Notice: Trying to access array offset on value of type bool in /home/burmesehearts/public_html/wp-content/themes/publisher/includes/libs/bs-theme-core/attr/post.php on line 305
class="post-thumbnail open-lightbox" href>

စွန့်သွားသူရဲ့နောက်ကျော ပြုံးပြနိုင်ပ့ါမလား

Last updated Jul 3, 2016

ကျောခိုင်းထွက်သွားသူတစ်ယောက်အတွက် ရင်ကွဲပက်လက်ဖြစ်ရင်ဖြစ်ပါစေ။ အေးစက်စက်မျက်ဝန်းတွေ ၊ ရက်စက်ကြမ်းကြုတ်မှုတွေ ၊ ကိုယ်ချင်းမစာနာမှုတွေနဲ့ သစ္စာဖောက်ကျောခိုင်းသွားတဲ့ သူ့နောက်ကျောကို သံယောဇဉ်မပြတ်ရင် ငေးကြည့်နေလို့ရပါတယ်။ ဒါပေမယ့် အတင်းလိုက်ဆွဲဖို့တော့မကြိုးစားနဲ့။ စိတ်မထင်ရင် ဆောင့်တွန်းခံထိလိမ့်မယ်။ မထွက်သွားစေချင်ရင် အော်တားချင်တားပါ။ ပြန်စဉ်းစားဖို့သတိပေးပါ။ ရှေ့ဆက်ကျောခိုင်းသွားသူတစ်ယောက်နောက် ပြေးမလိုက်ပါနဲ့။ ကိုယ့်ကို ကျောခိုင်းသွားဖို့ သူဟာ ဆုံးဖြတ်ချက်ချပြီးသားလေ။ ဒါကိုခံစားချက်တွေဖုံးလွှမ်းလို့ မေ့မသွားပါနဲ့။

ကျောခိုင်းသွားသူက တချိန်မှာ တန်ဖိုးမရှိတဲ့စကားနဲ့ ပြောလာနိုင်ပါတယ်။ ဘာကြောင့် သူ့ကိုအတင်းမတားခဲ့တာလဲလို့။ ကျောခိုင်းထွက်သွားရအောင် သံယောဇဉ်ဆိုတာ ဘယ်သွားထားခဲ့သလဲလို့ ပြန်မေးလိုက်ပါ။ တကယ်ချစ်ခင်ကြင်နာပြီး သံယောဇဉ်တွေမြဲခဲ့ရင် ဒီလူကိုယ့်ကို ကျောခိုင်းထွက်သွားပါ့မလား။ အသစ်နဲ့ပျော်နေသူတစ်ယောက်ကို ခံစားချက်အဟောင်းတွေ ရင်မှာပိုက်ပြီး တမ်းတမနေပါနဲ့။ ဖြစ်နေတဲ့ဘဝမှာ ကိုယ့်ဘာသာ ပျော်အောင်ကြိုးစားလိုက်ပါ။ ရသစုံပေးတဲ့ဘဝမှာ မျက်ရည်တွေနဲ့အားငယ်မှုတွေပဲ ပိုက်မထားနဲ့လေ။ ညပြီးရင်နေ့ရောက်တာ သဘာဝမို့ ခံစားချက်တွေကို အားတင်းပြီး ကိုယ့်ဘဝကို တဆင့်ထက်တဆင့် မြင့်မားအောင် ကြိုးစားလိုက်ပါ။ မခံချင်စိတ်နဲ့ပဲဖြစ်ဖြစ် ၊ တိုးတက်လိုစိတ်နဲ့ပဲဖြစ်ဖြစ်ပေါ့။ ချောင်မှာထိုင်ငိုနေတာထက်တော့ သာမှာပါ။

မိသားစုမျက်နှာ ငဲ့မကြည့်သူအတွက် ပတ်ဝန်းကျင်မျက်နှာ ငဲ့ကြည့်မနေပါနဲ့။ ချီးမွမ်းခုနှစ်ရက် ၊ ကဲ့ရဲ့ ခုနှစ်ရက်မို့ ကိုယ့်ဘဝ ကိုယ်တိုင်တည်ဆောက်ရမှာပါ။ Broken Family မို့ ပြိုကွဲသွားတဲ့အိမ်ထောင်စုအတွက် ကလေးတွေ စိတ်အားငယ်ကောင်း ငယ်နိုင်ပါတယ်။ ကလေးတွေစာရိတ္တ စံပြအရွေးမမှားရအောင် ကလေးတွေအတွက် မတွေးတဲ့မိဘ သူ့လမ်းသူရွေးချယ်ပါစေ။ ကိုယ်က မိနေရာ ၊ ဖနေရာ နှစ်ခုပေါင်းလို့ တိုးချစ် ၊ တိုးပံ့ပိုးရုံပေါ့။ ပိုပင်ပန်းကောင်း ပင်ပန်းနိုင်တယ်။ သူကြောင့်နာကျင်ခံစားရမှုတွေ ပေါ့သွားမှာပါ။ တဖက်လပ်သွားတဲ့ မိဘနေရာကြောင့် ကလေးဟာ လစ်ဟာချက်တွေ ခံစားရကောင်း ခံစားရနိုင်ပေမယ့် ကလေးကို စိတ်ဒဏ်ရာတွေ ပေးတာထက်တော့ သာမှာပါ။ ဘာကြောင့် ဒီလိုဖြစ်ရတယ်ဆိုတာ တချိန်မှာ ကလေးနားလည်လာမှာပါ။

လောကမှာ သင်ယူလိုစိတ်ရှိရင် အရာရာသင်ယူလို့ရပါတယ်။ ပြောင်းလဲလိုစိတ်ရှိရင်လည်း ပြောင်းလဲလို့ရပါတယ်။ ကြိုးစားချင်စိတ်မရှိသူနဲ့ ဖောက်ပြန်တတ်သူတွေအတွက်တော့ ကုစားရာဆေးမရှိပါဘူး။ သူတို့ကိုယ်တိုင်က ပြောင်းလဲပစ်လိုက်မှပဲ ဖြစ်နိုင်မယ်လေ။ ကိုယ့်တန်ဖိုးမထားဘဲ ဖောက်ပြန်သူအတွက် ရင်နဲ့ရင်းပြီး ဘဝအချိန်ကုန်ခံ ခံစားမနေပါနဲ့။ သူဖောက်ပြန်တဲ့ မိန်းမတွေကိုလဲ လိုက်ရန်မရှာနဲ့။ အဓိက က ကိုယ့်လူလေ။ ကိုယ့်လူကိုယ်မနိုင်ရင် တပါးလူကို ဖိမမဲပါနဲ့။ သူတို့နှစ်ယောက်လုံးက လုပ်သင့် ၊ မလုပ်သင့်ဆိုတာတွေကို မခွဲခြားတတ်သူတွေပါ။ သူတို့နဲ့ ပတ်သက်နေသမျှ ကိုယ်ပါ မလုပ်သင့်တာတွေ လုပ်နေမိဦးမှာမို့ လုံးဝမပတ်သက်လေ ပိုကောင်းလေပါ။

ကိုယ့်လူလုသွားတာကို ရန်မလိုနဲ့။ ကိုယ့်လူ ကိုယ့်ဘက်ရှိနေရင် သူလုလဲ သူအရှက်ကွဲရုံပေါ့။ ကိုယ့်လူကိုယ့်ဘက် မြဲနေအောင် မဆွဲဆောင်ထားနိုင်ရင်တော့ ကိုယ့်လစ်ဟာချို့ယွင်းချက်လို့ မှတ်လိုက်ပါ။ တပါးသူ အပြစ်မြင်နေတာထက် ကိုယ့်အပြစ်လည်းပါတယ်လို့ မှတ်လိုက်ရင် ခံစားရပိုသက်သာလာလို့ ပြောတာပါ။ ကိုယ့်တန်ဖိုးမထားသူက ကိုယ့်တန်ဖိုးကို ဘယ်သိပါ့မလဲ။

မဖောက်ပြန်သေးသူတွေကို ဘယ်တော့ဖောက်ပြန်မလဲဆိုတဲ့ သံသယမျက်လုံးနဲ့မကြည့်ပါနဲ့။ ပစ္စည်းတစ်ခုကိုင်ကြည့်ရုံနဲ့ ကိုယ့်ကို ခိုးနိုး ခိုးနိုး စောင့်ကြည့်ခံရရင် ကိုယ့်စိတ်ထဲ ဘယ်လိုနေမလဲ။ မခံနိုင်တဲ့အဆုံးမှာ ရိုးသားတဲ့စိတ်ကလေးတောင် မခိုင်တဲ့အကျင့်သီလနဲ့ပေါင်းပြီး အရောင်ပြောင်းသွားနိုင်သလို မဖောက်ပြန်တဲ့သူက ကိုယ့်သံသယကြောင့် နီးစပ်သူနဲ့ ဖောက်ပြန်သွားနိုင်ပါတယ်။

မိမိ ချစ်ခင်ကြင်နာမှုကို အခါအားလျော်တိုင်း ပြသပါ။ ဝတ္တရားမှန်သမျှ ကျေပွန်ပါ။ လုပ်ကိုင်သမျှ စေတနာထားပါ။ မေတ္တာထားပြီး ကျိုးနွံပါ။ ဒီလိုအကောင်းဆုံး လုပ်ကိုင်ပေးနေရက်နဲ့ ကျောခိုင်းသွားရက်သူအတွက် ဝမ်းမနည်းနေပါနဲ့ ။ ကိုယ်နဲ့သူ မထိုက်ဖူးလို့ သဘောထားလိုက်ပါ။ သူကမြင့်လို့ မထိုက်တာထက် သူလိုယုတ်ညံ့တဲ့စိတ်ထားနဲ့ ကိုယ့်မေတ္တာ မထိုက်ဘူးလို့ သဘောထားလိုက်ပါ။

သူနဲ့ထိုက်တန်သူဆီ သူသွားတာမို့ ဘယ်သူ ၊ ဘာဆိုတာ အချိန်က သက်သေတည်သွားမယ်လေ။ ကိုယ်တိုင်က ကိုယ့်လမ်းကိုယ်ဆက်လျှောက်ဖို့ပဲ ရွေးချယ်ပါ။ တိုးတက်ချင်ရင် ကြိုးစားပါ။ အမြင့်ရောက်ချင်ရင် ဆက်လှမ်းတက်ပါ။ သူတို့တွေနဲ့ ယှဉ်ပြိုင်နေဖို့ထက် ကိုယ့်ဘဝအတွက် ကောင်းရာမွန်ရာ လုပ်ဆောင်ပါ။

သူ့ဘဝပျက်ပါစေလို့လည်း ကျိန်စာမတိုက်နဲ့။ သူ့ကျိန်စာတိုက်ဖို့ အဆိုးဆုံးစကားတွေ ကိုယ်ဆိုနေရဦးမယ်။ သူ့အရှက်ကွဲအောင်လည်း တမင်မလုပ်နဲ့။ သူများကိုအရှက်ခွဲရင်း ကိုယ်ပါအရှက်ကွဲတယ်။ တစ်ရှက်က နှစ်ရှက်မဖြစ်နဲ့လေ။

သူများစုပ်သပ်သံတွေဟာ သာယာစရာမကောင်းပါဘူး။ အားငယ်စိတ်တွေ အောင်းသွားနိုင်တယ်။ ဘဝမှာ စိတ်ထားတတ်ဖို့ပဲလိုတယ်။ စိတ်ထားမှန်ရင် လူမှန် ၊ နေရာမှန် မြဲမြံနေမှာပါ။ စိတ်မထားတတ်ရင် မှားတတ်တယ်။ မှားယွင်းတဲ့ခံစားချက်တွေနဲ့ မှားယွင်းတဲ့လုပ်ကိုင်မှုတွေက မှားယွင်းတဲ့ဘဝကို ဦးဆောင်သွားတယ်။

ကိုယ့်ကိုကျောခိုင်းသွားသူရဲ့ကျောပြင်ကို နောက်ဆုံးအကြိမ်အဖြစ် စွဲစွဲမြဲမြဲ မှတ်မိအောင်ကြည့်ပါ။ ဒီကျောပြင်ဟာ ကိုယ့်ကိုတင် ကျောခိုင်းသွားတာမဟုတ်ပါဘူး။ ကိုယ့်ခံစားမှုကို ကျောခိုင်းသွားခဲ့တာ ၊ ကိုယ့်မေတ္တာကို ကျောခိုင်းသွားခဲ့တာ ၊ ကိုယ့်စေတနာကို ကျောခိုင်းသွားခဲ့တာ ၊ ကတိသစ္စာတွေကို ကျော်ခိုင်းသွားခဲ့တာ ၊ တူနှစ်ကိုယ်လို့ ရည်စူးထားတဲ့ အနာဂါတ်ကို ကျောခိုင်းသွားခဲ့တာ ၊ မိသားစုများရှိခဲ့ရင် ကိုယ်တွေမိသားစုနဲ့ ခံစားချက်ဟူသမျှကို ကျောခိုင်းသွားခဲ့တာဖြစ်ပါတယ်။

နောင်တချိန် သူပြန်လာခဲ့ရင်တောင် နောက်တကြိမ် ထပ်ကျောခိုင်းနိုင်သေးတယ်လို့ သတိရပါ။ ဖောက်ပြန်တတ်တဲ့သူဟာ ဖောက်ပြန်ခြင်းမှာ ပျော်မွေ့နေပြီလေ။ သူ့အမှားသိလို့ အမှန်ပြင်ပါပြီဆိုတဲ့တိုင် ထပ်ခါထပ်ခါ မှားတတ်သူတွေက အမှားမှာ ပျော်မွေ့နေတာမို့ သတိထား မမှားဘူးပေ့ါ။ ပြန်လက်ခံတာ ၊ ပြန်ပေါင်းတာ ကိုယ့်ဆုံးဖြတ်ချက်လေ။ ထပ်ခါထပ်ခါ မခံစားစေချင်တာလည်း ကျွန်မစေတနာဖြစ်ပါတယ်။ ကျန်ခဲ့ရသူတိုင်း ပျော်မွေ့တဲ့ဘဝကို ပိုင်ဆိုင်နိုင်ကြပါစေ။

ရတု (Burmesehearts.com)