင်ပါတော့မလဲ။ ဒါကြောင့် အဆီပျံတတ်သူတွေက (Oil Control) ပစ္စည်းတွေကိုပဲ မျက်နှာအသားအရည်အတွက် အဓိက အသုံးပြုသင့်ပါတယ်။

၅။ ကိုယ်ဟာ မျက်နှာအသားအရည် ခြောက်ခမ်းတတ်သူလား သိနိုင်ဖို့ဆိုရင် သနပ်ခါး လိမ်းတတ်သူတွေက ကိုယ်သိသာတာပေါ့။ သနပ်ခါးလိမ်းပြီး သိပ်မကြာခင် သူ့အလိုလို အဖတ်လိုက် ကွာကျလာတာမျိုး ဖြစ်တတ်ရင် ဒါမှမဟုတ် မျက်နှာပြောင်နေတတ်သူက ဆောင်းတွင်းမဟုတ်တဲ့အချိန်မှာတောင် နှုတ်ခမ်းတွေခြောက်ပြီး ကွာတတ်တာမျိုး ဖြစ်တတ်ရင် ၊ T Zone ဆိုတဲ့ နဖူးနဲ့ နှာခေါင်း ၊ နှုတ်ခမ်းပေါ် ၊ နှုတ်ခမ်းအောက်မှာ ချွေးစို့တတ်တာကလွဲရင် ကျန်တဲ့နေရာတွေဟာ အများအားဖြင့် ခြောက်နေတတ်တယ်ဆို မိမိဟာ အသားအရည် ခြောက်ခမ်းတတ်သူပါ။ အသားအရည် ခြောက်ခမ်းတတ်သူကျတော့ မျက်နှာကို အစိုဓါတ် ထိန်းသိမ်းပေးနိုင်မယ့် Moisture အသုံးပြုပေးဖို့ လိုပါတယ်။ ရေချိုးပြီးချိန် ၊ ညအိပ်ရာဝင်ချိန်နဲ့ မိတ်ကပ်မလိမ်းခင်တို့မှာ Moisture သုံးပေးသင့်ပါတယ်။ ဒါမှ အသားအရည်ခြောက်သွေ့မှုကို ကာကွယ်နိုင်မှာဖြစ်ပါတယ်။ အများအားဖြင့် လေအေးပေးစက်ခန်းထဲမှာ အလုပ်လုပ်ရသူတွေက Moisture အသားအရည် ခြောက်တတ်တဲ့အတွက် Moisture အသုံးပြုပေးဖို့ လိုတတ်ပါတယ်။

၆။ မိမိမျက်နှာနဲ့ လိုက်ဖက်တဲ့ မိတ်ကပ်ပေါင်ဒါ ရွေးမယ်ဆိုရင်တော့ မှန်ကန်တဲ့အရောင်ကို ရွေးဖို့လိုပါတယ်။ ကိုယ်ကညိုတဲ့သူမို့ မျက်နှာပိုဝင်းလာအောင် ၊ ပိုဖြူလာအောင်ဆိုပြီး ကိုယ့်မျက်နှာ အသားအရည်ထက် ပိုနု (ပိုဖြူ)တဲ့အရောင် ရွေးဝယ်သုံးမယ်ဆိုရင်တော့ မျက်နှာတကွက်တည်း ပိုဝင်းဖြူလာမှာပါ။ ဒီလိုဆို မိတ်ကပ်လိမ်းပြီးတဲ့အခါမှာ မျက်နှာကအသားအရည်ဟာ မေးစေ့အောက်၊ နားရွက် ၊ နားရွက်နောက် ၊ လည်ပင်း ၊ လည်ကုတ်က အသားအရည်တွေနဲ့ တခြားစီဖြစ်နေမှာပေါ့။ ဒါဟာ မိတ်ကပ်အရောင်ရွေးခြယ်မှု မှားယွင်းနေတာပါ။ သဘာဝအတိုင်းလှဖို့ဆိုရင် မိမိအသားအရည်နဲ့ လိုက်ဖက်ညီမျှတဲ့ အရောင်ကိုပဲ ရွေးသုံးရမှာဖြစ်ပါတယ်။ မိမိနဲ့ လိုက်တဲ့အရောင်ကို ဘယ်လိုသိနိုင်မလဲဆိုရင် မိမိရဲ့ လက်ဖဝါး လက်ဖမိုးဆုံတဲ့ လက်မအရင်းအောက်က အသားအရည်နေရာကနေ ရွေးရမှာပါ။ အဲဒီနေရာက မိမိမျက်နှာက အသားအရည်နဲ့ အနီးစပ်ဆုံးအသားရောင်ပဲဖြစ်ပါတယ်။ ကိုယ်နဲ့ လိုက်ဖက်မယ်ထင်တဲ့ မိတ်ကပ်ရည် ၊ ပေါင်ဒါ ၊ မိတ်ကပ် စသဖြင့်သော အရောင်ရွေးလိုရာတွေကို လက်ဖဝါးဘေးစောင်းလို့ လက်မအဆစ်အောက်ကနေ လက်ကောက်ဝတ် အရိုးနေရာတလျောက် စမ်းသပ်လိမ်းလို့ ရွေးချယ်နိုင်ပါတယ်။ အဲဒီမှာ အသားအရောင်နဲ့ ထပ်တူနီးပါးဖြစ်တဲ့ မိတ်ကပ် ၊ ပေါင်ဒါအရောင်ဟာ ကိုယ့်အသားအရည်နဲ့ လိုက်ဖက်တဲ့အရောင်ဖြစ်မှာပါ။ မိတ်ကပ် စမ်းလိမ်းထားတဲ့ အဲဒီနေရာက မိမိရှိရင်းစွဲ အသားထက် ပိုဖြူလာတာမျိုးဆိုရင် ကိုယ်ဟာ ကိုယ့်မျက်နှာအသားရောင်ထက် ပိုဖြူ (ပိုနု)တဲ့အရောင်ကို ရွေးချယ်မိတာမို့ ဒီမိတ်ကပ်သာ ဝယ်လိမ်းမိရင် မျက်နှာတကွက်ထဲ ကွက်ဖြူနေမှာပေါ့။ မိတ်ကပ် စမ်းလိမ်းထားတဲ့ အဲဒီနေရာက မိမိရှိရင်းစွဲ အသားထက် ပိုညိုလာတာမျိုးဆိုရင် ကိုယ်ဟာ ကိုယ့်မျက်နှာအသားရောင်ထက် ပိုရင့်တဲ့အရောင်ကို ရွေးမိတာပေါ့။ ဒီမိတ်ကပ်အရောင်ကို ဝယ်လိမ်းမိရင် မိမိမျက်နှာဟာ ညိုပြာလာတာမျိုး ဖြစ်လာမှာပါ။ ဒါကြောင့် မိမိအသားအရောင်နဲ့ ထပ်တူနီးပါးဖြစ်တဲ့ မိတ်ကပ် ၊ ပေါင်ဒါအရောင်ဟာ ကိုယ့်အသားအရည်နဲ့ လိုက်ဖက်တဲ့အရောင်ကိုပဲ ရွေးချယ်လို့ ဝယ်လိမ်းပါ။

၇။ အိပ်ရေးပျက်လို့ပဲဖြစ်ဖြစ် ၊ အလုပ်ပင်ပန်းလို့ပဲဖြစ်ဖြစ် ၊ နေထိုင်မကောင်းလို့ပဲဖြစ်ဖြစ် ၊ ပင်ကိုယ်သဘာဝအလျောက်ပဲဖြစ်ဖြစ် မျက်ကွင်းညိုညိုလေးတွေ ဖြစ်နေတတ်တယ်နော်။ ဒီလိုမျက်ကွင်းညိုတတ်သူတွေက Concealer ကို အသုံးပြုပေးနိုင်ရင် မျက်ကွင်းညိုတာကို လိမ်းထားတဲ့အချိန်တလျောက် ဖျောက်ပေးနိုင်တယ်လေ။ Concealer နှစ်မျိုးရှိပါတယ်။ အရည်ရယ် ၊ အခဲရယ် ပုံစံနှစ်မျိုးလာပါတယ်။ အရည်ကို အသားအရည်ပါးတဲ့ မျက်ကွင်းနဲ့ မျက်ရည်အိတ်နေရာတွေကို အသုံးပြုကြပါတယ်။ အခဲကို အဲဒီနေရာတွေ သုံးလို့မရဘူးလားဆို သုံးချင်ရင် သုံးနိုင်ပါတယ်။ ဒါပေမယ့် တချို့သော Concealer အခဲအမျိုးအစားတွေဟာ မျက်ရည်အိတ်က အသားအရည်ပါးပါးမှာ လိမ်းပါများရင် ငါးမျက်စိလို့ အဖုအလုံးကလေးတွေ ဖြစ်လာတတ်တာကိုပေါ့ သတိထားပေါ့။ ဒါကြောင့် မျက်လုံးတဝိုက်က မျက်ကွင်းညိုညိုလေးတွေကို Concealer အရည်သုံးတာ ပိုသင့်တော်ပါတယ်။ Concealer အခဲကျတော့ မျက်နှာပေါ်က အသားအရည်မညီတဲ့နေရာတွေမှာ ၊ နှုတ်ခမ်းထောင့် ၊ နှာခေါင်းစပ်နေရာတွေနဲ့ အသားအညီ မညီတဲ့နေရာတွေကို ညီအောင်သုံးနိုင်သလို နှာတံပိုပေါ်စေအောင် နှာတံတလျောက်ကိုလည်း သုတ်လိမ်းတတ်ပါတယ်။ Concealer ဝယ်ရင်တော့ ခုနက မိတ်ကပ်စမ်းတဲ့နေရာမှာ မိမိအသားအရည်ထက် တဆင့်ပိုနုတဲ့ အရောက်ကို ရွေးရမှာဖြစ်ပါတယ်။

၈။ လိမ်းထားတဲ့မိတ်ကပ်ကို မဖျက်ဘဲ အိပ်ယာဝင်တဲ့အထိ ဒီအတိုင်း မျက်နှာမဆေးမကြောဘဲ အိပ်မယ်ဆိုရင် ရေရှည်မှာ မိမိမျက်နှာက အသားအရည် ပျက်စီးလာမှာပါ။ မျက်နှာအသားအရည်က ချွေးပေါက်လေးတွေဟာ လေဝင်လေထွက်ကောင်းပါမှ အသားအရည်ဟာ ကောင်းမွန်မှာဖြစ်ပါတယ်။ မိတ်ကပ်တွေက ချွေးပေါက်တွေကို ပိတ်နေပြီဆိုရင် အသားအရည်ပျက်စီးလာတာပေါ့။ ဒါကြောင့် ညအိပ်ရာမဝင်မီမှာ မိမိမျက်နှာကို သန့်စင်ဖို့ လိုပါတယ်။ လိမ်းထားတဲ့ မိတ်ကပ်ဖျက်မယ်ဆို Toner လိုပါတယ်။ Toner သုံးတဲ့နေရာမှာ မျက်နှာအသားအရည် ခြောက်သွေ့တတ်သူတွေက အရက်ပျံလို အငွေ့ပျံလွယ်တဲ့ Toner ရှောင်သုံးပါ။ ရှောင်မသုံးရင် မိမိရဲ့ မျက်နှာအသားအရည် ပိုခြောက်သွေ့လာမှာဖြစ်ပါတယ်။ မျက်နှာအဆီပျံတတ်သူတွေကတော့ Oil Control Toner ကို ရွေးအသုံးပြုနိုင်ပါတယ်။ ဒီလိုမှမဟုတ်ရင် ရေဓါတ်အခြေခံထားတဲ့ (Water based Toner) ကို နှစ်ဦးလုံးသုံးနိုင်ပါတယ်။ ရေဓါတ်အခြေခံထားတာမို့ မျက်နှာခြောက်တဲ့သူလည်း သုံးနိုင်သလို အဆီပျံတဲ့သူတွေလည်း သုံးနိုင်ပါတယ်။ မျက်ခွံ ၊ မျက်တောင် ခြယ်လိမ်းတတ်သူတွေကတော့ မျက်လုံးအတွက်အဓိက ထုတ်ထားတဲ့ Toner ကို ဝယ်သုံးပါ။ အဲဒါက Waterproof လို့ခေါ်တဲ့ ရေစိုခံ မျက်တောင်ကော့ဆေး ၊ မျက်လုံးဆွဲခဲတံနဲ့ ဆေးရည်တွေကိုပါ ဖျက်ပေးနိုင်ပါတယ်။ ရေစိုခံမိတ်ကပ်လိမ်းထားရင် တချို့က အဲဒီToner အမျိုးအစားနဲ့ပဲ ဖျက်တတ်ကြပါတယ်။ ရေစိုခံမိတ်ကပ်ကို ဘယ်သူ့မှ နေ့စဉ်မလိမ်းကြတာမို့ တခါတရံအနေနဲ့ အသုံးပြုကြတာပါ။

၉။ တနေကုန် မိတ်ကပ်လိမ်းထားတတ်သူတွေက ညအိပ်ရာဝင်ရင် Night Cream သို့မဟုတ် Moisture ကို လိမ်းပြီးမှ အိပ်မယ်ဆိုရင် နောက်တနေ့ မနက်အိပ်ယာထတဲ့အခါမှာ နုညံ့ဖူးမွတ်နေတဲ့ မျက်နှာအသားအရည် အထိအတွေ့လေးကို သတိထားမိနိုင်တာပေါ့။ Night Cream သို့မဟုတ် Moisture ဝယ်တဲ့အခါမှာလည်း အဆီပျံတတ်သူတွေက ရေဓါတ်အခြေခံထားတဲ့ (Water based facial lotion) မျက်နှာသုံးအရည်ကို ဝယ်ရမှာဖြစ်ပြီး မျက်နှာခြောက်သွေ့တတ်သူတွေကတော့ (Dry Skin/ Dehydrated Skin) လို့ သီးသန့်ရေးသား ဖော်ပြထားတဲ့ Night Cream သို့မဟုတ် Moisture ကို ဝယ်သုံးဖို့ မမေ့နဲ့နော်။

ရတု (Burmesehearts.com)