ကျောင်းနေအရွယ် ကလေးငယ်ငယ်

လူကြီးတွေကို သင်တာနဲ့ ကလေးတွေကိုသင်တာ ဘယ်ဟာပိုခက်သလဲလို့မေးရင် ကလေးကိုသင်တဲ့သူတွေက ကလေးသင်ရတာပိုခက်တယ်ပြောမှာဖြစ်သလို လူကြီးသင်ရသူတွေက လူကြီးသင်ရတာပိုခက်တယ်လို့ပြောကြမှာပါ။ ကလေးသင်တဲ့အခါ ကလေးဟာ ချော့လွယ် ၊ ခြောက်လွယ်မို့ ကလေးကိုသင်ရတာပိုလွယ်တယ်လို့ ဆိုကြတာပါ။ လူကြီးတွေကျတော့ နားလည်နေပြီးသားအရွယ်ဖြစ်နေတာမို့ ကလေးတွေလောက် အာပေါက်အောင်မသင်ရတဲ့အတွက် လူကြီးသင်ရတာ ပိုလွယ်တယ်လို့ ပြောကြတာပါ။ တကယ်က သင်တတ်ရင် ဘယ်သူ့သင်သင်လွယ်ပါတယ်။

လူကြီးအရွယ်ဆိုတာ ငွေတန်ဖိုးနားလည်တဲ့ အရွယ်ရောက်လာလေလေ ကိုယ့်ရဲ့အချိန်တွေ ၊ ငွေတွေရင်းပြီး လာတက်ရတဲ့သင်တန်းကို သူတို့အတွက် အရေးကြီးရင် ကြီးသလောက် ကြိုးစားအားထုတ်မှုမျိုး ရှိကြပါတယ်။ လူကြီးတွေကို မတတ်ရကောင်းရဲ့ မာန်မဲဆုံးမလို့မရတာမို့ ဆရာ ၊ ဆရာမတွေက သူတို့တတ်ချင်ရင် သူတို့ပိုတန်ဖိုးထားကြိုးစားကြမယ်လို့ ကြပ်မတ်မှု လွှတ်ပေးတတ်ကြပါတယ်။ ဒါကြောင့် လူကြီးတွေသင်ယူတဲ့ သင်တန်းတွေမှာ အတန်းပြီးရင် တတန်းလုံး ဒီပညာတတ်မြောက် နားလည်သွားလိမ့်မယ် ၊ ဒီပညာနဲ့ ရပ်တည်နိုင်ကြလိမ့်မယ်လို့ တထစ်ချတွက်ထားလို့မရပါဘူး။ ဒီသင်တန်းထဲ ကြိုးစားသူတွေမှပဲ ထူးချွန်လာမှာပါ။ သူတို့ရဲ့ကြိုးစားချင်စိတ်နဲ့ ကြိုးစားအားထုတ်မှုဟာ သူတို့ကိုယ်တိုင်လုပ်ယူမှပဲ ရတာပါ။

ကလေးတွေကျတော့ ဒီလိုမဟုတ်ဘူး။ ကလေးတွေကို သင်တဲ့အခါ တတန်းလုံးအတိုင်းအတာနဲ့ နားလည်တတ်မြောက်အောင် သင်ကြားတတ်ဖို့လိုပါတယ်။ ဒါမှသူတို့ဟာ ဒီအတန်းကစာတွေကို ကျေညက်နားလည်ပြီး နောက်တတန်းကိုဆက်တက်ရင် အခက်အခဲမရှိမှာဖြစ်ပါတယ်။ ကလေးကို မသင်တတ်တဲ့သူနဲ့ သင်တတ်တဲ့သူဆိုတာ ဒီမှာကွာသွားပါတယ်။

ကလေးကို မသင်တတ်တဲ့သူက ကလေးငြိမ်ငြိမ်ကလေးနဲ့သင်နေတာကို နားထောင်မှ ကလေးစာတတ်တယ်လို့ ထင်ကြပါတယ်။ ဒါကြောင့် သူတို့ဟာ ကလေးကို ခြေမလှုပ် ၊ လက်မလှုပ် ဖြစ်နိုင်ရင် နားရွက်ပါမလှုပ်ဘဲ သင်တာကိုနားထောင် ၊ ရွတ်ခိုင်းတာတွေလိုက်ရွတ် ၊ ကျက်ခိုင်းတာတွေ အလွတ်ကျက် ၊ နှုတ်က အလွတ် ပြန်ရွတ်ပြနိုင်ရင် ကလေးတတ်သွားပြီ။ စာရွက်ပေါ်မှာ အလွတ်ဖြေနိုင်ရင် အောင်ပြီပေါ့။ ကျက်ဖြေစနစ်နဲ့ နှုတ်တိုက်သင်တာတွေကြောင့် တကယ့်ဆိုလိုရင်းအဓိပ္ပါယ် ကလေးရဲ့ဦးနှောက်ထဲ ရောက် ၊ မရောက် သူတို့မစဉ်းစားကြတော့ဘူး။

ကလေးရဲ့ ဦးနှောက်ထဲမှာ သဘောတရားဆိုတာကို နားမလည်ရင် မေ့လွယ် ၊ ပျောက်လွယ် ကလေးဦးနှောက်ဟာ နားလည်မှုကို အခြေမခံတာမို့ သင်ပြီးနောက်မကြာခင် မေ့သွားပြီး ဒါဟာ ဘာကြောင့်ဖြစ်ရတယ်ဆိုတာကို မသိဘဲ စာမေးပွဲမကျအောင် ၊ အမှတ်တွေ အဆင့်တွေတက်အောင် နှုတ်တိုက်ရွတ် ၊ ခေါင်းထဲအသေမှတ်ပြီး စာမေးပွဲခန်းထဲကထွက်လာရင် ဒီဘာသာကို ခေါင်းထဲကထုတ် နောက်ဘာသာကို နောက်ထပ်အလွတ်ကျက်မှတ်လို့ စာမေးပွဲခန်းထဲကမေးခွန်းတွေ အလွတ်ဖြေနိုင်ဖို့ ကြိုးစားကြရပါတယ်။

အလွတ်ကျက်ဖြေတဲ့ကလေးတွေ ပညာသင်နှစ် တတန်းပြီးတတန်းလွန်မြောက်လို့ တက္ကသိုလ်ကဘွဲ့သာရရှိသွားတယ်။ တကယ်လုပ်ငန်းခွင်ထဲရောက်လာရင် တဘဝလုံး ကိုယ်ကြိုးစားခဲ့တာတွေဟာ ကျက်ဖြေခဲ့တာတွေဖြစ်နေတော့ တကယ်သဘောပေါက်နားလည်တာတွေ မရှိဘူး။ ဒီတော့ လုပ်ငန်းခွင်ဝင်ရင် အခြေခံကနေ စပြန်လေ့လာရင် ကိုယ်အလွတ်ကျက်ခဲ့တဲ့စာတွေနဲ့ ပြန်ဆက်စပ်ကြည့်ရတာမျိုးပါ။ အဲဒီအချိန် သူတို့ကျက်ခဲ့ဖူးတဲ့ ပထဝီ ၊ သမိုင်း ၊ ဘောဂ ၊ ဇီဝနဲ့ သီအိုရီအထွေထွေ စတာတွေကို ပြန်မေးကြည့် လာမေးတဲ့သူ အရူးလားလို့ အများစုကတွေးကြမယ်။ ဘာဖြစ်လို့လဲဆိုရင် အများစုက ကျက်ဖြေခဲ့ကြတာမို့ သူတို့ဦးနှောက်ထဲမှာ စွဲစွဲမြဲမြဲ သဘောပေါက်နားလည်ပြီး မှတ်မိနေကြတာမျိုး မဟုတ်လို့ပါ။ အဲဒါကျွန်မအပါအဝင်ပါ။

တကယ်သင်တတ်တဲ့ဆရာဆိုတာကို ကျွန်မအသက်(၁၉)နှစ်လောက်မှာ စတင်ကြုံတွေ့ခဲ့ရတယ်။ သူတို့က အရှင်းဆုံးသဘောတရားကို အရိုးဆုံးသော သင်ပုံသင်နည်းနဲ့ သင်ကြတာ။ အဲဒီလိုဆရာ ၊ ဆရာမသင်တဲ့ ပညာရပ်ဟာ နှစ်တွေဘယ်လောက်ကြာသွားပစေ သူသင်ခဲ့တဲ့စာတွေနဲ့ သဘောတရားဆိုတာကို ဦးနှောက်ထဲစွဲစွဲမြဲမြဲမှတ်မိနေတယ်။ ဒီဟာလေးကို ဒီဆရာမက ဒီလိုလေးသင်ပြ ၊ ပြောပြခဲ့တာလို့ ဟန်အမူအရာလေးနဲ့တကွ စွဲစွဲမြဲမြဲမှတ်မိနေခဲ့တယ်။ ထူးခြားတာက အဲဒီဘာသာရပ်ကို ကျွန်မအလွတ်မကျက်ခဲ့ရဘဲနဲ့ မှတ်မိနေခဲ့တာပါ။ အဲဒီကတည်းက သင်မှန်းမသိဘဲ စွဲစွဲမြဲမြဲ မှတ်မိနေစေမယ့် သင်နည်းတွေကို ကျွန်မစိတ်ဝင်တစား လေ့လာခဲ့တယ်။

ဒီကနေတဆင့် လူတွေရဲ့စိတ်အခြေခံကိုမူတည်ပြီး သင်ပြပေးနိုင်ရင် ပိုသိလွယ် ၊ တတ်လွယ် ၊ မှတ်မိလွယ်တယ်ဆိုတာကိုလည်း နားလည်သဘောပေါက်ခဲ့တယ်။ တတန်းထဲမှာ ဒီဆရာမပဲသင်ကြားလိုက်ပေမယ့် ဒီကျောင်းသားဟာတော်ပြီး ဟိုကျောင်းသားဟာ ရှော်နေတယ်ဆိုတာ သူတို့ရဲ့စိတ်အခြေခံနဲ့ သဘာဝအခြေအနေတွေကို နားလည်သဘောပေါက်ပြီး သူတို့နဲ့ လိုက်လျောညီထွေသော သင်ကြားနည်းတွေနဲ့ သင်ပေးတတ်ရမယ်ဆိုတာကို ကျွန်မ ပိုနားလည်လာခဲ့တယ်။ ဒီကတဆင့်မှာ ကလေးတွေကို ဘယ်လိုသင်ကြားရမလဲဆိုတာ ပိုပြီး ထဲထဲဝင်ဝင်လေ့လာခဲ့ပါတယ်။

ကလေးအရွယ် အခုံမင်ဆုံးဟာ ကစားနည်းတွေပါ။ ကျောင်းနေစနဲ့ စတင်သင်ယူမှတ်သားစ ကလေးငယ်လေးတွေကို ကစားရင်း သင်ပြပေးနိုင်ရင် အကောင်းဆုံးဖြစ်ပါတယ်။ သူတို့ကို စွဲဆောင်မှုအရှိဆုံး သင်ကြားနည်းဟာ ကစားရင်းသင်တာပါ။ ဒါက သင်မှန်းမသိဘဲ သင်လိုက်တဲ့နည်းပေ့ါ။ အမှတ်မိဆုံးသင်ကြားနည်းကတော့ သူတို့ရဲ့စူးစမ်းစိတ်ကို နှိုးဆွပြီး သူတို့ရဲ့စိတ်ဝင်စားစူးစမ်းမှုနဲ့ သူတို့ကိုယ်တိုင် အဖြေရှာတဲ့နည်းပါ။ သူတို့ကိုယ်တိုင် ရရှိလာတဲ့ အဖြေဖြစ်တာမို့ မှားသွားရင် ဘာကြောင့်မှားသွားခဲ့တယ်ဆိုတာလည်း စွဲနေတယ်။ မှန်သွားခဲ့ရင်လည်း ဒီနည်းဟာ စွဲနေပါတယ်။

သူတို့အရည်အချင်းကို ဖော်ထုတ်စေတဲ့နည်းနဲ့လည်း သင်တတ်ရပါမယ်။ ဒါကတော့ သူတို့ကို သူတို့ရဲ့ အထင်အမြင် ၊ ယူဆချက်တွေ ၊ သုံးသပ်မှုတွေကို ထုတ်ဖော်ပြောဆိုခွင့်ပြုရမယ်။ ရှက်တတ်တဲ့ကလေးတွေဆိုရင်လည်း သူတို့စိတ်ထဲဖြစ်ပေါ်နေတဲ့ အထင်အမြင် ၊ ယူဆချက်တွေ ၊ သုံးသပ်မှုတွေကို ဘယ်နည်းနဲ့သိနားလည်အောင် လုပ်မလဲ ၊ သူတို့ကိုယ်တိုင်ထုတ်ဖော်ပြောပြချင်အောင် ဘယ်နည်းသုံးမလဲဆိုတာလည်း စိတ်ဝင်စားစရာဖြစ်ပါတယ်။ တချို့ကလေးတွေဟာ ထုတ်ဖော်မပြောတတ်ပေမယ့် သူတို့ရင်ထဲမှာရှိနေတဲ့ ထင်မြင်ယူဆချက်တွေနဲ့ အဖြေတွေဟာ Brilliant Idea (အဖိုးမဖြတ်နိုင်စရာတွေ)လည်း ဖြစ်နေနိုင်ပါတယ်။ ထုတ်ဖော်မပြောလို့ သူမသိဘူးလို့ ကောက်ချက်ချရင် မှားတတ်ပါသေးတယ်။

ကျွန်မပြောခဲ့ဖူးသလို ကျောင်းနဲ့စတင်မိတ်ဆက်တဲ့ကလေးဟာ ကျောင်းသွားရတာကို ပျော်သင့်ပါတယ်။ ကျောင်းသွားရတာပျော်သွားတဲ့နောက်တဆင့်မှာ သင်ယူလေ့လာခြင်းတွေကို စိတ်ရောကိုယ်ပါ အားတက်သရော ပျော်ပျော်ရွှင်ရွှင် ဆည်းပူးလေ့လာသင့်တာပါ။ ကလေးတွေဖြစ်တာမို့ သူတို့ကို ဖိအားပေးပြီး ကြောက်အောင်ခြောက် ၊ ငြိမ်အောင်ဆူရိုက်ရင်း သင်မယ်ဆိုရင်ဖြင့် သူတို့ရဲ့စူးစမ်းစိတ်တွေ ၊ တက်ကြွစိတ်တွေကို ချိုးနှိမ်လိုက်တာဖြစ်ပါတယ်။ ကြောက်လေလေ လူညွန့်တုံးလာလေလေပါ။

အကြောက်တရားအောက် ရောက်သွားတဲ့ကလေးတွေအများစုဟာ ကြောက်စိတ်တွေ ဖုံးလွှမ်းသွားတတ်ပါတယ်။ ကြောက်စိတ်တွေ ကြီးစိုးနေတော့ မလုပ်ရဲ ၊ မကိုင်ရဲ ၊ မပြောရဲ ၊ မဆိုရဲ ၊ မထွင်ရဲ ၊ မထောက်ပြရဲ ၊ မှားလည်း အပြစ်မတင်ရဲ ဖြစ်နေတတ်ပါတယ်။ တချို့သော သူတွေသာ အဲဒီအကြောက်တရားကို ရှားရှားပါးပါး ပြန်တော်လှန်နိုင်ကြတာပါ။ အများစုဟာ ကြောက်စိတ်တွေနဲ့ ပိနေတတ်ကြတာမို့ ဒီနစ်ဟာ ခေါင်းဆောင်တွေ ဖော်ထုတ်ဖို့ထက် နောက်လိုက်တွေဖြစ်လာဖို့ အားပေးနေတာဖြစ်ပါတယ်။

ကလေးကို ကြောက်စိတ်တွေ မကြီးစိုးနေစေချင်ရင် ကလေးကို အပြစ်တင်မာန်မဲတာတွေ လျှော့ပြီး ကလေးဟာ မိမိဆိုလိုရင်းကို နားလည်ဖို့ ဦးစားပေးရမှာဖြစ်ပါတယ်။ ကလေးနားမလည်တာ ၊ မမှတ်မိတာ ၊ လုပ်မြဲလုပ်နေတာတွေဟာ ကလေးနားလည်သဘောပေါက်အောင် မိမိမသင်တတ်သေးဘူးလို့ မှတ်ရုံပါ။ ဒီလိုဆို နောက်တနည်းပြောင်းပြီး သူနားလည်အောင် သင်ပေးရမှာပေါ့။ ဒီလိုနည်းတွေပြောင်းသင်ပေးတဲ့အခါ သူနဲ့ဆက်စပ်တဲ့နည်းအောက်မှာ သူဟာ နားလည်သဘောပေါက်လို့ သင်ယူသွားမှာပါ။

ကိုယ်သုံးတဲ့နည်းဟာ အကြမ်းနည်းတွေချည်း ဖြစ်နေမယ်ဆို ကလေးဟာ နားလည်သဘောပေါက်လို့ လက်ခံပြောင်းလဲလိုက်တာ ဆိုတာမျိုးထက် ကိုယ့်ကိုကြောက်လို့ ပြောင်းလဲလိုက်ရတာလို့ မှတ်ရမှာပါ။ ကိုယ့်ကိုမကြောက်တော့တဲ့တချိန်မှာ သူလက်ခံထားတာတွေကို ကိုယ့်ကိုတော်လှန်ပြီး ဒီနည်းတွေ ကျင့်သုံးတော့မှာပါ။ ဒါကြောင့် ကလေးတကယ်နားလည်သွားအောင် နည်းမှန်လမ်းမှန် သင်ပြပေးတတ်ဖို့ဟာ အလွန်အရေးကြီးတာပါ။

ကလေးကို အပြစ်တင်တာတွေလျှော့ပါလို့ ဆိုလိုတာက အသေးအဖွဲကိစ္စလေးတွေအတွက် ကလေးကို မဆူ ၊ မမာန် ၊ မရိုက်နှက်ပါနဲ့။ ကလေးကို နားလည်မှုပေးပါ။ ဘယ်လိုနားလည်ပေးရမှန်းမသိရင် သူ့အရွယ်တုန်းက ကိုယ်ဘယ်လိုဆိုတာကို ပြန်တွေးပါ။ ကိုယ့်ဆီမှာမရှိတဲ့အကျင့်တွေ ကလေးဆီမှာ ရှိနေရင် ကိုယ့်အိမ်ထောင်ဖက် သို့မဟုတ် ကလေးကို အကျင့်ကူးစေသူတွေ ကလေးအနားမှာရှိနေလို့ဖြစ်ပါတယ်။ ဒါဟာ ကလေးအပြစ်မဟုတ်ပါဘူး။

ကျောင်းမှာပစ္စည်းတွေကျန်ခဲ့တတ်တာ ကလေးအပြစ်မဟုတ်ဘူး။ အဲဒီပစ္စည်းတွေပေါ်မှာ ကလေးရဲ့နာမည်နဲ့ အတန်းဆိုတာ ရေးမှတ်ဖော်ပြပေးထားခြင်းမရှိတဲ့ ကိုယ့်ကြောင့် ကလေးပစ္စည်းပျောက်သွားတတ်တယ်လို့မှတ်ပါ။ ကိုယ်ကလေးဘဝတုန်းကလည်း ပျောက်ခဲ့ဖူးတာပဲလေး။ ပစ္စည်းအခိုးခံရတာလို့ ထင်နေတယ်ဆို ဘာပစ္စည်းဝယ်ဝယ် ပိုပိုလိုလို အနည်းဆုံး နှစ်ခုမှသည် လေးငါးဆယ်ခု ဝယ်ပေးထားပါ။ ဒါဆို ဒီနေ့တခုပျောက်သွားရင် ကလေးနာမည်နဲ့အတန်း ရေးထိုးထားတာကို နောက်တနေ့မှာ ထပ်ထည့်ပေးလိုက်ပါ။ သက်ဆိုင်တဲ့ဆရာမကို ကလေးပစ္စည်းပျောက်သွားတာ အသိပေးပါ။ ကိုယ့်ကလေးကိုလည်း သူ့ပစ္စည်းသူ ဂရုတစိုက် သိမ်းဆည်းသိတတ်ဖို့ဆိုတာ လေ့ကျင့်ပေးပါ။ ဒီလိုဆို ပစ္စည်းပျောက်လို့ အဆူခံ ၊ အရိုက်ခံရတဲ့ဒုက္ခ ကလေးမခံစားရတော့ဘူးပေါ့။

ကလေးတွေကို ရိုက်တာအားမပေးတဲ့ ကျွန်မကိုယ်တိုင် ကလေးဆိုးလာတယ်လို့ ထင်လာတဲ့အချိန်မှာ စတိရိုက်တတ်ပါတယ်။ ဒါဟာ သူလုပ်သင့်တာထက်ပိုနေပြီ ၊ အမေသည်းခံနိုင်တာထက်ပိုနေပြီ။ ဒါဟာ Serious ဖြစ်နေပြီဆိုတာကို အသိပေးရုံပါ။ အဲဒီလိုအချိန်မှာ ကျွန်မ မလိုအပ်ဘဲ တုတ်ကိုင်ရိုက်တာမျိုး မလုပ်ပါဘူး။ ကျွန်မသမီးလေးကို ဟိုးငယ်ငယ်ကတည်းက ကျွန်မလေ့ကျင့်ပေးထားခဲ့ဖူးတယ်။ ရေချိန်ဆိုတာကို သူခံစားသိနိုင်ဖို့ လေ့ကျင့်ပေးထားတာပါ။

ပထမ  –   မလုပ်သင့်ဘူး ။ မလုပ်ရဘူးဆိုတာကို ပြုံးပြုံးလေးအသိပေးပါတယ်။

ဒုတိယ –   မလုပ်ပါနဲ့လား ၊ ရပ်လိုက်ပါလားလို့ လေသံနဲနဲမြှင့်ပြောပါတယ်။

တတိယ  –   မလုပ်နဲ့လို့အမေပြောနေတာမို့ လုပ်နေတာတွေ ကျေးဇူးပြုပြီးရပ်လိုက်ပါလို့ မေတ္တာရပ်ခံလိုက်တယ်။ (ဒါဟာ ကျွန်မရဲ့အမြင့်ဆုံးရေချိန်ပဲ။ ဒီ့ထက်ပိုလာရင် ပေါက်ကွဲတော့မယ်ဆိုတာ လေသံအေးအေးနဲ့ မေတ္တာရပ်ခံလိုက်တာပါ။)

ဒါမှဆက်လုပ်တယ်ဆိုရင်တော့ သူ့တင်ပါးနဲ့ ခြေသလုံးတွေကို ကျွန်မလက်နဲ့ ခပ်ဆတ်ဆတ်လေး တစ်ချက် ၊နှစ်ချက် ရိုက်လိုက်ပါတယ်။ အများအားဖြင့် ပထမနဲ့ ဒုတိယအကြိမ် ပြောချိန်မှာ သူရပ်သွားတာတွေများတာမို့ အကြိမ်နှစ်ဆယ်လောက်ပါမှ တစ်ကြိမ်လောက်ပဲ ရိုက်ရတာမျိုးပါ။ ရက်သတ္တပတ်တိုင်း ရိုက်ရတာမျိုးမဟုတ်တာမို့ နေ့စဉ်ရိုက်နှက်ဆုံးမတတ်သူတွေဟာ ဒီလိုရေချိန်နဲ့ မသင်ခဲ့လို့ဖြစ်နိုင်ပါတယ်။ ကျွန်မသမီးလေး ငယ်ငယ်ကတည်းက ဒီလိုလေ့ကျင့်ပေးထားတာမို့ ကြီးမှလေ့ကျင့်မယ်ဆိုရင် နည်းနည်းတော့ အခက်အခဲရှိနိုင်ပါတယ်။

ကလေးအရွယ်ကြီးလာရင် သူခံနိုင်ရည်အားကောင်းလာတယ် ၊ အသားတွေကျစ်ပြီး တော်ရုံမနာတတ်တော့တာမို့ အမေရိုက်လည်း သာသာပဲဖြစ်နေတတ်ပါတယ်။ ဒီလိုဆို ခပ်မာမာအရာလေးနဲ့ သူနာတယ်ဆိုရုံ တင်ပါးနဲ့ ခြေသလုံးကိုပဲရိုက်ပါတယ်။ အဲဒီနေရာတွေက အသားများတာမို့ ကလေးရဲ့နာကျင်မှုကို ရေရှည်မထိခိုက်စေပါဘူး။ တခြားနေရာတွေမှာဆိုရင် ကိုယ်အားပါသွားရင် အရိုးပါ ထိခိုက်မိနိုင်တယ်။ အရှိုးရာတွေထင်တဲ့အထိ ကလေးကိုရိုက်တာမျိုးကို ကျွန်မအားမပေးပါဘူး။

ရေချိန်ဆိုတာ ကလေးနားလည်အောင် သင်ပေးထားတာက ဘယ်အခြေအနေမှာ သူရပ်သင့်တယ်ဆိုတာကို လေ့ကျင့်ပေးထားတာပါ။ လူတိုင်းမှာ သည်းခံနိုင်ရည်ရှိတယ်။ အဲဒီဘောင်ကို ကျော်လွန်လို့မရဘူးဆိုတာ သူ့ကို လေ့ကျင့်ပေးထားတာဖြစ်ပါတယ်။ တပါးသူကို နာကျင်စေတာမျိုး ၊ စာရိတ္တပိုင်းဆိုင်ရာမျိုး နဲ့ သူအန္တရာယ်ဖြစ်စေနိုင်တဲ့ ကိစ္စတွေမှာဆို အမိန့်သုံးပြီးရပ်ခိုင်းပါတယ်။ ပြေးဆွဲတာမျိုးလုပ်ပါတယ်။ ဒါမှ နားမထောင်ရင်တော့ အနားမှာရှိတဲ့ ခပ်မာမာရိုက်လို့ရရုံပစ္စည်းလေးသုံး ရိုက်ပါတယ်။ ကျွန်မအတွက်တော့ ထမင်းစားတဲ့တူလေးဟာလည်း သူ့ကိုရိုက်လို့ရတဲ့အရာလေးလို့ သတ်မှတ်ပါတယ်။ တုတ်ကြီးကိုင်မှ ကြောက်တတ်တာမျိုး မလိုချင်လို့ပါ။ ကျွန်မတခါမှ သူ့ရိုက်ဖို့သက်သက်ဆိုပြီး တုတ်မဝယ်ထားဘူး။ သီးသန့်လည်းမထားဘူး။ အမေသူ့ကိုရိုက်ဆုံးမတာဟာ အမေလုံးဝလက်မခံတာမို့ မလုပ်ချင်ဘဲလုပ်ရတာ ၊ မရိုက်ချင်ဘဲရိုက်ရတာဆိုတာ သူနားလည်စေချင်လို့ဖြစ်ပါတယ်။

အမေဟာ သူ့ကိုနာစေချင်လို့မဟုတ်ဘဲ သူ့ကိုကောင်းစေချင်လို့ ၊ ဘာကြောင့်ရိုက်ရတယ်ဆိုတာကို ရိုက်ပြီးတဲ့နောက်မှာ သူ့ကိုဖက်ပြီး ပြောပြလေ့ရှိတာမို့ ကလေးဟာ ငိုနေပေမယ့် အမေဘာကြောင့် သူ့ကိုရိုက်ဆုံးမရတယ်ဆိုတာ နားလည်သွားပါတယ်။ ကလေးကိုရိုက်ပြီးမသင်ပါနဲ့ ၊ ရိုက်မှမှတ်သွားမယ်ဆိုတဲစိတ်မျိုး မထားပါနဲ့ ၊ ရိုက်မှ တတ်သွားမယ်ဆိုပြီးတော့လည်း မသင်ပါနဲ့။ ကလေးမှတ်ဥာဏ်မှာ အပေါင်းလက္ခဏာတွေများများထည့်ပြီး အနှုတ်လက္ခဏာတွေကို ဖျောက်နိုင်သမျှဖျောက်ပေးပါမှ ကလေးဟာ အကောင်းမြင် ပျော်ရွှင်ပြီး ဥာဏ်ရည်ထက် ၊ လူ့အရိပ်အကဲ သိနားလည်လို့ လိမ္မာတဲ့သားကောင်း ၊ သမီးကောင်းလေးတွေ ဖြစ်လာမှာပါ။

ရတု (Burmesehearts.com)