class="post-thumbnail open-lightbox" href>
ကလေးသူငယ်များဟာ အသုံးချခံများ ၊ ဓါးစာခံများ မဖြစ်သင့်
ကလေးကို ပဲ့ပြင်ဆုံးမမယ့်သူတွေဟာ အများအားဖြင့် ကလေးရဲ့ မိဘနဲ့တကွ ကလေးရဲ့ အမျိုးအဆွေတွေ ဖြစ်ကြပါတယ်။ ဒီဆွေမျိုးတော်စပ်သူတွေထဲမှာမှ ဟိုဘက်ဆွေမျိုး ၊ ဒီဘက်ဆွေမျိုးဆိုတာတွေ ကွဲပြားဦးမှာပါပဲ။ လူအမျိုးမျိုး စိတ်အထွေထွေဆိုတာကို လက်ခံရင် ကလေးကို ပဲ့ပြင်ဆုံးမကြမယ့် သူတို့တွေဟာ ခံယူချက်အမျိုးမျိုး ၊ ဘဝမှာတွေ့ကြုံခဲ့တဲ့ အတွေ့အကြုံအမျိုးမျိုး ၊ လေ့လာမှတ်သားခဲ့တဲ့ ဗဟုသုတအမျိုးမျိုး ၊ ကြားဖူးနားဝအထွေထွေတွေနဲ့ ကလေးကို ပဲ့ပြင်ထိန်းသိမ်းဖို့ ကြိုးစားကြမှာပါ။
လူကြီးတွေရဲ့ ဆုံးမမှုခံရတဲ့ ကလေးဘက်က ဝင်ကြည့်ဘူးလား။ ဟိုလူကတမျိုးသင် ၊ ဒီလူကတမျိုးပြော ၊ သူတို့အပြောတွေက မတူညီ ၊ သူတို့စည်းကမ်းတွေက ကွဲပြား ၊ သူတို့သင်တာတွေဟာ ခြားနားနေတော့ ကလေးဟာ သူ့စိတ်ထဲ အလွယ်တကူလက်ခံနိုင်တဲ့ ၊ သူလုပ်ကိုင်ပြောဆိုရလွယ်တဲ့အတိုင်း (တနည်းအားဖြင့်) သူနဲ့ အချိန်အများဆုံး ကုန်ဆုံးလေ့ရှိသူ အလိုကျ လိုက်ပြော ၊ လိုက်လုပ်ရင်း စာရိတ္တဟာ ရောထွေးသွားပါတော့တယ်။
အလုပ်ကပြန်လာတဲ့ မိဘက ငါသင်ထားတာဒီလို ဘာလို့ ဒီလိုမလုပ်ရတာလဲ ၊ နောက်ဒီလိုပြောဦးမလား ၊ လုပ်ဦးမလားဆိုတာတွေနဲ့ ကလေးဟာ အဆူခံ ၊ အရိုက်ခံ ဖြစ်လာပါတော့တယ်။ ကလေးမှာ တကယ်အပြစ်ရှိရဲ့လား။ တစ်ဦးနဲ့တစ်ဦး ကွဲပြားစွာသင်တတ်ကြတဲ့ လူကြီးမိဘတွေရဲ့ အပြစ်မဟုတ်ဘူးလား။ လုပ်တဲ့ကလေးကို ရိုက်ဖို့ထက် ကိုယ့်ကလေးကို ကိုယ်မကြိုက်တာတွေ သင်ပြပြောဆိုသူကို တားသင့်တာမဟုတ်လား။ တားပေမယ့်လည်း သူတို့ဟာ ရပ်ချင်မှရပ်မှာပါ။ ကိုယ့်ထက် အရွယ် ၊ အတွေ့အကြုံ ကြီးကြသူတွေဆို ပိုဆိုးနေမှာပါ။
မိသားစုနဲ့ခွဲနေဖို့ အဆင်မပြေတဲ့ ကလေးမိဘတွေဟာ ဒီမိသားစုဒဏ်ကို ခံရတာ ခပ်နည်းနည်းပါ။ ကလေးက ပိုခံရတယ်လေ။ “ဆရာများ သားသေ” ဆိုတဲ့ စကားပုံလိုမျိုးပေါ့။ စကားပုံထဲမှာတော့ ကုတဲ့ဆေးဆရာတွေများလို့ တယောက်တမျိုး ၊ တယောက်တပေါက်ကုရာက သားသေသွားခဲ့တာဖြစ်ပေမယ့် လက်တွေ့မှာတော့ သင်တဲ့သူတွေ ၊ ဆရာလုပ်သူတွေများတော့ ကလေးဟာ ဟိုလူတွေ့ ဟိုလူ့အလိုကျပြော ၊ ဒီလူတွေ့ ဒီလူ့အလိုကျပြောရာက ကိုယ်တကယ်သင်ပေးချင်တဲ့ စာရိတ္တအမှန်ကို မရတော့ဘူးလေ။ ဒီလိုကိစ္စမျိုးတွေမှာ ကလေးကို ကိုယ်က ရိုက်နှက်ဆုံးမရင် ကလေးဟာ အပြစ်မရှိဘဲ အသားနာခံရတယ် ၊ စိတ်ထဲဝမ်းနည်းမယ် ၊ မကျေနပ်စိတ်တွေ ဖြစ်နေမယ် ၊ ပြန်ခုခံကာကွယ် ပြောဆိုနိုင်စွမ်း မလုပ်နိုင်ရင် အားငယ်စိတ် ၊ ကြောက်စိတ်တွေ ဝင်သွားပါတယ်။ ဒီလိုအဖြစ်မျိုး အခါခါဖြစ်နေရင် ကလေးဟာ စိတ်ဒဏ်ရာဖြစ်လာမယ်လေ။ ဒါမဖြစ်သင့်ဘူးနော်။
ဓါးစာခံဖြစ်လာတဲ့ ကလေးတွေဟာ တစ်ဦးနဲ့တစ်ဦး အကြောင်းအကျိုး မတူညီကြပေမယ့် လူကြီးတွေကြောင့်ပဲ ဓါးစာခံဖြစ်လာရတာပါ။ လူကြီးဆိုတဲ့အထဲမှာ အရွယ်ရောက်ပြီးတဲ့ လူကြီးတွေအပါအဝင် ကလေးထက် အသက်ကြီးတဲ့ အရွယ်မတိုင်သေးသူတွေလည်း ပါဝင်နေပါတယ်။ ဘန်းစကားနဲ့ဆို ချွန်လိုက်တဲ့သူတွေ ၊ အရောက်ပို့လိုက်တဲ့သူတွေကြောင့် ကလေးငယ်တွေဟာ အသုံးချခံလေးတွေ ၊ ဓါးစာခံလေးတွေ ဖြစ်လာရတာပါ။ အထူးသဖြင့် စကားမပီကလာ ပီကလာအရွယ် ကလေးငယ်တွေနဲ့ မှန် ၊ မမှန် ကိုယ်ပိုင် စဉ်းစားနိုင်မှု အားနည်းပြီး အရွယ်နုနယ်သေးတဲ့ ကလေးငယ်တွေဟာ ဓါးစာခံတွေ အဖြစ်များပါတယ်။
ကျွန်မ စကားမပီကလာ ၊ ပီကလာအရွယ်မှာ အမျိုးဝမ်းကွဲအစ်ကိုတစ်ယောက်က ကျွန်မတို့အိမ်အလှူလာကူတဲ့ အစ်မချောချောတစ်ယောက်ကို သူပြောချင်တဲ့ ရည်းစားစကား ကျွန်မကို သွားပြောခိုင်းခဲ့တယ်။ အဲဒီအစ်မကြီးနားသွားပြီး ဟိုကိုကြီးက မမကိုချစ်တယ်လို့ အပျော်စနောက်ပြောခိုင်းခဲ့တာပါ။ သွားပြောရင် သကြားလုံးကျွေးမယ်ဆိုတော့ ကလေးပီပီ သူပြောခိုင်းတဲ့အတိုင်း သွားပြောခဲ့ဖူးတယ်။ ကျွန်မပြောလိုက်တဲ့စကားဟာ တပါးသူကို မခံချိမခံသာ ဖြစ်စေမယ် ၊ လက်မခံစရာ ၊ နားမထောင်လိုစရာ ဖြစ်နေမယ်လို့ မစဉ်းစားတတ်သေးဘူးလေ။ ဒါကိုအမြတ်ထုတ်ခဲ့သူ ဝမ်းကွဲအစ်ကိုကြောင့် အဲဒီအစ်မကြီး မျက်နှာတင်းတင်းနဲ့ဆူတာကို မသိတတ်သေးတဲ့ ကျွန်မ ခံခဲ့ရတယ်။ “ကလေးက ကလေးအရာနေတဲ့ နောက်တခါ ဒီလိုလုပ်ရင် နင့်အမေနဲ့တိုင်ပြီး ရိုက်ခိုင်းမယ်” ဆိုတော့ ဝမ်းနည်းသွားလိုက်တာ အစ်ကိုဝမ်းကွဲကျွေးမယ့် သကြားလုံးဆိုတာလည်း မစားချင်ခဲ့တော့ဘူး။ ကျွန်မ ဘာအပြောမှားမှန်း အဲဒီအချိန်က မတွေးတတ်သေးပေမယ့် ဒီလိုမျက်နှာမာမာနဲ့ အဆူခံခဲ့ရတာကို မှတ်မိသေးတယ်။ နောက်ပိုင်းမှာလည်း ကလေးအရွယ် ကျွန်မ မပြောချင်တဲ့စကားလုံးတွေကို မိဘ ၊ ဆွေမျိုး ၊ အသိုင်းအဝန်းဆိုတာတွေကြောင့် ၊ သူတို့ဖိအားအချို့ကြောင့် ပြောခဲ့ရတာတွေ ရှိတယ်။
ကလေးပြောရင် တော်ရုံစိတ်မဆိုးကြဘူးဆိုပြီး ကလေးကို အသုံးချကြတဲ့လူကြီးတွေကြောင့် ကလေးဟာ ဘာမသိ ၊ ညာမသိနဲ့ လူအမုန်းခံရတဲ့ အခြေအနေတွေလည်း ရှိပါတယ်။ လူကြီးအချင်းချင်းမတည့်ရင် ၊ တိုက်ရိုက်မပြောချင်ရင် ကလေးကတဆင့် ပြောကြ ၊ ဆိုကြရင်း ကလေးဟာ တဘက်လူရဲ့ အမုန်းခံရတယ်။ နောက်ဆုံး အဖေနဲ့ အမေ မတည့်ရင် စိတ်မကြည်တဲ့မိဘက ဒီအချိုးက နင့်အဖေအချိုး ၊ နင့်အမေအချိုး ၊ မျိုးမစစ်ကလေး စသဖြင့် အပြစ်မရှိတဲ့ကလေးကို ကိုယ့်မကျေနပ်ချက်တွေပုံချပြီး ပြစ်တင်ပြောဆို ရိုက်နှက်ကြပြန်တယ်။ ဒီလိုနဲ့ ကလေးဟာ ဘာမသိ ၊ ညာမသိနဲ့ မိဘနှစ်ဦးအလယ် ဓါးစာခံလေးဖြစ်လာတာပေါ့။
အဖေ့ကိုမကြည်တဲ့ အမေ့ဘက်က အဖိုးအဖွား ၊ ဦးလေးအဒေါ်နဲ့ ဆွေမျိုးညာတိတွေက အဖေ့သွေးဖြစ်တဲ့ ကလေးကို သူတို့မကြိုက်တဲ့အချက်တွေ့တာနဲ့ ဒီအကျင့်ပျောက်အောင်ဆိုပြီး အမုန်းဓါတ်ခံထား ဆူပူဆုံးမ ရိုက်နှက်ကြပြန်တယ်။
အမေ့ကိုမကြည်တဲ့ အဖေ့ဘက်က အဖိုးအဖွား ၊ ဦးလေးအဒေါ်နဲ့ ဆွေမျိုးညာတိတွေက အမေ့သွေးဖြစ်တဲ့ ကလေးကို သူတို့မကြိုက်တဲ့အချက်တွေ့တာနဲ့ ဒီအကျင့်ပျောက်အောင်ဆိုပြီး အမုန်းဓါတ်ခံထား ဆူပူဆုံးမ ရိုက်နှက်ကြပြန်တယ်။ ဒီလိုနဲ့ ကလေးဟာ နှစ်ဖက်ဆွေမျိုးတွေအလယ်မှာ မတည့်တဲ့မိဘဆွေမျိုး အသိုင်းအဝန်းနှစ်ဖက်ကြား ဓါးစာခံဖြစ်လာပါတယ်။
ရပ်ကွက်ထဲမှာ အိမ်နီးချင်း မတည့်သူတွေရှိနေရင် သူ့မိဘကိုမကျေနပ်ချက်တွေနဲ့ သူ့ကလေးကို အမုန်းပွားကြပြန်တယ်။ သူ့မိဘကို တိုက်ရိုက်မပြောရဲတဲ့စကားတွေ ကလေးကိုပြောပြီး စိတ်ထိခိုက်ခံစားစေတယ်။ ကလေးက သူ့မိဘပြန်ပြောရင် ဒီလူတွေနဲ့ သွားပတ်သက်ရလားဆိုပြီး အရိုက်ခံရဦးမယ်။ တကယ်တော့ ကလေးဆိုတာ တခါတလေမှာ လူကြီးတွေရဲ့ စိတ်ထွက်ပေါက်သဖွယ်လည်း ဖြစ်နေတတ်တယ်။ ကိုယ်လုပ်သမျှ ၊ ပြောသမျှ အကာအကွယ်မဲ့ ခံရတဲ့ ကလေးအဖြစ်ကိုမေ့ပြီး လူကြီးမိဘတွေက သူတို့စိတ်ခံစားချက်ရှေ့တန်းတင် ပြောဆိုတတ်သေးတယ်။
တခါတလေ အိမ်မှာကျန်နေတဲ့ ကလေးတွေဟာ အလုပ်အဆင်မပြေတဲ့ မိဘရဲ့ စိတ်ထွက်ပေါက်ဖြစ်နေတတ်သေးတယ်။ သူတို့ဘာသာ စီးပွားရေး ၊ အလုပ်အကိုင် ၊ လူမှုရေး အဆင်မပြေတာဟာ ကလေးနဲ့ ဘာမှ မဆိုင်ဘူးလို့ နားလည်ရမယ့်အစား သူတို့အပူကို မသိတတ်ရကောင်းလားလို့ နားလည်နိုင်စွမ်းမရှိသေးတဲ့ကလေးကို ဆူပူရိုက်နှက်တတ်သေးတယ်။ တကယ်ဆို အဆင်မပြေတဲ့ အခြေအနေကြောင့် ဖြစ်ပေါ်လာတဲ့ သူ့စိတ်ဖိစီးမှုတွေကို ကလေးအပေါ်ပုံချလို့ ထွက်ပေါက်ပေးလိုက်တာပါ။ ဒါပေမယ့် ဒီလို စိတ်ထွက်ပေါက်ပေးလို့ မပြေလည်တဲ့အခြေအနေ တိုးတက်ကောင်းမွန်လာမှာ မဟုတ်ဘူးလို့ လူကြီးမိဘဟာ မတွေးတတ်တာ ၊ နားမလည်နိုင်တာ ဖြစ်ပါတယ်။ ဒီလိုလုပ်ဖန်များတဲ့အခါ ကလေးမှာ စိတ်ဒဏ်ရာဆိုးဆိုးတောင် ရသွားနိုင်တယ်လေ။
ကိုယ်မကြိုက်တဲ့ စကား ၊ အပြုအမူနဲ့ စာရိတ္တတွေ ကိုယ့်ကလေးမှာ တွေ့မြင်ကြားသိရတယ်ဆို ကလေးကို ပြစ်တင်ဆုံးမမှုမလုပ်ခင် အရင်ဦးဆုံး ကလေးဟာ လူကြီးတွေရဲ့ အသုံးချခံလေး ဖြစ်သွားခဲ့သလားလို့ အရင်တွေးပါ။ ကလေးကို ဆိုဆုံးမတဲ့အခါမှာ စိတ်တိုနေတဲ့ ကိုယ့်စိတ်အတိုင်း စိတ်လိုက်မာန်ပါ ဆုံးမမှုကို မပြုလုပ်ပါနဲ့။ ဘယ်သူ့ကြောင့် ၊ ဘယ်ဝါ့ကြောင့် ၊ ဟိုလူ့အကျင့် ၊ ဒီလူ့အကျင့်ဆိုတဲ့ အတွေးအခေါ်ကြီးထည့်လို့ မဆုံးမပါနဲ့။
ကလေးကို ဒီအကျင့်နဲ့ အပြောအဆိုတွေဟာ မကောင်းလို့ ပြင်သင့်တယ်ဆိုတာကို နားလည်သဘောပေါက်အောင် အရင်ပြောကြည့်ပြီး ဒီအကျင့်ဖျောက်ဖို့ ကြိုးစားရမှာပါ။ အခါခါ ကောင်းကောင်းမွန်မွန် ရှင်းပြပြောဆိုတားမြစ်ရက်က မပြောင်းမလဲဘဲ ဒီအကျင့်ကြီးစွဲနေတယ်ဆိုမှ ဒီအကျင့်ပျောက်ဖို့ ဆုပေး ၊ ဒဏ်ပေးတာလိုမျိုး ကျင့်သုံးပြိး ဖျောက်ကြည့်ပါဦး ။ ဒါနဲ့မှမရဘူးဆိုရင် ရိုက်နှက်ဆုံးမနိုင်ပါတယ်။
ကလေးကိုဆုံးမမယ့် လူကြီးမိဘတွေ အထူးသတိထားရမှာက ကလေးဟာ ဒီအပြောအဆို ၊ ဒီအကျင့်ကို မွေးကတည်းက တတ်လာတာမျိုးမဟုတ်ဘဲ သူ့အနီးဝန်းကျင်မှာ ရှိနေတဲ့ သူတွေဆီကနေ ဒီအကျင့်ကိုတတ်လာတာ ဆိုတာကိုပါပဲ။ အသုံးချခံနေရာကို ရောက်မှန်းမသိရောက်နေတဲ့ ကလေးတွေနည်းသထက်နည်းပြီး လူကြီးတွေရဲ့ ဓါးစာခံအဖြစ် ဝမ်းနည်းခံစားနေကြရတဲ့ ကလေးတွေ နည်းသထက်နည်းပါစေ။
ရတု (Burmesehearts.com)
