တပြည်ရောက် ရန်ကုန်သူမြန်မာမလေး

တိုးတက်တဲ့နေရာမှာ တိုးတက်တဲ့အနေအထားအလျောက် ဒီအဆင့်အတန်းကို အမီလိုက်နိုင်ဖို့ လှုပ်ရှားရုန်းကန်ကြရတာပါ။ တောသားမြို့ရောက်ဆိုတဲ့စကားလို မဖွံ့ဖြိုးသေးတဲ့နေရာကနေ တိုးတက်ဖွံ့ဖြိုးတဲ့နေရာကို ရောက်လာတဲ့သူတွေဟာ မမြင်ဖူးတာတွေ ၊ မတွေ့ဖူးတာတွေ ၊ မခံစားဖူးတာတွေမှာ နည်းမှန်လမ်းမှန် နေထိုင်သုံးစွဲရမယ်ဆိုတာမသိဘဲ ယစ်မူးတတ်ကြပါတယ်။ အထူးသဖြင့် လှချင်ပချင်တဲ့မိန်းကလေးတွေဖြစ်ပါတယ်။

မိန်းကလေးတွေလို့ဆိုထားတဲ့အတွက် တောကမိန်းကလေး ၊ မြို့ကမိန်းကလေး ၊ တောင်ပေါ်ကမိန်းကလေး ၊ မြေပြန့်ကမိန်းကလေး ဘယ်သူမဆို လှချင်ပချင်တဲ့မိန်းကလေးတွေ တိုးတက်ခေတ်မီတဲ့ မြို့ကြီးပြကြီး ၊ နိုင်ငံကြီးလို နေရာမျိုး ရောက်သွားတဲ့အခါ နဂိုရှိနေတဲ့ လှချင်ပချင်စိတ်ကလေးကြောင့် မဝတ်ဖူးတဲ့အဝတ်တွေ ၊ မသုံးဖူးတဲ့အသုံးအဆောင်တွေ ၊ ဒီနေရာနဲ့ အဆင့်အတန်းမီအောင် လှုပ်ရှားရုန်းကန်လုပ်ကိုင်ကြရတဲ့ အခြေအနေတွေကြောင့် စိတ်ဖိစီးမှုဒဏ်မခံနိုင်တဲ့အဆုံး လမ်းမှားရောက်သွားတတ်ကြပါတယ်။

ဘယ်သူမှ အမြဲတမ်းမမှန်ဘူးလေ။ မှားတတ်ကြတဲ့သဘာဝရှိတဲ့အလျောက် မှားတာကို အပြစ်လုပ် မဆိုချင်ပေမယ့် ဒီလမ်းမှားကနေ လမ်းမှန်ကို ပြန်တည့်မတ်နိုင်အောင် ဘယ်လိုစိတ်ထားမျိုးနဲ့ လုပ်ကိုင်သွားတယ်ဆိုတာက ဒီလူရဲ့ခံယူချက် ၊ စိတ်နေစိတ်ထားနဲ့ လုပ်ဆောင်မှုတွေက သက်သေပြနေပါတယ်။ တိုးတက်တဲ့နေရာဌာနတွေကို ရောက်ရှိသွားတဲ့ လှပချင်စိတ်ကြီးစိုးသော မိန်းကလေးအများစုဟာ (အထူးသဖြင့် ငယ်ရွယ်နုနယ်သေးတဲ့ မိန်းကလေးတွေ) ပျက်စီးတတ်ကြပါတယ်။ စိတ်ဓါတ်ပျက်စီးလို့ လူရောအိနြေ္ဒသိက္ခာပါ ပျက်စီးသွားခဲ့ရတာပါ။

ဒါပေမယ့် တချို့တွေကျတော့ မဖြစ်လို့ဆိုတဲ့ အခြေအနေမှာ ဒီလိုမျိုး လှုပ်ရှားရုန်းကန်နေရပေမယ့် ကောင်းမွန်တဲ့ အခွင့်အရေးဆိုတာကို လုပ်ယူတယ် ။ တတ်နိုင်သမျှရုန်းထွက်တယ်။ ရုန်းထွက်လိုစိတ်ပြင်းထန်မှလည်း ရုန်းထွက်ဖြစ်တာပါ။ လုံးဝရုန်းထွက်သွားနိုင်ပြီဆိုရင်တော့ လမ်းမှန်ကိုရောက်ရှိပြီပေါ့။ တနယ်တကျေးမှာပျက်စီးလည်း ဘယ်သူသိတာမှတ်လို့ဆိုတဲ့စိတ်တွေနဲ့ စိတ်ထင်တိုင်း ပျက်စီးနေခဲ့ပြီး ကိုယ့်ရပ်ဌာနေပြန်တော့ ရိုးသားကြီးပွားသွားတဲ့ မိန်းမပျိုလေးတစ်ယောက်လို ပြန်တတ်ကြတာလည်း တွေ့ဖူးတယ်။ ဘယ်သူမှမသိဘူးလို့ခံယူထားပေမယ့် ကိုယ့်ကိုယ်ကို အသိဆုံးဖြစ်တယ်လေ။ အဲဒါတော့လိမ်မရဘူး။ ကိုယ့်စိတ်ကကိုယ့်ကို ခြောက်လှန့်တိုက်ခိုက်နေတာ အဆိုးဆုံးပဲ။

ပြည်ပရောက်မှ စိတ်ဓါတ်ရော သိက္ခာပါ ပျက်စီးသွားတဲ့ မိန်းကလေးတွေကို တွေ့ဖူးပေမယ့် ကျွန်မစိတ်ထဲ စွဲစွဲမြဲမြဲမှတ်မိနေတဲ့ အမျိုးကောင်းသမီးလေး (တပြည်ရောက် ရန်ကုန်သူမြန်မာမလေး) အကြောင်းကို မိန်းကလေးတွေရဲ့ စိတ်ဓါတ်ပဲ့ကိုင်နိုင်မှု အရည်အချင်းအလို့ငှါ မျှဝေလိုက်ပါတယ်။ နာမည်ရင်းမသုံးချင်လို့ သူမနာမည်ကို နှင်းပွင့်လို့ပဲ အမည်ပေးကြပါစို့။

ဖြူဖြူချောချောလေး နှင်းပွင့်က ရန်ကုန်ကနေပြီး စင်္ကာပူနိုင်ငံမှာ ပညာလာသင်တဲ့မိန်းကလေးပါ။ နှင်းပွင့်ရဲ့မိသားစုက အဆင်းရဲကြီးမဟုတ်သလို မချမ်းသာပါဘူး။ တမိသားစုလုံးမှာ မုဆိုးမမိခင်နဲ့ နှင်းပွင့်နှစ်ယောက်တည်းရှိပြီး အိမ်မှာရှိသမျှ အဖိုးတန်ပစ္စည်းမှန်သမျှကိုထုတ်ရောင်း ၊ မလောက်လို့ လိုတဲ့ငွေတွေကိုချေးငှါးပြီးမှ ရေရှည်ဘဝအရေးအတွက် စွန့်စားပြီး စင်္ကာပူနိုင်ငံမှာ ကျောင်းတက်ဟန်ပြပြီး ကောင်းမွန်တဲ့ အလုပ်အကိုင်အခွင့်အရေးကို လာရှာသူတစ်ယောက်ပါ။ နှင်းပွင့်က မြန်မာနိုင်ငံက ဟိုတယ်ကြီးတစ်ခုမှာ ဧည့်ကြိုတာဝန်ကို နှစ်ရှည်ကောင်းကောင်းလုပ်ခဲ့ဖူးသူပါ။

စင်္ကာပူရောက်တော့ ကျောင်းစားရိတ်သွင်းပြီးပေမယ့် ကုန်ကျဖို့ရှိနေသေးတဲ့ လစဉ် နေစားရိတ် ၊ စားစရိတ် ၊ ခရီးစရိတ်တွေပါ သူမအိမ်က မပို့ပေးနိုင်ပါဘူး။ သူမက ချေးငှါးလာခဲ့တဲ့ငွေတွေပြန်ဆပ်ဖို့ ၊ အတိုးတွေပြန်ဆပ်ဖို့ ၊ မိခင်ရဲ့ စားဝတ်နေရေးအဆင်ပြေအောင် ပံ့ပိုးဖို့ဆိုတဲ့တာဝန်အကြီးကြီး ထမ်းထားရသူပါ။ ဒီတော့ စင်္ကာပူရောက်လို့ ကျောင်းသားကဒ်ရပြီဆိုတာနဲ့ သတင်းစာတွေကနေ အလုပ်စလျှောက်တော့တာပဲ။

အဲဒီခေတ်တုန်းက စင်္ကာပူနိုင်ငံမှာ ကျောင်းသားတွေအလုပ်လုပ်မယ်ဆို  အစိုးရကျောင်းက ကျောင်းသားတွေ ၊ အစိုးရတဝက် ပုဂ္ဂလိကတဝက်ပိုင်ဆိုင်တဲ့ ကျောင်းသား ၊ ကျောင်းသူတွေကိုပဲ ကန့်သတ်အချိန်နဲ့ အလုပ်လုပ်ခွင့်ပေးတာပါ။ ဒါတောင်မှ နိုင်ငံသားတွေနဲ့ အမြဲတမ်းနေထိုင်ခွင့်ရသူတွေကိုပဲ ဦးစားပေးတာပါ။ ကျန်တဲ့အလုပ်တွေ လုပ်မယ်ဆို အလုပ်ရှင် နဲ့ အလုပ်သမား နားလည်မှုယူပြီး ခိုးလုပ်ရတဲ့သဘောပါ။ မတော်လို့ ရဲစစ်တဲ့အချိန်နဲ့မိသွားခဲ့ရင် ကိုယ့်ကျောင်းသားကဒ် အသိမ်းခံရနိုင်ပါတယ်။ ပုဂ္ဂလိကကျောင်းမှာ ခြောက်လတာသင်တန်းပဲလာတက်တဲ့ နှင်းပွင့်ဟာ အဆင်ပြေမယ်ထင်ရာ အလုပ်တွေလျှောက်ရင်းနဲ့ PUB မှာ Customer Service အတွက် မိန်းကလေးလိုတယ်ဆိုတဲ့ အလုပ်ခေါ်စာကိုလည်း လျှောက်မိတယ်။ စင်္ကာပူရောက်တဲ့နေ့ကနေ တပတ်အတွင်းမှာလို အဲဒီPUB မှာ နှင်းပွင့် အချိန်ပိုင်းအလုပ်သမားအနေနဲ့ အလုပ်ရခဲ့တယ်။

မြန်မာနိုင်ငံမှာ ညဘက်(၁၂)နာရီအထိ အလုပ်ဆင်းခဲ့ရတဲ့နှင်းပွင့်ဟာ ဟိုတယ်ကကားနဲ့ပဲ ပြန်လေ့ရှိပြီး ကလပ်ဆိုတာလည်းမရောက်ဖူး ၊ ညဘဝဆိုတာတွေကိုလည်း မကြုံဖူးတဲ့ မိန်းကလေးတစ်ယောက်ပါ။ ဒီတော့ နိုင်ငံခြား PUB က Customer Service အလုပ်ဆိုတာကိုလည်း မြန်မာနိုင်ငံမှာ ဧည့်ကြိုလုပ်ခဲ့သလိုပဲလုပ်ရမယ်လို့ ခပ်ရိုးရိုးတွေးပြီး လုပ်ကိုင်ခဲ့တာပါ။ ဒီ PUB မှာ သောကြာ ၊ စနေ ၊ တနင်္ဂနွေ တပတ်သုံးရက် တရက် စင်္ကာပူဒေါ်လာ(၅၀) နှုန်းနဲ့ ဆင်းပေးပြီး ဧည့်သည်ကို PUB က အရက်တွေ ၊ ဘီယာတွေ မှာယူသောက်ဖို့ ဆွဲဆောင်နိုင်မယ်ဆို တခွက်ကို စင်္ကာပူဒေါ်လာ(၅)ဒေါ်လာ ကော်မရှင်ရပါတယ်။ အလုပ်ချိန်က ည(၉)နာရီစပြီး PUB ပိတ်တဲ့အချိန် မနက်(၃)နာရီဝန်းကျင်လောက်အထိ ဖြစ်ပါတယ်။

PUB ဆိုတဲ့သဘောကို အလုပ်လုပ်တော့မှ နှင်းပွင့်စသိလိုက်ရတာက သူမလုပ်တာ ဧည့်ကြိုအလုပ်တင်မဟုတ်ဘဲ မူးမူးရူးရူးနဲ့ တောင်ကိုင် ၊ မြောက်ကိုင် ၊ လူကို ညအိပ်ဖော်ဟုတ်လိုဟုတ်ငြား စမ်းသူတွေတွေ့လာရတော့တာပဲ။ အလုပ်ကိုက ဧည့်သည့်တွေကြိုရင်း အရက်သောက်ဖို့ ဆွယ်ရတဲ့အလုပ်မို့ အမူးသမားတွေနဲ့ချည်း ဆက်ဆံရတာပါ။ တခါတလေ တညတည်းမှာတင် ဧည့်သည်ပေးတဲ့မုန့်ဖိုးအပါအဝင် ဒေါ်လာ နှစ်ရာ ၊ သုံးရာအထိ ဝင်ငွေရှိပေမယ့် မိန်းမကောင်းလေးမို့ ဒီအလုပ်မှာ မမွေ့လျော်ပါဘူး။

တချို့ဧည့်သည်တွေဆိုရင် အမူးလွန်ပြီး သူမကို သူ့ကားနဲ့လိုက်ပို့ခွင့်ရမှ ဆိုင်ပိတ်ရမယ်လို့ ရစ်ပြီးမပြန်တဲ့သူတွေ ၊ သောင်းကျန်းသူတွေအထိ ရှိခဲ့တယ်လို့ နှင်းပွင့်ကပြောပါတယ်။ အမူးသမား ၊ အကြမ်းသမားတွေကို ပြန်ကြမ်းလို့မရတာမို့ အဲလိုအချိန်တွေမှာ သူမက နောက်နေ့တော့ လိုက်ပါ့မယ် ၊ ဒီနေ့တော့ ကိုယ့်ဘာသာကိုယ် အိမ်ပြန်လိုက်ပါလို့ ချော့လွှတ်ခဲ့ရတယ်တဲ့။ သူမကတော့ အလုပ်ပြန်ချိန်တိုင်း အလုပ်ကလိုက်ပို့တဲ့ကားနဲ့ပဲ အိမ်ပြန်မြဲပြန်ဆဲပါ။

တနင်္ဂနွေလို ညမျိုးမှာအလုပ်ဆင်းရင် မနက် (၄)နာရီကျော်ကျော်မှ အိမ်ပြန်ရောက်တဲ့နှင်းပွင့်ဟာ မနက်(၉)နာရီတက်ရမယ့်ကျောင်းချိန်အမီရောက်ဖို့ (၇)နာရီခွဲလောက်ကတည်းက ရေမိုးချိုးပြင်ဆင်သွားရတဲ့အခါ ရထားပေါ်မှာ မတ်တပ်ရပ်ရင်း အိပ်ပျော်သွားတဲ့အထိ ပင်ပန်းတဲ့နေ့တွေကို သည်းခံပြီး တဖက်ကလည်း ဒီအလုပ်ကရုန်းထွက်ဖို့ကြိုးစားပါတယ်။

မင်္ဂလာဆောင်ပွဲတွေမှာ အချိန်ပိုင်းစားပွဲထိုးအဖြစ် တနာရီ စင်္ကာပူဒေါ်လာ(၅)ဒေါ်လာနှုန်း ၊ တညငါးနာရီကနေ အလုပ်များချိန်ဆို (၁၀)နာရီအထိ ဆင်းရတဲ့အလုပ်ကို အတန်တန် လျှောက်ထားပြောဆိုပြီးမှ နှင်းပွင့်ရခဲ့ပါတယ်။ ဒီအလုပ်က လုပ်ဖို့ပေါ်လာမှ ဖုန်းဆက်ခေါ်တာမို့ တပတ်ဘယ်နှစ်ရက်လုပ်ရမယ်ဆိုတာ မသေချာသလို အများအားဖြင့် (၅)နာရီပဲဆင်းရတာမို့ သူမနေစားရိတ် ၊ စားစရိတ် ၊ အကြွေးတွေပြန်ဆပ်ဖို့နဲ့ အမေ့ဆီပို့ဖို့အတွက်တော့ အဆင်မပြေလှတဲ့အလုပ်ပါ။

ဒီတော့ PUB မှာ အလုပ်ဆက်လုပ်ရင်း ငွေစုတယ် ၊ အချိန်ပိုင်းစားပွဲထိုးအလုပ်ကိုလည်း ကြိုးစားပမ်းစားလုပ်ရင်း နာမည်ကောင်းရဖို့ကြိုးစားတယ်။ သူမရဲ့ကြိုးစားမှုနဲ့ ရိုးသားမှုတွေကြောင့် ဟိုတယ်မန်နေဂျာအချို့က အေးဂျင့်ကို သူမနာမည်နဲ့ခေါ်လာတဲ့အထိ သူမဟာ အချိန်ပိုင်းစားပွဲထိုးအလုပ်မှာ နာမည်ကောင်းရခဲ့ပါတယ်။ အဲဒီကနေတဆင့် သူမဟာ စင်္ကာပူနိုင်ငံက ဟိုတယ်ကြီးတခုမှာ အမြဲတမ်းဝန်ထမ်းအဖြစ် ခန့်အပ်ခြင်းခံရတယ်။ ခုဆို တော်တော် ရာထူးကြီးနေလောက်ပါပြီ။

နှင်းပွင့်သာ တပတ်သုံးညဆင်းရုံနဲ့ အနည်းဆုံး ရှစ်ရာ ၊ ကိုးရာ အလွယ်တကူဝင်နေတဲ့ PUB မှာ ဆက်လုပ်နေမယ်ဆိုရင် ၊ မရေရာဘဲ ပင်ပန်းလှတဲ့ အချိန်ပိုင်းစားပွဲထိုးအလုပ်ကို ကြိုးကြိုးစားစားမလုပ်ခဲ့ဘူးဆိုရင် သူမဟာ ဘာဆက်ဖြစ်မှာလဲတွေးစရာမလိုတော့အောင် လမ်းမှားရောက်သွားတော့မှာပေါ့။ အခုဆိုရင် သူမဟာ ရိုးရိုးသားသားနဲ့ ကြိုးစားလိုစိတ်ရှိတဲ့ မြန်မာမိန်းကလေးတွေနဲ့ တွေ့ကြုံတဲ့အခါမှာ သူမအသိအကျွမ်းတွေရဲ့ အလုပ်မှာသွင်းပေးတာမျိုး ၊ သူမလုပ်နေတဲ့ဟိုတယ်မှာ နေရာလွတ်တွေရှိရင် ထောက်ခံမှုပေးပြီး သွင်းပေးတာမျိုးတွေနဲ့ ရိုးသားတဲ့ ပြည်ပရောက် မြန်မာမလေးတွေကို လမ်းမှားမရောက်ဖို့ တတ်နိုင်သမျှ ကူညီနေသူပါ။

ရည်းစားတောင်မထားခဲ့ဖူးတဲ့ နှင်းပွင့် PUB မှာကြုံရတဲ့အနေအထားဟာ စက်ဆုပ်ဖွယ်ငရဲတခုပါပဲတဲ့။ သူမဟာ ဒါကိုစက်ဆုပ်ရွံရှာပေမယ့် အနေအထားတခုအရ သတိကြီးကြီးဆက်လုပ်ရင်း ငါလုပ်ချင်တာ ဒီအလုပ်မျိုးမဟုတ်ဘူးလို့ ကိုယ့်ကိုယ်ကို အမြဲသတိပေးနေခဲ့ပါတယ်တဲ့။ ရလာတဲ့ငွေတွေကို အိမ်ပြန်ပို့တိုင်း ငါ့သိက္ခာနဲ့လဲရတဲ့ငွေတွေဆိုပြီး ဒီငွေတွေအပေါ် အရမ်းတန်ဖိုးထားတဲ့အတွက် ဝတ်စား ၊ ပျော်ပါးတာမျိုးမရှိဘဲ အပေါဆုံးနေအိမ်မှာ တခန်းတည်း (ထမင်း ၊ ဟင်းချက်ခွင့်မရှိ)ငှါးနေသူမို့ စမူဆာလေးနဲ့ မနက် ၊ ညစာတွေ အလွယ်တကူ ရေနဲ့မျောချစားခဲ့ပါတယ်တဲ့။ ဟိုတယ်မှာ အချိန်ပိုင်းစားပွဲထိုးအလုပ်ရတော့ တနေကုန် မြေပဲလှော်လေး ၊ ရေလေးပဲသောက်ပြီး အစာခံခဲ့တဲ့သူမဟာ ဟိုတယ်ရောက်မှ အတိုးချစားပြီး ချွေတာခဲ့တယ်လို့လည်း ကျွန်မကို ပြောခဲ့ဖူးပါတယ်။

အခြေအနေ ၊ အကြောင်းကြောင်းကြောင့် နှင်းပွင့်လို တန်ဖိုးရှိတဲ့မိန်းကလေးမျိုးတွေလည်း PUB မှာ ၊ ကလပ်မှာ လုပ်ကိုင်နေနိုင်တာမို့ အဲဒီက အမျိုးသမီးတိုင်းဟာ စာရိတ္တပျက်ပြားနေတဲ့ အမျိုးသမီးတွေလို့ သိမ်းကျုံးစွပ်စွဲလို့မရပါဘူး။ အဓိက က လူတစ်ဦးချင်းစီရဲ့ ခံယူချက် ၊ စိတ်ဓါတ်နဲ့ စဉ်ဆက်မပြတ် လုပ်ကိုင်ဆောင်ရွက်မှုပါပဲ။ ဆန္ဒရှိရင် နည်းလမ်းတော့ရှိပါတယ်။ မဆုတ်မနစ် ကြိုးစားလုပ်ကိုင်သွားဖို့ပဲလိုတာပါ။ ကိုယ်နဲ့ထိုက်တန်နဲ့နေရာကို ကိုယ့်အရည်အချင်းနဲ့ ကိုယ်တိုင်လုပ်ယူရရှိတဲ့ပီတိဟာ အပြောင်မြောက်ဆုံးသော အောင်မြင်မှုကို ခံစားခြင်းပဲပေါ့။

ရတု (Burmesehearts.com)