Notice: Trying to access array offset on value of type bool in /home/burmesehearts/public_html/wp-content/themes/publisher/includes/libs/bs-theme-core/attr/post.php on line 305
class="post-thumbnail open-lightbox" href>

သူ့အလုပ် ကိုယ့်အလုပ်

Last updated Apr 28, 2017

သူ့အလုပ် ၊ ကိုယ့်အလုပ်ရယ်လို့ ခွဲခြားလုပ်ကိုင်ကျင့်တွေဟာ ကောင်းသလား ။ မကောင်းဘူးလားနော်။ တချို့နေရာတွေမှာ ကောင်းပါတယ်။ တချို့နေရာတွေမှာတော့ မကောင်းဘူးရယ်။ ခွဲခြားလုပ်ကိုင်လိုစိတ်ရှိသူတွေက ခွဲခြားလုပ်ကိုင်တာ ဘယ်လိုကောင်းကြောင်းတွေပဲ ရွေးကြည့် ၊ ရွေးပြောမယ်။ ခွဲခြားလုပ်ကိုင်လိုစိတ်မရှိသူတွေက ခွဲခြားလုပ်ကိုင်တာ မကောင်းတဲ့အကြောင်းတွေကိုပဲ ရွေးကြည့် ၊ ရွေးပြောမယ်။ သင့်တင့်မျှတစွာ တွေးခေါ်မျှော်မြင်တတ်သူတွေကတော့ ကောင်း၏ ၊ မကောင်း၏ဆိုတာကို မျှတအောင် ကြည့်မြင်လုပ်ကိုင်တယ်။

စက်ရုံကြီးတစ်ရုံမှာ သူ့လုပ်ငန်းစဉ် ၊ ကိုယ့်လုပ်ငန်းစဉ်တွေကို ကျွမ်းကျင်သူအဆင့်ဆင့်က လုပ်ကိုင်ဆောင်ရွက်သွားပါမှ လုပ်ငန်းအဆင့်ဆင့်ဟာ မြန်မြန်ဆန်ဆန်နဲ့ မှန်မှန်ကန်ကန် ပြီးမြောက်တာပါ။ ဒါကတော့ အလုပ်ခွဲခြားလုပ်ကိုင်ခြင်းရဲ့ ကောင်းမွန်သောအကျိုးပေါ့။ ဒီလိုပဲ မိမိကျွမ်းကျင်ရာကို တစိုက်မတ်မတ် ဦးတည်လုပ်ကိုင်နေတာ ကောင်းပါတယ်။ ဒါပေမယ့် ကိုယ်မကျွမ်းကျင်တဲ့အရာတွေကို ရာသက်ပန် လေ့လာသင်ယူလိုစိတ် မရှိတော့ဘူးလား။

လေ့လာရင်း ၊ သင်ယူရင်း ၊ ကျင့်ယူရင်း ၊ လုပ်ဆောင်ရင်းကပဲ ကျွမ်းကျင်သူအဆင့်ကို ရရှိလာနိုင်တာပါ။ အခုမှ ဆိုလိုရင်းကို ရောက်လာတော့တယ်။ လောကကြီးမှာ ယောက်ျားအလုပ် ၊ မိန်းမအလုပ်ရယ်လို့ ကမ္ဘာဦးအစမှာ ခွဲခြားသတ်မှတ်ထားတာမျိုးမရှိပေမယ့် လူတွေကပဲ လူအချင်းချင်း ခွဲခြားသတ်မှတ်လို့ ဒါကတော့ ယောကျာ်းတွေလုပ်ရမယ့်အလုပ် ၊ ဒါကတော့ မိန်းမတွေ လုပ်ရမယ့်အလုပ်လို့ အစဉ်အလာကြီးအဖြစ် ခွဲခြားသတ်မှတ်လာခဲ့ကြပါတယ်။

ခွဲခြားသတ်မှတ်လာခဲ့တာ အစဉ်အလာဖြစ်သွားတော့ ယောကျာ်းအလုပ် ယောက်ျားလုပ် ၊ မိန်းမအလုပ် မိန်းမလုပ်ဆိုပြီး သူ့အလုပ် ၊ ကိုယ့်အလုပ် ခွဲခြားလုပ်ကိုင်လာခဲ့တာပေါ့။ အထူးသဖြင့် ယောကျာ်းအလုပ်က ငွေရှာရမယ် ၊ ကာယအား သုံးရမှာတွေကို ဦးဆောင်ရမယ်စသဖြင့်ပေါ့။ မိန်းမအလုပ်ကတော့ အိမ်တွင်းအလုပ် ၊ သားသမီးအလုပ် ၊ တကုပ်ကုပ်ရှုပ်နေရမယ့် ဗာဟီရအလုပ်တွေပေါ့။ ဒီခေတ်ထဲမှာ အမျိုးသမီးတွေလည်း အိမ်ပြင်ထွက်ငွေရှာနေကြရပြီဆိုတော့ အမျိုးသားတွေလည်း အမျိုးသမီးအလုပ်အချို့ မလုပ်သင့်ဘူးလားလို့ အမျိုးသမီးတွေက အိမ်တွင်းမှာ ပွစိ ပွစိ တောင်းဆိုလာခဲ့ပြီ။ သူတို့လည်း ပင်ပန်းကြတာကိုး။

မောင်တထမ်း မယ်တရွက် ဆိုတဲ့ ခေါင်းစဉ်နဲ့ ကျွန်မရေးထားခဲ့ဖူးသလို ငါ ဒါလုပ်ရင် သူ ဒါလုပ်သင့်တယ်ဆိုတဲ့ စိတ်မျိုးမထားဘဲ သူ ဒါတွေလုပ်လို့ ပင်ပန်းနေတယ် ၊ ငါနိုင်တဲ့ ဒီဟာလေးတွေ ကူလုပ်ပေးလိုက်ရင် သူသက်သာသွားမယ်ဆိုတဲ့ မေတ္တာစိတ်ကလေး အရင်းခံလို့ အိမ်ထောင်အတွင်း အပြန်အလှန် လုပ်ကိုင်ဆောင်ရွက်ကြမယ်ဆိုရင် ဒီအိမ်ကလေးထဲမှာ မေတ္တာတရားတွေနဲ့ ငြိမ်းချမ်းပျော်ရွှင်မှုတွေ ကြီးစိုးနေမှာပါ။

သူ့အလုပ် ၊ ကိုယ့်အလုပ် ခွဲခြားလုပ်ကိုင်ရတာကိုပဲ အသားကျသွားခဲ့ရင် သူမရှိတဲ့အခါ ဒါမှမဟုတ် သူမလုပ်ကိုင်နိုင်တော့တဲ့ အခိုက်လေးမှာ သူဘာတွေ ဘယ်လိုလုပ်ကိုင်ခဲ့သလဲ ကိုယ်မသိခဲ့တာတွေကြောင့် ၊ ကိုယ်မလေ့လာမိခဲ့တာတွေကြောင့် ဘယ်က စကိုင်လို့ ဘာစလုပ်ရမှန်းမသိတာတွေ ဖြစ်နေတော့မှာပဲ။

မီးလုံးကလေး လဲတပ်တာလည်းယောက်ျားအလုပ် ၊ မီးကြိုးကလေးပူးနေတာလည်း ယောကျာ်းအလုပ် ၊ ရေပိုက်ပျက်တာ ၊ ရေမြောင်းပိတ်တာ ၊ မီးစက်ပျက်တာ စသဖြင့် ကိုယ်လေ့လာ လုပ်ကိုင်နိုင်တဲ့ အမယ်သေးသေးလေးတွေကို နိုင်သမျှ မလေ့လာခဲ့ရင် ကိုယ်အားကိုးတဲ့ ယောကျာ်းသားဟာ အကြောင်းကြောင်းကြောင့် ကိုယ့်အနားမရှိခဲ့ရင် ဒီအလုပ်တွေလုပ်ကိုင်ဖို့ နောင်ယောက်ျားသားတစ်ယောက် ကိုယ်တမ်းတနေမလား ၊ ဒီအလုပ်တွေ ကိုယ်ပဲတတ်အောင်သင်လို့ လုပ်သွားမလား ။ ဒါက ကိုယ့်ရွေးချယ်မှုပေါ့နော်။

ကျွန်မကတော့ ယောကျာ်းသားတွေ ဘာတွေ ဘယ်လို ပြင်ဆင်လုပ်ကိုင်သွားတယ်ဆိုတာ အမြဲလေ့လာမှတ်သားတတ်သူမို့ တစ်ခါ ၊ နှစ်ခါလောက်ပဲ သူတို့အားကိုးပြင်ဆင်ခိုင်းတယ်။ နောက်ပိုင်း ကိုယ့်ဘာသာ ကိုယ်ဝင်လုပ်လိုက်တာပဲ။ အဓိက က ဘယ်သူလုပ်လုပ် အလုပ်အောင်မြင်ပြီးမြောက်သွားဖို့ပဲမဟုတ်လား။ သူလုပ်မှ ၊ ငါလုပ်မှ ၊ သူ့အလုပ် ၊ ငါ့အလုပ် ခွဲခြားမနေသင့်ဘူးထင်တယ်။

ဒီလို ခင်ပွန်းအလုပ်တွေ ကျွန်မက ဝင်လုပ်ပေးနေကျဖြစ်နေလို့လား မသိဘူး။ ကျွန်မလုပ်ရမယ့်အလုပ်တွေကိုလည်း ကျွန်မခင်ပွန်းက ကျွန်မအတွက် အလျဉ်းသင့်သလို ဝင်လုပ်ကိုင်ပေးလေ့ရှိတယ်။ အိမ်ရှင်းလင်းတာ ၊ ကလေးကျူရှင် ကြိုပို့တာ ၊ အဝတ်လှန်းပေး ၊ ရုပ်ပေးတာ စသဖြင့်ပေါ့နော်။ ကံကောင်းတာက ကျွန်မတို့မိသားစုပဲ သီးသန့်ခွဲနေလို့လားမသိဘူး။ ယောက်ျားအလုပ် မိန်းမလုပ်နေလို့ ဝင်ဟန့်မယ့်သူမရှိသလို မိန်းမအလုပ် ယောကျာ်းလုပ်နေလို့လည်း ဝင်တားမယ့်သူမရှိဘူး။ အရာရာ ကိုယ့်မိသားစု စိတ်ဆောင်တဲ့အတိုင်း လုပ်ကိုင်သွားကြရုံပဲ။ ဒါဟာ အိမ်ခွဲနေထိုင်ကြတဲ့ မိသားစုတွေအတွက် တပန်းသာတယ်။

ဒီလို လုပ်ခဲ့ကျင့်တွေက ဘယ်မှာ အကျိုးပြုသလဲဆိုတော့ အမျိုးသား ခရီးထွက်နေချိန် ဘာပျက်လို့ ၊ ဘာပြင်ရမယ်ဆိုတာတွေအတွက် ကျွန်မတွေးမပူသလို ကျွန်မခင်ပွန်းလည်း ကျွန်မတို့အတွက် စိတ်ပူစရာမလိုဘူး။ ကျွန်မလုပ်ကိုင်နိုင်နေတာ သူသိလို့ စိတ်ချတယ်လေ။ ကလေးဟာ ဘယ်နေ့မှာ ဘယ်ကျောင်း ၊ ဘယ်ကျူရှင်တက်ရမယ် ၊ ဘာ့ဝတ်စုံဝတ်လို့ ဘယ်စာအုပ်တွေ ထည့်ရမယ် ၊ ဘယ်နေရာကို ဘယ်အချိန် လိုက်ပို့ လိုက်ကြိုရမယ်ဆိုတာတွေဟာ အမျိုးသားကို ရံဖန်ရံခါ ဝင်လုပ်စေခဲ့တဲ့ အကျိုးတွေကြောင့် ကျွန်မ နေထိုင်မကောင်းလို့ ဆေးရုံတက်ရတဲ့အချိန်တွေမှာ ကျွန်မ ကလေးဝေယျာဝစ္စတွေ မပူပင်ရတော့ဘူး။

အမျိုးသားရုံးပိတ်ရက်တွေဆို ကလေးရဲ့တနေ့တာအလုပ်တွေကို အမျိုးသားလည်း ဝင်ရောက်လုပ်ကိုင်စေခဲ့တာတွေကြောင့် ဒါတွေလုပ်ရတာ သူ စိမ်းမနေဘူး။ ကျွန်မလောက်မကျွမ်းကျင်ပေမယ့် ကျွန်မလိုပဲ သူသိနားလည်လို့ လုပ်ကိုင်တတ်တယ်။ ဆိုလိုတာက ကြောင်မနေဘူး။ ဘယ်အချိန် ၊ ဘယ်အခြေအနေမှာ ဘာလုပ်ရမလဲလို့ သိနားလည်ပြီးသား ဖြစ်နေတာမို့ ကျွန်မ မရှိတဲ့ အချိန်တွေမှာ သူနဲ့ ကလေးပဲရှိနေလည်း အဆင်ပြေတယ်။

တကယ်လို့များ ခင်ပွန်းက မယားအလုပ်ဟာ သူမလုပ်အပ်ဘူးလို့ ယုံကြည်ယူဆထားပြီး လုံးဝလုပ်ကိုင်တာမျိုးမရှိခဲ့ရင် ၊ ဇနီးကလည်း ခင်ပွန်းလုပ်ကိုင်မှုတွေကို လုံးဝသိနားလည်တာမျိုး မရှိခဲ့ရင်ဖြင့် အဲဒီတစ်ယောက် မလုပ်ကိုင်နိုင်တော့တဲ့ ကွက်လပ်ကြီးအတွက် စိတ်ပိုင်းဆိုင်ရာ ၊ ရုပ်ပိုင်းဆိုင်ရာတွေ ထိခိုက်နာကျင် ခံစားရတော့မှာပေါ့။

ခင်ပွန်းနေထိုင်မကောင်းလို့ပဲဖြစ်ဖြစ် ၊ မကျန်းမာတော့လို့ပဲဖြစ်ဖြစ် ၊ ကိုယ်တွေမိသားစုကို အကြောင်းကြောင်းကြောင့် စွန့်ခွါသွားလို့ပဲဖြစ်ဖြစ် သူလုပ်ကိုင်ခဲ့တာတွေကို မစူးစမ်း မလေ့လာခဲ့တဲ့အကျိုးက သူမရှိတော့ရင် သူ့နေရာမှာ ကွက်လပ်အကြီးကြီး ကျန်သွားခဲ့တာမို့ ဟာတာတာနဲ့ စိတ်ဒဏ်ရာတွေ ပိုလို့ ခံစားကြရတယ်။ ဒီဒဏ်ရာတွေဟာ သူလုပ်ကိုင်ရမယ့်အရာတွေ ပေါ်လာတိုင်း သူလုပ်ကိုင်ဆောင်ရွက်ပေးခဲ့တဲ့ အရိပ်တွေနဲ့ ကိုယ့်ကို ခြောက်လှန့် သတိပေးနေတာမို့ ဒီစိတ်ဒဏ်ရာတွေပျောက်ဖို့ ပိုပြီး အချိန်ယူရတယ်။

ဇနီးနေထိုင်မကောင်းလို့ပဲဖြစ်ဖြစ် ၊ မကျန်းမာတော့လို့ပဲဖြစ်ဖြစ် ၊ ကိုယ်တွေမိသားစုကို အကြောင်းကြောင်းကြောင့် စွန့်ခွါသွားလို့ပဲဖြစ်ဖြစ် သူမ လုပ်ကိုင်ခဲ့တာတွေကို မစူးစမ်း မလေ့လာခဲ့တဲ့အကျိုးက သူမ မရှိတော့ရင် သူမနေရာမှာ ကွက်လပ်အကြီးကြီး ကျန်သွားခဲ့တာမို့ ဟာတာတာနဲ့ စိတ်ဒဏ်ရာတွေ ပိုလို့ ခံစားကြရတယ်။ ဒီဒဏ်ရာတွေဟာ သူမလုပ်ကိုင်ရမယ့်အရာတွေ ပေါ်လာတိုင်း သူမလုပ်ကိုင်ဆောင်ရွက်ပေးခဲ့တဲ့ အရိပ်တွေနဲ့ ကိုယ့်ကို ခြောက်လှန့် သတိပေးနေတာမို့ ဒီစိတ်ဒဏ်ရာတွေပျောက်ဖို့ ပိုပြီး အချိန်ယူရတယ်။

ချစ်လို့ထူထောင်ထားတဲ့ အိမ်ထောင်ထဲမှာ သူ့အလုပ် ၊ ကိုယ့်အလုပ် ခွဲခြား ကပ်တွက်နေတာမျိုးမလုပ်ဘဲ မေတ္တာတရားရှေ့ထားလို့ ကိုယ်ဒါလေးလုပ်လိုက်ရင် သူအနားရသွားမယ် ၊ သူ့စိတ်ဖိစီးမှုတွေ လျော့သွားမယ် ၊ သူ့အစား ကိုယ်ဝင်လုပ်ပေးလိုက်မယ်ဆိုတဲ့ စိတ်ကလေးနဲ့ လုပ်ကိုင်ဆောင်ရွက်သွားမယ်ဆို ဒီမိသားစုထဲက မိသားစုဝင်တွေဟာ တစ်ဦးမေတ္တာ တစ်ဦးသိနားလည်လို့ အပြန်အလှန် မေတ္တာထားရင်း ငြိမ်းချမ်းပျော်ရွှင်မှုတွေခံစားကြရမှာပါ။

ရတု (Burmesehearts.com)

ကပ်တွက်ကိုယ့်အလုပ်သူ့အလုပ်