မေတ္တာတရားဖြင့် ချစ်ခြင်းမှသည် သစ္စာတရားဖြင့် ချစ်ခြင်းသို့

မေတ္တာတရားနဲ့ချစ်ခြင်းဆိုတာ လက်တွဲဖော်နှစ်ဦးကြား ရမက်မပြယ်ခင် ၊ အချစ်မပြယ်ခင် ကာလတွေမှာချစ်ခြင်းမျိုးပေါ့။ သစ္စာတရားနဲ့ချစ်ခြင်းကတော့ လက်တွဲဖော်နှစ်ဦးကြားမှာ ရမက်တွေပါးလာတာမျိုး ၊ အဆင်မပြေမှုတွေဝင်လာတာမျိုး ၊ ထိန်းချုပ်ရမယ့်အနေအထားမျိုးတွေ ဖြစ်လာမယ့်အချိန်တွေမှာ အသိတရားနဲ့ချစ်တာပါ။

မေတ္တာတရားနဲ့ချစ်ခြင်းက ရမက်တွေပါနေတော့ ပူလောင်တယ်။ သစ္စာတရားနဲ့ချစ်ခြင်းကျတော့ အေးမြပြီး ကိုယ်တိုင်လည်း သိက္ခာရှိရှိစိတ်လုံ ၊ လက်တွဲဖော်လည်း ယုံကြည်စိတ်ချလို့ ငြိမ်းချမ်းရ ၊ စောင့်သိသင့်တာတွေ စောင့်သိတာမို့ လူကျင့်ဝတ်နဲ့အညီနေထိုင်ခြင်းပေါ့။

မေတ္တာတရားနဲ့ချစ်ခြင်းဟာ ငယ်ရွယ်ကျန်းမာ သန်စွမ်းတဲ့ လက်တွဲဖော်နှစ်ဦး (သမီးရည်းစားနဲ့အိမ်ထောင်ဦး)တွေ ခံစားတတ်ကြတာဖြစ်ပြီး သစ္စာတရားနဲ့ချစ်ခြင်းကျတော့ အားနည်းမှုရှိတဲ့လက်တွဲဖော်ကို ဆက် လက်တွဲတဲ့သူတွေ ၊ အိုမင်းလာတဲ့စုံတွဲတွေ ၊ လက်တွဲဖော်နှစ်ဦးမှာ တစ်ဦးက သာမာန်ကျန်းမာရေးအခြေအနေမျိုး မဟုတ်တော့တဲ့ အချိန်တွေမှာ ကာလရှည်ကြာစွာ သေကွဲကွဲတဲ့အထိ သစ္စာတရားနဲ့ချစ်တတ်တာပါ။

အခုခေတ်မှာ ခေတ်မီအောင် ဖောက်ပြန်နေကြတာလားမသိဘူးနော်။ ကျွန်မတို့ငယ်ငယ်တုန်းကတော့ ဖောက်ပြန်တဲ့သူတွေဆိုတာ လက်ချိုးရေလို့ရတယ်။ တစ်လမ်းလုံးနေလို့ တစ်ယောက်ရှိခဲတယ်။ ကျွန်မတို့ငယ်ငယ်တုန်းက ဖောက်ပြန်တဲ့သူတွေဟာ မိန်းမအရွယ်ကျသွားလို့ ၊ အိမ်ထောင်ဖက်က ကျန်းမာရေးချို့တဲ့သွားလို့ ၊ မိန်းမကိုယ်ဝန်ဆောင်နေလို့ ၊ မိန်းမဟာ စိတ်ကြမ်းလူကြမ်းနဲ့ အပျိုတုန်းကလို ကိုကို မောင်မောင် ချိုချိုသာသာ ပြင်ပြင်ဆင်ဆင် ဆွဲဆောင်မှုတွေ မရှိတော့လို့ ၊ အိမ်ထောင်ရေးအဆင်မပြေလို့ ၊ တပါးသူနဲ့ စိတ်ကွယ်ရာအချိန်တွေ ၊ နေရာတွေမှာ အနေနီးစပ်သွားကြလို့ ၊ အိမ်ထောင်ဖက်နဲ့ ကာလအတော်ကြာ အမြဲခွဲနေရလို့ စသဖြင့်သော အကြောင်းတွေကြောင့် ဖြစ်ပါတယ်။

ကျွန်မတို့ ငယ်ငယ်တုန်းက ဖောက်ပြန်တဲ့သူတွေဟာ အမျိုးသားတွေ အများစုဖြစ်ကြပြီး မိန်းမပျက်နဲ့ ငွေပေးလို့ အတူသွားနေတာကိုကအစ ဖောက်ပြန်တယ်လို့ သတ်မှတ်ကြတာပါ။ မယားငယ်ပေါ်တင်ထားတာ ၊ အပျော်တွဲတွေ ထည်လဲတွဲနေတာမျိုး အတော့်ကို ရှားလှပါတယ်။ ကျွန်မအပျိုဖော်ဝင်စတုန်းက ကျွန်မတို့မောင်နှမတွေကို အဖေက အိမ်ထောင်ရေးနဲ့ပတ်သက်ပြီး အမှာစကားပြောဖူးတယ်။ အိမ်ထောင်ဘက်ကို ဆင်းရဲချမ်းသာမရွေး ရွေးချယ်နိုင်တယ်တဲ့။ အိမ်ထောင်ရှိသူကိုယူပြီး သူများအိမ်ထောင်ကို မဖျက်စီးရဘူးတဲ့။ ကာမပိုင်ရှိတဲ့သူနဲ့ မပတ်သက်ရဘူးတဲ့။ မသိလို့ ပတ်သက်မိရင် သိတဲ့အချိန်မှာ ချက်ချင်းရုန်းထွက်ရမယ်တဲ့။ ဆက်မမိုက်ရဘူးတဲ့။ မိမိကိုးကွယ်တဲ့ဘာသာကိုလည်း မျိုးရိုးစဉ်ဆက် ထိန်းသိမ်းသွားရမယ်တဲ့။ အဲဒီတုန်းက အပျိုဖော်ဝင်စဆိုတော့ အဖေ ဘာတွေပြောနေမှန်းမသိပေမယ့် ရှားရှားပါးပါး တခါတည်းပြောခဲ့ဖူးတာမို့ မှတ်မိနေတာပါ။

အမေကကျတော့ ပြတ်တယ်။ ရှင်းတယ်။ ဘယ်ယောက်ျားယူယူ ဒီဟာက မလွဲမသွေပါမှာပဲတဲ့။ ဒီတော့ ကိုယ့်နဲ့ထိုက်တန်တာကို ကိုယ့်ဘာသာရွေးချယ် စဉ်းစားပြီးယူကြတဲ့။ သူတို့ အမှာစကားပြော ဆိုဆုံးမချိန်တုန်းက ကိုယ်ဟာ ဆယ်ကျော်သက်စွန်းစွန်း အပျိုဖော်ဝင်စဆိုတော့လေ ဘာမှကို နားမလည်တာပါ။

ကိုယ့်မိဘက ဒီလိုသင်ခဲ့တော့ ကိုယ်ဟာ မိဘစကားကို တသွေမတိမ်းနားထောင်ခဲ့ပါတယ်။ အခုခေတ်မှာ မိဘတွေက ဒီလိုမဆုံးမကြဖူးလားလို့ ကျွန်မတွေးမိတယ်။ ဒါတောင် ကျွန်မအဖေက ကျွန်မ ဆယ့်သုံးနှစ်သမီးမှာ ဆုံးပါးသွားခဲ့တာနော်။ ကျွန်မတို့ကို ထပ်မဆုံးမနိုင်တော့ပေမယ့် တကြိမ်တခါ ဆိုဆုံးမ ၊ မှာကြားခဲ့တာတွေကို ကျွန်မတို့ဟာ လိုက်နာထိန်းသိမ်းခဲ့ပါတယ်။ ဒါဟာ မိမိဂုဏ်နဲ့ မိဘဂုဏ်တက်စေတဲ့ လုပ်ရပ်တခုမဟုတ်လား။

အိမ်ထောင်ရှင်တွေ ဖောက်ပြန်တဲ့အခါ သူ့ကိုယ်သူ သနားစရာလို့ တဘက်လူ မသနား သနားလာအောင် ပြောတတ်ကြတယ်။ အနေလည်းနီးစပ်မယ် ၊ သနားစိတ်လေးလည်း ဝင်လာပြီဆိုရင် နောက်တဆင့်က ဖောက်ပြန်ဖို့ဖြစ်လာတာပေါ့။ မသိလို့ခြေလှမ်းကျွံ ဖောက်ပြန်မိတာက မသိလို့ဆိုပြီး ခွင့်လွှတ်ပေးလို့ရသေးတယ်။ သိရက်နဲ့ဆိုရင် အမျိုးသမီးတစ်ယောက်အနေနဲ့ အတော့်ကို ကိုယ်ချင်းစာတရားမဲ့သွားပြီ။ ကိုယ်တယုတယပျိုးထားတဲ့အပင်လေးကို အသီးအပွင့်ပြည့်စုံမယ်ကြံရုံရှိသေး တပါးသူက အပိုင်သိမ်းသွားတယ်ဆို ဘယ်လိုခံစားရမလဲ။ အချစ်ဟာ ပျိုးပင်တစ်ခုမဟုတ်သလို ဘဝဟာ အပင်တစ်ခုမဟုတ်ဘူးလေ။

သိရက်နဲ့ဖောက်ပြန်တယ်ဆိုရင် ကိုယ်ပြုတဲ့ကံကိုယ့်ထံပြန်လာဦးမှာမို့ ကိုယ်ဟာလည်း ဒီလိုခံစားမှုမျိုး ၊ ဒီလိုစိုးရိမ်ပူပင်မှုမျိုးကို ပိုက်ပြီးနေရလိမ့်ဦးမယ်။ တချိန် ကိုယ့်နောက်ကွယ်မှာ သူဖောက်ပြန်လေဦးမလားပေါ့။ ခြံခုန်တဲ့နွားကလေ ခြံကိုခုန်တာ ၊ စားနေကျကြောင်ပါးက ဘယ်လိုအကွက်ချောင်းစားသောက်ရမယ်လို့ သိပ်ပါးနပ်တာ။ တပါးသူလှည့်စားခဲ့လို့ ကာမပိုင်ရှိမှန်းမသိဘဲဖောက်ပြန်မိရင် သိတဲ့အချိန်မှာ ရပ်တန်းကရပ်ပြီး ဆက်မမိုက်ကြဖို့ပါ။ ကျွန်မအမေ ဆုံးမခဲ့ဖူးသလို ဘယ်ယောကျာ်းယူယူ ဒါပါမှာပဲလေ။ အဲဒီတုန်းက ဒါဆိုတဲ့အဓိပ္ပါယ် မသိသေးပေမယ့် အရွယ်ရောက်လာလို့ ဒါနဲ့ပတ်သက်မိရင် ဒါဟာဘာလဲလို့ နားလည်သဘောပေါက်လာမှာပါ။

ဘယ်ယောက်ျားယူယူ ဒါပါလာမယ့်ကိစ္စကို သူများပိုင်ပစ္စည်းမှ တမ်းတမ်းစွဲနေရလောက်အောင် ကိုယ်ဟာ သူများအကျပဲ (စားကြွင်းစားကျန်နဲ့ပဲ) တန်သူလား။ ကိုယ့်တန်ဖိုးဟာ ဒါလား။ ကိုယ့်သိက္ခာသူများချလို့ သိက္ခာရှိနေတဲ့သူတစ်ယောက်ဟာ သိက္ခာမကျသွားနိုင်ဘူး။ ကိုယ့်လုပ်ရပ်ကသာ ကိုယ့်ကို သိက္ခာကျသွားစေတာ ၊ တန်ဖိုးကျသွားစေတာဖြစ်ပါတယ်။ ကိုယ့်တန်ဖိုးကို ကိုယ့်ဘာသာ မြှင့်တင်ရတာပါ။ ဒီရုပ်ရည်ဟာလည်း တန်ဖိုးမဟုတ်ဘူး။ အရွယ်ရလာတာနဲ့ ပျက်စီးသွားမယ့်အလှ။ အိုလာတာနဲ့ ရွဲသွားမယ့် ကိုယ်ပြင်ပကအရာပါ။ လူ့တန်ဖိုးဆိုတာ အသိတရား ၊ ပညာရွှေအိုး လူမခိုးတဲ့ ။

ပညာဆိုတာအတန်းပညာလို့ချည်းမမှတ်ပါနဲ့။ စဉ်းစားတွေးခေါ်တတ်တာလည်း ပညာဖြစ်သလို ကိုယ့်ဘဝကို မြင့်သထက်မြင့်အောင် ကိုယ့်အသိဥာဏ် ၊ ကိုယ်ကျင့်တရား ၊ ကြိုးစားအားထုတ်မှုတွေနဲ့ တဆင့်ထက်တဆင့် တက်သွားနိုင်တာမှ တကယ်ကို မြင့်မြတ်တဲ့ အသိဥာဏ်ပညာပါ။ ငယ်စဉ်မှာ ဘဝအဆင့်အတန်းမြင့်အောင် ကိုယ်ကျင့်တရားလုံလုံနဲ့ကြိုးစားအားထုတ်ရမယ်။ ကောင်းကောင်းနားလည်သိတတ်လာချိန်မှာ ဥာဏ်အဆင့်အတန်းမြင့်အောင် သံသရာအတွက် ကြိုးစားအားထုတ်နိုင်ရမယ်။

ဇနီးကိုကြင်နာတတ်တဲ့ခင်ပွန်း ၊ ငွေဝင်ဖြောင့်တဲ့သူ ၊ အနာဂါတ်ခိုင်မာမှု ပေးနိုင်တဲ့သူဟာ သူတို့ပိုင်ဖြစ်လာမလားလို့ ကြောင်တောင်နှိုက်အမျိုးသမီးတွေက ပထမ မျက်လုံးအထာနဲ့ပေးမယ်။ အမျိုးသားဟာ Welcome ဆိုတဲ့အထာပြန်ပေးရင် ခပ်တည်တည်နဲ့ သူများအိမ်ထောင် ကိုယ့်အိမ်ထောင်လုပ်ယူချင်ကြသူတွေ ရှိပါတယ်။ အမျိုးသားက ဘာသိဘာသာမသိယောင်ဆောင်သည့်တိုင် တဆင့်တိုးလို့ သူတို့မှာလည်း ဒါပါကြောင်း ဟိုဖော် ၊ ဒီဖော်လုပ်ပြမယ်။ စကားအရာနဲ့ ဆွဲညုမယ်။ အတွေ့အထိတွေနဲ့ သိမ်းသွင်းမယ်။ သူတို့က ကျလောက်တဲ့အောက်လုံးတွေ ထုတ်သုံးမှာပေါ့။ သူတို့ဟာ ဒီလိုနည်းတွေနဲ့ပဲ သူတို့တန်ဖိုးဆိုတာကို မြှင့်တင်ဖို့ ကြိုးစားကြပါလားလို့ ကရုဏာသက်မိတယ်။ သူတို့ဦးနှောက်က ဒီလောက်ပဲ အသိတရားရှိတာကိုး။

ခင်ပွန်းကိုဂရုစိုက်တတ်တဲ့ အမျိုးသမီးတွေ ၊ ငွေသုံးနိုင်တဲ့ အမျိုးသမီးတွေကိုကျတော့ ကြာကူလီယောက်ျားတွေက အချောင်ရမလား ဝင်လုံးကြတာတွေလည်းရှိပါတယ်။ ခင်ပွန်းလုပ်သူက ဇနီးကို ငွေပေးရင်တာဝန်ကျေပြီလို့ ယူဆတဲ့စုံတွဲတွေမှာ ဒီလိုဖောက်ပြန်မှုမျိုးကို ပိုတွေ့ရတယ်။ ခင်ပွန်းဆီကကြင်နာမှု ၊ နားလည်မှု ၊ သာယာမှုမရတော့ ဒါတွေပေးနိုင်တဲ့သူဘက်ကို ပါလာပြီး မလုပ်သင့်တာတွေ လုပ်ဖြစ်တာ ရေရှည် မစဉ်းစားတတ်တဲ့အမျိုးသမီးတွေပေါ့။

ဒီလိုကြာကူလီအမျိုးသား ၊ အမျိုးသမီးတွေရဲ့ အောက်လုံးဆွဲဆောင်မှုတွေကို ခံနိုင်ရည်ရှိဖို့ဆိုတာ အိမ်ထောင်သည်နှစ်ဦးစလုံးရဲ့ ဆက်ဆံရေး ပွင့်လင်းခိုင်မာဖို့လိုတယ်။ အပြန်အလှန် နားလည်ပေးနိုင်မှုလည်းလိုတယ်။ အကြောင်းအကျိုး ကောင်းကောင်းဆွေးနွေးပြနိုင်ဖို့လည်းလိုတယ်။ တခါတလေ မြွေမြွေချင်း ခြေပိုမြင်သလို မိန်းမအထာကို မိန်းမချင်းပိုသိတယ်။ ယောကျာ်းအထာကိုလည်း ယောကျာ်းချင်းပိုသိတယ်။ ဒါကိုယုံကြည်ဖို့လိုတယ်။ တစ်ဦးကပြောရင် တစ်ဦးကလက်ခံနိုင်ရမယ်။ အန္တရာယ်ကိုရှောင်ရှားနိုင်ရမယ်။

ကြောင်တောင်နှိုက်တွေက အောက်ကွက်တွေ အမျိုးမျိုးသုံးတတ်တယ်။ ဒီမိသားစုလေးကို အားကျတယ်ဆိုတာမျိုး ၊ ဒီလူမျိုးရတာ အရမ်းကံကောင်းတယ်ဆိုတာမျိုး ၊ ဒီလူမျိုးနဲ့ ဖူးစာဆုံချင်လိုက်တာမျိုးတွေကို ထမင်းစားရေသောက်ပြောရင်း လမ်းကြောင်းတတ်တယ်။ စမ်းသပ်တတ်တယ်။ မသိရင်ခံလေ။ ရိုးတဲ့သူ ၊ သူတို့အထာမနပ်တဲ့သူက သူတို့လှည့်ကွက်ထဲသက်ဆင်းပြီး နားဖားကြိုးတပ်တာ ခံလိုက်ဦးပေါ့။

ကျွန်မခင်ပွန်းကို ကျွန်မယုံကြည်စွာ လွတ်လပ်ခွင့်ပေးထားတယ်။ Facebook လို လူမှုကွန်ယက် ဝက်ဘ်ဆိုဒ်ပေါ်မှာ သူ့ဇနီးဟာကျွန်မဆိုတဲ့ Status မရှိသလို ကျွန်မခင်ပွန်းဟာ သူလို့လည်း မဖော်ပြထားဘူး။ လက်ထပ်လက်စွပ်ဆိုတာကိုလည်း မယုံကြည်လို့ မဝတ်ဆင်ကြဘူး။ ကျွန်မတို့ယုံကြည်တာက ဒီလူရဲ့ရင်ထဲကခံစားမှု ၊ တွေးခေါ်စဉ်းစားတတ်မှု နဲ့ လုပ်ရပ်ကိုပဲဖြစ်ပါတယ်။

သူကကျွန်မကို လွတ်လပ်ခွင့်ပေးထားသလို ကျွန်မကလည်း သူ့ကို လွတ်လပ်ခွင့်ပေးထားတယ်။ ဘာလုပ် ၊ ဘာမလုပ်နဲ့ဆိုတာမျိုးတွေ တားထားတာမျိုးမရှိသလို ချုပ်ခြယ်ထားတာမျိုးလည်းမရှိပါဘူး။ သူ့ Mail နဲ့ လူမှုကွန်ယက်က Password တွေမှန်သမျှ ကျွန်မ မသိသလို ကျွန်မ Password တွေမှန်သမျှ သူစိတ်မဝင်စားဘူး။ တကယ်ဆို တစ်ဦးပေါ်တစ်ဦး ယုံကြည်မှုက အဓိက။ သစ္စာတရားက ပဓါနဖြစ်ပါတယ်။ သံသယတွေထားပြီး ဟိုစစ် ၊ ဒီဆေးလုပ်လာရင် မလွတ်လပ်တဲ့စိတ်နဲ့ ခိုးလုပ်လာနိုင်တယ်။ ဒီအခါ လင်မယားအဆင်မပြေဖို့ ၊ ရန်ဖြစ်ဖို့ အစပျိုးလာတာပေါ့။

ဒီလိုလွတ်လပ်မှုပေးထားပေမယ့် ဒီအခြေအနေအထိရောက်ဆောင် စိတ်တူကိုယ်တူ ထူထောင်လာခဲ့တဲ့အိမ်ထောင်ရေး ၊ သံယောဇဉ်ဆိုတာတွေနဲ့ သူ့အတွက်ကိုယ်ဟာ နားလည်မှုအပေးနိုင်ဆုံးလူ ၊ ကိုယ့်အတွက်သူဟာလည်း အကောင်းဆုံးလူတစ်ယောက်အဖြစ် ယုံကြည်မှုစွဲစွဲမြဲမြဲထားပါတယ်။ ဒီလိုအသင့်တော်ဆုံး ၊ အကောင်းဆုံးလူနှစ်ယောက်အဖြစ် ယုံကြည်ခဲ့လို့ ဒီအိမ်ထောင်သက် ဒီလောက်ကြာခဲ့တာမဟုတ်လား။

ကျွန်မခင်ပွန်းကို မကြာခဏဆိုသလို ပြောတတ်တာက သူကျန်းမာရေးချို့ယွင်းသွားသည့်တိုင် သူမလုပ်နိုင်မကိုင်နိုင် ဖြစ်သွားသည့်တိုင် သူ့အနွံအတာမှန်သမျှကို ကျွန်မကခံသွားမယ့်သူပါလို့။ သူကလည်း ကျွန်မလိုပါပဲတဲ့။ ဒီလိုမျိုး ပြောပေးသင့်ပါတယ်။ ဒါဟာ သူ့ခေါင်းထဲကို အသိတရားထည့်ပေးလိုက်တာပါ။ စောင့်ထိန်းရမယ့်ကျင့်ဝတ်နဲ့ သစ္စာတရားဆိုတာကို ကိုယ်စီအပြန်အလှန် ကတိကဝတ်ပြုကြတာပါ။ လက်ထပ်စာချုပ် လက်မှတ်မထိုးခင် ၊ မင်္ဂလာဧည့်ခံပွဲကျင်းပချိန်မှာပဲ ဒီကတိကဝတ်တွေက စောင့်ထိန်းရမှာမဟုတ်ဘူးလေ။ တဘဝစာ စောင့်ထိန်းသွားရမှာ။

ခင်ပွန်းဆီကအကြင်နာ ခံစားလိုတယ်ဆိုတဲ့အိမ်ရှင်မတွေ အိမ်ထောင်သက်ကြာပြီဆိုတာနဲ့ ခင်ပွန်းအပေါ် အခေါ်အဝေါ်တွေ ပြောင်းမသွားသင့်ဘူး။ သူပြောင်းခေါ်လို့ ကိုယ်ပြောင်းခေါ်မယ်ဆိုတာလည်း မဖြစ်သင့်ဘူး။ သူပြောင်းသွားသည့်တိုင် ကိုယ်တွေလက်မထပ်ခင်က ဘယ်လိုအခေါ်အဝေါ် ကြင်နာမှုတွေနဲ့ ချစ်ခဲ့ကြတယ်ဆိုတာကို သူပြန်ပြောင်းမှတ်မိအောင် ဒီလိုစွဲမြဲစွာခေါ်ဝေါ်ရင်း မပြောင်းလဲသော ကြင်နာမှုကို ကိုယ်တိုင်ကထိန်းသိမ်း ပြသဖို့လိုတယ်။ ဒါမှ ရုပ်ပိုင်းဆိုင်ရာ ကိုယ်ကပြောင်းလဲသွားသည့်တိုင် (ပိန်တာ ၊ ဝတာ ၊ အိုတာတွေ ဖြစ်လာသည့်တိုင်) သူ့အပေါ် ကိုယ့်ခံစားချက်နဲ့ ကြင်နာမှုတွေဟာ မပြောင်းမလဲဖြစ်တယ်လို့ သက်သေပြရာရောက်တယ်။

အိမ်ထောင်ရှင်မဆိုတော့ အပျိုတုန်းကလောက် မိမိကိုယ်ကိုပြင်ဆင်ဖို့ အချိန်မရတော့ပေမယ့် ကလေးတွေအရွယ်ရလာရင် ရလာသလို တပတ်တရက် ၊ နှစ်ရက် (အထူးသဖြင့် ခင်ပွန်းရုံးပိတ်ရက်တွေမှာ) အပျိုတုန်းကလို ပြင်ပြင်ဆင်ဆင် လန်းလန်းဆန်းဆန်းလေးနေပြီး ခင်ပွန်းနဲ့ မိသားစုအတူ နေ့လည်စာ ၊ ညနေစာ ဈေးဝယ်ထွက်ရင်း စားနိုင်ဖို့ မိသားစုအချိန်ဆိုတာလေးကို ဖန်တီးပါ။ ဘယ်မှမထွက်လည်း ခင်ပွန်းအကြိုက်တွေ ဒီရက်ကလေးမှာ ဂရုတစိုက် လုပ်ကျွေးနိုင်ဖို့ ကြိုးစားပါ။ အပတ်စဉ်မဟုတ်တောင် တပတ်ခြား ၊ နှစ်ပတ်ခြား တခါလိုမျိုး ခင်ပွန်းအကြိုက် အလိုက်သိစွာချက်ကျွေးပါ။ ဒါတွေဟာ ကိုယ်သူ့ကို ဂရုစိုက်တုန်း ၊ သူ့အကြိုက်တွေကို မမေ့မလျော့ သိနေတုန်း ၊ ဖြည့်ဆည်းဖို့ ကြိုးစားနေတုန်းဆိုတာကို ပြောတာထက်ပိုသိစေတယ်လေ။

အလုပ်ကလည်းမအား ၊ အိမ်အလုပ်တဖက် ၊ သားသမီးတာဝန် ၊ ခင်ပွန်းတာဝန်တွေနဲ့ မအားလပ်ပေမယ့် ခင်ပွန်းနဲ့ ညအိပ်ရာဝင်ချိန်မှာ တပတ်တစ်ကြိမ်လောက်တော့ဖြင့် ကိုယ်လက် နှိပ်နယ်ပေးလို့ သူ့စိတ်ကို ဖြေဖျောက်မှုတွေပေးပါ။ ဒီအချိန်ဟာ ရှေးဟောင်းနှောင်းဖြစ်တွေ ၊ ဟာသတွေ ပြောဖို့အကောင်းဆုံးအချိန်ပဲ။ လက်ရှိတွေ့ကြုံနေရတဲ့ နေ့တဓူဝဟာသလေးတွေ ၊ သူနဲ့ကိုယ်ရဲ့ အတိတ်က ဟာသလေးတွေ ပြန်ပြောင်းပြောရင်း နှစ်ဦးဆက်ဆံရေး နွေးထွေးမှုထိန်းသိမ်းနိုင်အောင် ကြိုးစားပါ။

မယားဝတ္တရားအရ ကိုယ်စိတ်ပါသည်ဖြစ်စေ ၊ စိတ်မပါသည်ဖြစ်စေ ခင်ပွန်းစိတ်ပါတဲ့အချိန်မှာဖြစ်ဖြစ် ၊ မစပ်ယှက်တာ ကြာလာရင်ပဲဖြစ်ဖြစ် သူ့သွေးသားဆန္ဒဆိုတာကို အလိုက်တသိ ဖြေထုတ်ခွင့်ပေးပါ။ ကိုယ့်ဆီမဖြေထုတ်ရင် တခြားမှာ သွားဖြေထုတ်နိုင်တာကို သတိချပ်ပါ။ အသက်တွေရလာပေမယ့် ၊ အိမ်ထောင်သက်ကြာလာပေမယ့် ကာမဆန္ဒဟာလည်း လူ့ဆန္ဒတခုပေပဲမို့ လူ့သက်တမ်းအိုမင်းလို့ မနိုင်တော့တဲ့အထိတော့ ဆက်တည်နေဦးမှာပဲလေ။

ကလေးတွေအကြောင်း ၊ ကိုယ့်အကြောင်း အကောင်းအဆိုး မျှမျှတတ ဖြစ်ပျက်နေတာကို အိမ်ထောင်ဦးစီးဖြစ်တဲ့ သူသိထားအောင် ပြောတတ်ဖို့လည်း လိုပါတယ်။ စိတ်ဖိစီးစရာကြီးပဲတော့ ဘယ်သူမှ မကြားချင်ဘူးလေ။ ကလေးတွေရဲ့ကောင်းကွက်ကလေးတွေလည်းပြော ၊ ကိုယ်တွေကြုံနေတဲ့ အခက်အခဲတွေလည်း သူနားလည်အောင် ပြောပြတတ်ဖို့လိုပါတယ်။ ဒါတွေက အိမ်ရှင်မတွေရဲ့ စကားပရိယာယ်အပေါ် မူတည်ပြီး အိမ်ထောင်ဦးစီးရဲ့ စိတ်နှလုံးကို ဆွဲဆောင်ထိန်းသိမ်းထားနိုင်ပါတယ်။

နောက်ဆုံးမှာ ကိုယ်ဟာ ကိုယ့်နုပျိုမှုတွေကို ဒီမိသားစုအတွက် ဘယ်နှစ်နှစ်တာ ပေးဆပ်ထားခဲ့လို့ ဘယ်လိုရုပ်ဖြစ်သွားပြီ ၊ ဘယ်လိုကိုယ်ဖြစ်သွားပြီဆိုတာ ကိုယ့်ခံစားမှုအတိုင်းလည်း မျှဝေနိုင်ပါတယ်။ ဒါမှလည်း ဒီမိသားစုအတွက် ကိုယ့်ပေးဆပ်မှုတွေကို သူသတိထားမိလာမှာပါ။ သူလည်း အရင်လိုရုပ်သွင်မဟုတ်တော့သလို ကိုယ်လည်း အရင်လိုရုပ်သွင်မဖြစ်တော့တာဟာ သဘာဝပါ။ ဘယ်သူမဆို အိုမှာ ၊ နာမှာ ၊ သေမှာပဲလေ။ အိုသွားလို့ ၊ နာလာလို့ ဆိုပြီး မအို ၊ မနာသေးတဲ့ အပျို လေးတွေနဲ့ အပျော်ထွက်ရှာတယ်ဆိုတာ မဖြစ်သင့်ဘူးလို့ သူယုံကြည်မှ သူဟာ ပြင်ပမှာ အပျော်ရှာတာမျိုးတွေ မရှိတော့မှာဖြစ်ပါတယ်။

မေတ္တာတရားနဲ့ တည်ဆောက်ခဲ့တဲ့ ဒီအချစ်ရိပ်မြုံလေး ကာလတွေ ကြာသထက်ကြာအောင် မြဲမြံဖို့ဆိုရင် သစ္စာတရားနဲ့ ဆက်တည်ဆောက်ပါမှ ဒီအသိုက်အမြုံထဲက ခင်ပွန်းလည်းပျော်မယ် ၊ ဇနီးလည်းပျော်မယ်။ သားသမီးတွေလည်းပျော်နိုင်မှာဖြစ်ပါတယ်။ မိရင်း ၊ ဖရင်း သွေးသားရင်ထက် ဘယ် မိထွေး ၊ ပထွေးမှ မကောင်းနိုင်ဘူးလေ။ ဘယ်သူတရားပျက်ပျက် ကိုယ်တရားမပျက်ဖို့ပိုအရေးကြီးပါတယ်။ သူ့အရိပ်သူ့နောက်လိုက်မှာဖြစ်ပြီး ကိုယ့်အရိပ် ကိုယ့်နောက်လိုက်မှာဖြစ်ပါတယ်။

သူ့ရဲ့ နုပျိုမှုတွေ ဝါးမြိုစားခဲ့တဲ့ကိုယ် ၊ ကိုယ့်သွေးသားတွေကို ပြုစုပျိုးထောင်ရင်း အလှပျက်ပြယ်လာတဲ့သူကို မလှတော့လို့ ၊ နှစ်လိုဖွယ်မရှိတော့လို့ အလန်းလေးတွေနဲ့ ပျော်ပါးနေတယ်ဆိုတာ ဖြစ်သင့်ပါရဲ့လား ။ ဒါတွေလုပ်နေတဲ့ကိုယ်ဟာ လူ့ကျင့်ဝတ်အရရော ၊ ဘာသာတရားအဆုံးအမအရရော မိသားစုအပေါ်မှာ တရားပါရဲ့လား။ အချိန်မနှောင်းခင်ပြင်နိုင်ပါတယ်။ ဇနီးနဲ့သားသမီးတွေက ကိုယ့်ကို အိမ်ထောင့်ဦးစီးအဖြစ် မှီခိုအားထားနေရတာလေ။ ကိုယ်မရှိရင်လည်း အဆင်ပြေပါတယ် ၊ အဆင်ပြေမှာပါလို့ တွေးထင်နေတဲ့ သူနဲ့ကိုယ်ဟာ ကိုယ်ဆိုတဲ့ အိမ်ထောင်ဦးစီးမရှိရင် ဒီကလေးတွေရဲ့စိတ် ၊ ခံစားချက် ၊ ဒီမိသားစုတွင်းက ပျော်ရွှင်မှုတွေဟာ ဘယ်လိုဖြစ်သွားမလဲ ပြန်သုံးသပ်လို့ မိမိ မိသားစုသာ မိမိအတွက် အကောင်းဆုံး ရဲဘော်ရဲဘက်တွေပါလို့။

ရတု (Burmesehearts.com)